Gwirvol

Gwirfoddolwyr Ifanc: eu talu â pharch

DG — 2012-05-02T23:00:00+00:00

Prif Weinidog Cymru i anrhydeddu person ifanc mewn digwyddiad gwirfoddoli ymhlith pobl ifanc

Bydd y grŵp gwirfoddoli ymhlith pobl ifanc, Gwirforce, yn cynnal digwyddiad arbennig i roi sylw i’w gwaith nhw a gwaith gwirfoddolwyr hyd a lled Cymru. Bydd Prif Weinidog Cymru, Carwyn Jones, yn bresennol i wobrwyo Person Ifanc Ysbrydoledig y Flwyddyn.

Panel o bobl ifanc rhwng 16 a 25 oed o bob cwr o Gymru, sy’n dod at ei gilydd i hyrwyddo a chefnogi Gwirfoddoli ymhlith Pobl Ifanc yng Nghymru yw GwirForce. Ers iddynt sefydlu yn 2007, mae GwirForce wedi bod yn brysur yn annog pobl ifanc i wirfoddoli a herio’r farn negyddol am bobl ifanc yn y cyfryngau.

Cynhelir y digwyddiad o’r enw Gwirfoddolwyr ifanc: eu talu â pharch ar ddydd Iau, 3 Mai, yn Adeilad y Pierhead ym Mae Caerdydd rhwng 11am a 1pm. Bydd Prif Weinidog Cymru yn lansio Siarter Gwirforce ar gyfer Gwirfoddoli ymhlith Pobl Ifanc yn swyddogol cyn cyflwyno gwobr i Berson Ifanc Ysbrydoledig y Flwyddyn. Bydd Comisiynydd Plant Cymru, Keith Towler, wrth law i draddodi’r brif araith, a bydd rhaglen ddogfen Gwirforce Why Not?/Pam Lai? yn cael ei dangos hefyd, sy’n rhoi sylw i rai o’r gwirfoddolwyr ifanc gorau yng Nghymru yn ogystal ag ymchwilio i’r materion sy’n atal rhai pobl ifanc rhag dechrau gwirfoddoli.

Mae croeso i chi, yn ogystal â ffotograffydd, ddod i’r digwyddiad hwn os ydych chi’n dymuno. Os oes gennych awydd dod draw, cysylltwch â Pri Patel yn gwirvol@wcva.org.uk neu 02920 435 751.

Siarter GwirForce ar gyfer Gwirfoddoli ymysg Pobl Ifanc

GwirForce — 2012-05-02T23:00:00+00:00

Y Siarter ar gyfer Gwirfoddoli ymysg Pobl Ifanc yng Nghymru yw’r siarter cyntaf o’i math yng Nghymru. Mae’n anelu at ddatblygu a diogelu gwirfoddolwyr ifanc yn eu lleoliadau yn ogystal â rhoi gwybod i’r Gwirfoddolwr a’r mudiad beth i'w ddisgwyl gan y naill a’r llall.

Ysgrifennwyd y Siarter yn ôl ym mis Ebrill 2012, mewn Caban Pren oer a chyfyng yng Ngoetre, Port Talbot. Roedd GwirForce eisiau diogelu gwirfoddolwyr yng Nghymru, yn ogystal â nodi arweiniad ac arfer da i’r gwirfoddolwr a’r mudiad o ran beth i'w ddisgwyl gan y naill a’r llall. Wyth awr yn ddiweddarach, ar ôl bwyta nifer o fagiau o greision, cynnal nifer o drafodaethau ac yfed llawer iawn o goffi, cafodd y siarter ei geni.

Ers hynny, rydym wedi anfon y siarter ar gyfer ymgynghori, a hyd yma mae wedi cael ei chyflwyno i Brif Weinidog Cymru a’i llofnodi gan UNA Exchange a Dyfodol. Heddiw, bydd pedwar Mudiad yn ymrwymo i nodau craidd y Siarter ac yn gwneud pob ymdrech i hyrwyddo ac ymarfer ei hegwyddorion, lle bynnag bosibl, yn eu gwaith gyda gwirfoddolwyr ifanc.

SIARTER GWIRFORCE AR GYFER GWIRFODDOLI YMYSG POBL IFANC

Ymchwil GwirVol – gwirfoddolwyr ifanc a chwilio am waith

2012-04-30T23:00:00+00:00

Mae GwirVol am ddysgu mwy am brofiadau gwirfoddolwyr ifanc o ran eu cysylltiad â Chanolfan Byd Gwaith (JCP). Fel person ifanc, rydym yn eich gwahodd i gwblhau’r arolwg drwy ddilyn y ddolen isod i rannu’ch profiadau â ni ac i fynegi eich barn.
Mae’r holiadur hwn yn rhan o brosiect ehangach GwirVol i edrych sut y gallwn helpu pobl ifanc i ddefnyddio’u gwirfoddoli o fewn y broses o chwilio am waith.

Gan fod GwirVol yn ymdrechu i fod yn fudiad sy’n cael ei arwain gan bobl ifanc, mae wedi bod yn gwrando ar yr hyn sydd gan bobl ifanc i’w ddweud am eu profiad o wirfoddoli tra maent yn chwilio am waith. Mae GwirVol yn bwriadu defnyddio’r ymchwil hwn i chwilio am ffyrdd o gydweithio â Chanolfan Byd Gwaith a’r Adran Gwaith a Phensiynau i sicrhau bod eu profiad yn un positif.

Diolch ymlaen llaw i chi am roi’r amser i gwblhau’r holiadur.

Create your free online surveys with SurveyMonkey, the world's leading questionnaire tool.

Ymchwil GwirVol – gwirfoddolwyr ifanc a chwilio am waith

LD — 2012-04-30T23:00:00+00:00

Diolch ymlaen llaw i chi am roi’r amser i gwblhau’r holiadur.

Create your free online surveys with SurveyMonkey, the world's leading questionnaire tool.

Prif Weinidog Cymru i anrhydeddu person ifanc ‘mwyaf ysbrydoledig’ Cymru

DG — 2012-04-30T23:00:00+00:00

Bydd i person ifanc cyntaf i dderbyn gwobr person ifanc mwyaf ysbrydoledig Cymru yn derbyn yr anrhydedd gan y Prif Weinidog, Carwyn Jones, yr wythnos hon.

Mewn seremoni ym Mae Caerdydd i ddathlu gwaith gwirfoddolwyr ifanc hyd a lled y wlad, bydd y Prif Weinidog yn cyflwyno’r wobr Person Ifanc Ysbrydoledig y Flwyddyn am y tro cyntaf i un o filoedd sy’n rhoi o’u hamser i helpu eraill.

Mae’r digwyddiad yn Adeilad y Pierhead y dydd Iau hwn (3 Mai) yn cael ei drefnu gan GwirForce, panel cenedlaethol o wirfoddolwyr ifanc rhwng 16 a 25 oed, a ffurfiwyd yn 2007 i annog gwirfoddoli a herio’r farn negyddol am bobl ifanc yn y cyfryngau.

Bydd y digwyddiad sy’n dwyn y teitl, Gwirfoddolwyr Ifanc: eu talu â pharch, yn cynnwys anerchiad gan Gomisiynydd Plant Cymru, Keith Towler.

Bydd y Prif Weinidog hefyd yn lansio ‘Siarter ar gyfer Gwirfoddoli Ymysg Pobl Ifanc’ GwirForce yn swyddogol a bydd rhaglen ddogfen GwirForce Why Not?/Pam lai? yn cael ei dangos, sy’n cynnwys rhai o’r gwirfoddolwyr ifanc gorau yng Nghymru, yn ogystal ag ymchwilio i’r hyn sy’n atal rhai pobl ifanc rhag dechrau gwirfoddoli.

Mae GwirForce yn grŵp sy’n cael ei arwain gan bobl ifanc, ac mae’n gangen o GwirVol. Mae’n bartneriaeth rhwng y trydydd sector, y sector cyhoeddus a'r sector preifat, a ariennir gan Uned Trydydd Sector Llywodraeth Cymru. Dyma’r ffynhonnell gyntaf ar gyfer pobl ifanc a mudiadau sy’n chwilio am gyngor a gwybodaeth am wirfoddoli.

‘Mae’r wobr Person Ifanc y Flwyddyn wedi cael ei sefydlu i gydnabod y rheini sy’n mynd y tu hwnt i’r gofyn ym maes gwirfoddoli ac sy’n gwneud llawer mwy na’r hyn a ofynnir iddyn nhw,’ meddai Tim Day, Cyfarwyddwr Gwirfoddoli a Pholisi, Cyngor Gweithredu Gwirfoddol Cymru (WCVA), sef partner gweinyddol GwirVol.

‘Mae’r rhai sydd wedi cael eu henwebu ar gyfer y wobr hon yn enghreifftiau gwych o sut gall gwirfoddoli helpu pobl ifanc i fod y gorau y gallan nhw fod.’

Mae’r Siarter ar gyfer Gwirfoddoli Ymysg Pobl Ifanc yn galw ar y Llywodraeth a mudiadau sy’n cynnwys gwirfoddolwyr i gydnabod manteision derbyn gwirfoddolwyr ifanc.

Mae wedi'i datblygu dros y ddwy flynedd ddiwethaf mewn ymgynghoriad â phobl ifanc a grwpiau ieuenctid. Mae GwirForce hefyd wedi ymgynghori â phanel ieuenctid yng Ngogledd Iwerddon, yn y gobaith y bydd paneli ieuenctid eraill yng ngwledydd y DU yn mabwysiadu’r siarter yn y tymor hir hefyd.

Cannoedd o gyfleoedd cyffrous ar gael i wirfoddolwyr yr haf hwn

UNA Exchange — 2012-04-22T23:00:00+00:00

Mae UNA Cyfnewid newydd gyhoeddi manylion cannoedd o gyfleoedd gwirfoddoli ar gael yr haf hwn.

Mae prosiectau ar gael mewn dros 40 gwlad fyd-eang ac yn cynnwys amrywiaeth o themâu fel adnewyddiad, addysg, cymdeithasol, diwylliant, archaeoleg a gwyliau. Mae’r rhan fwyaf o’r cyfleoedd hyn yn 2-3 wythnos o hyd, felly’n berffaith ar gyfer gwyliau’r haf. Yr haf hwn gallwch chi helpu adnewyddu llwybrau cerdded ar ynys Roegaidd, cymryd rhan mewn gŵyl llusern yn dathlu hynafiaid ymadawedig yn Siapan, neu’n cynorthwyo banc bwyd cymunedol yn Oregon.

Ar gyfer gwirfoddolwyr sy’n edrych am rywbeth sy’n para ychydig yn hirach, mae gan UNA Cyfnewid prosiectau 1-12 mis yn Affrica, Asia a Gogledd a Lladin America.

Am ragor o fanylion ynglŷn â’r anturion wirfoddoli sydd ar gael ewch i www.unaexchange.org.

Paratoi Dathlu y Gemau

2012-04-19T23:00:00+00:00

Brwdfrydig dros y Gemau Olympiadd a Pharalympaidd? Dyma gyfle newydd sbon sydd wedi ei lawnsio gan Llundain 2012 i helpu pawb ar draws y DU ddathlu. Arweinwyr Lleol yw enw’r cynllun fydd yn rhoi cyfle i chi ddod o hyd i syniadau a rhoi help i chi drefnu eich dathliadau.

Mae’n hawdd iawn bod yn Arweinydd Lleol. Unwaith i chi gofrestru eich cyfeiriad ebost ar y wefan bydd Arweinyddion Lleol yn derbyn newyddion misol am:

Syniadau ac awgrymiadau
Canllawiau cynllunio
Syniadau sut i addurno at themau y Gemau
Posteri at eich defnydd eich hun
Cerdiau i’w danfon at eraill

Medrwch gofrestru ar y wefan.

Am fwy o wybodaeth cysylltwch a Gwyn L Williams, Rhaglennydd Creadigol Cymru

Gwirfoddolwyr Ifanc: eu talu â pharch

DG — 2012-04-11T23:00:00+00:00

Prif Weinidog Cymru i anrhydeddu person ifanc mewn digwyddiad gwirfoddoli ymhlith pobl ifanc

Mae croeso i chi, yn ogystal â ffotograffydd, ddod i’r digwyddiad hwn os ydych chi’n dymuno. Os oes gennych awydd dod draw, cysylltwch â Pri Patel yn gwirvol@wcva.org.uk neu 02920 435 751.

Gwobrau Rhagoriaeth Gwaith Ieuenctid yng Nghymru

DG — 2012-03-19T00:00:00+00:00

Mae Cam wrth Gam, prosiect sydd yn cael ei ariannu gan GwirVol a'i redeg gan Gyfnewid UNA, wedi cyrraedd rownd derfynol Gwobrau Rhagoriaeth Gwaith Ieuenctid yng Nghymru, sef gwobrau Llywodraeth Cymru, fis Chwefror.

Roedd Erica Ramos, Yonas Tasfalem a Dwayne Landeg, gwelir yma gyda'r Brif Wobr, yn cymryd rhan yng Ngham wrth Gam yn 2011, yn gwirfoddoli yn Sbaen, yr Iseldiroedd a Ffrainc.

Mae Cam wrth Gam wedi'i greu i gynyddu cyfranogaeth ymysg pobl ifanc sydd â llai o gyfleoedd yng Nghymru. Mae'n helpu nhw i wirfoddoli'n fyd-eang ac i gymryd rhan mewn gweithgareddau dinasyddiaeth mewn gwledydd eraill ac ar ôl dychwelyd adref i Gymru.

Gyda chefnogaeth GwirVol a'r rhaglen Ieuenctid ar Waith Ewropeaidd, mae Cyfnewid UNA wedi darparu cyfleoedd ac wedi cefnogi 40 o bobl ifanc llynedd. Am wybodaeth bellach ewch i www.unaexchange.org.

Am luniau pellach o wirfoddolwyr ifanc, ymwelwch â'n Oriel Lluniau. Os oes gennych chi stori gwirfoddoli hoffech rannu ar y wefan, e-bostiwch yr hanes atom heddiw!

Help I Wella Cyfleoedd Ariannu Yn Eich Ward Wledig?

DG — 2012-03-16T00:00:00+00:00

Help I Wella Cyfleoedd Ariannu Yn Eich Ward Wledig?

Gall y prosiect Cofiwch - Cysylltiadau, Cefn Gwlad, Cynaladwyedd wneud hynny.

Mae Grŵp Gweithredu Lleol Castell-nedd Port Talbot wedi cael arian gan y Cynllun Datblygu Gwledig i gynnal y prosiect hwn.

Bydd y prosiect yn ystyried y gwasanaethau presennol:
Cludiant cymunedol, gofal iechyd, cyfleoedd gwaith a thwristiaeth a bydd yn nodi unrhyw fylchau yn y ddarpariaeth er mwyn mynd i’r afael ag anghenion y dyfodol a materion o bwys yn y wardiau gwledig.

PWY DDYLAI GYMRYD RHAN?

Pawb yn y gymuned
Er enghraifft: trigolion, ffermwyr a busnesau.

BETH GALLAF EI WNEUD I HELPU?

Cwblhau holiadur byr sydd ar gael yn:

Pobl Ifanc

Trigolion

Busnesau

(SYLWER: Dim gwybodaeth bersonol, eich barn yn unig)

Lawrlwytho poster:

Saesneg

Cymraeg

Os oes gennych gwestiynau, cysylltwch â mi drwy:

E-bost: l.dagless@npt.gov.uk Ffôn: 01639 686077

Atal Eithafiaeth Dreisgar

DG — 2012-03-15T00:00:00+00:00

Atal Eithafiaeth Dreisgar
Digwyddiad Ymwybyddiaeth
Gwesty Aberavon Beach Hotel
0900 – 1230
15fed Mawrth 2012

Mae Atal Eithafiaeth Dreisgar (AED), neu 'Prevent' fel adnabwyd yn gyffredin, yn rhan o strategaeth Cystadlu Llywodraeth Prydain.

Mae'n edrych ar y dull partneriaeth sydd ei angen i gefnogi ac amddiffyn pobl 'bregus' rhag recriwtio gan eithafwyr treisgar.

Mae'r digwyddiad sydd yn cael ei drefnu gan Gyngor Castell-nedd Port Talbot a Heddlu De Cymru yn cael ei ariannu gan gronfa Cydlyniad Cymunedol Llywodraeth Cymru, yn addas ar gyfer pob sector ac aelodau'r gymuned, yn benodol y rhai sydd yn cefnogi pobl un ai ifanc neu fregus.

Os hoffech chi fynychu os gwelwch yn dda cwblhewch y ffurflen cadw lle atodol. Os hoffech wybodaeth bellach am y digwyddiad cysylltwch gyda

Swyddog Ymrwymiad AED – Pat Nolan yn Swyddfa Heddlu Cockett ar 01792 562884 / 07980221910
Pat.nolan@south-wales.pnn.police.uk

Agenda

Seminar Booking Form

Gwerth Gwaith Ieuenctid yng Nghymru

DG — 2012-03-07T00:00:00+00:00

Fe'ch gwahoddir i Gynhadledd ¡ 'Gwerth Gwaith Ieuenctid yng Nghymru'.

7 Mawrth 2012, Stadiwm y Mileniwm, Caerdydd - 9:00 - 16:30

Nod y gynhadledd yw rhoi cyfle i¡¯r sector gwaith ieuenctid yng Nghymru ddod ynghyd i ystyried gwerthoedd gwaith ieuenctid a thrafod cyfeiriad gwaith ieuenctid yng Nghymru at y dyfodol.

Cewch gyfle i drafod blaenoriaethau Gwaith Ieuenctid Cenedlaethol Cymru, i drafod cyfeiriad gwaith ieuenctid yng Nghymru at y dyfodol ac i edrych ar yr heriau a'r cyfleoedd sydd ohoni ar hyn o bryd mewn gwaith ieuenctid.

Bydd y siaradwyr yn cynnwys:

Leighton Andrews, y Gweinidog Addysg a Sgiliau
Chris Tweedale, Cyfarwyddwr, y Grŵp Ysgolion a Phobl Ifanc
Y Cynghorydd Peter Fox, Arweinydd Cyngor Sir Fynwy a Llefarydd CLlLC ar Ddysgu Gydol Oes a Sgiliau
Y Dr Brett Pugh, Pennaeth yr Uned Safonau Ysgolion
Tom Wylie, Cyn Brif Swyddog Gweithredol Asiantaeth Genedlaethol Ieuenctid
Graeme Tiffany, Is-gadeirydd y Ffederasiwn ar gyfer Gwaith Ieuenctid Datgysylltiedig

Mae'r gynhadledd wedi'i hanelu at bawb sydd wrthi'n datblygu neu'n rhoi gwasanaethau ieuenctid ar waith yn yr awdurdodau lleol ac mewn cyrff gwirfoddol yng Nghymru.

I archebu lle yng nghynhadledd Gwerth Gwaith Ieuenctid yng Nghymru, cliciwch YMA i lawrlwytho'r ffurflen gofrestru.

Dewch atom i ymuno mewn diwrnod sy'n argoeli i fod yn un cynhyrchiol iawn.

Digwyddiad Gwirfoddoli Amgen yn Denu Dros 300 o Bobl Ifanc

DG — 2012-02-26T00:00:00+00:00

Mae Cymdeithas Ponthafren, (sydd yn hyrwyddo iechyd meddwl a lles positif yn Sir Drefaldwyn), mewn partneriaeth â myfyrwyr Gofal Iechyd a Chymdeithasol yng Ngholeg Powys yn Nhrenewydd a PAVO, wedi cynnal Digwyddiad Gwirfoddoli Amgen yn ddiweddar ar ddydd Mawrth 7fed Chwefror 2012 yn Yr Hafren yn Drenewydd. Roedd 35 o sefydliadau a dros 335 o bobl ifanc yn bresennol yn y digwyddiad, oedd yn gyfle i sefydliadau gwirfoddol hyrwyddo cyfleoedd gwirfoddoli i bobl ifanc 16-25 oed, nad oedd o reidrwydd yn ymwybodol o'u bodolaeth.

Roedd adborth gan y sefydliadau oedd yn bresennol yn gadarnhaol iawn, gyda phob un yn adrodd fod nifer fawr o bobl ifanc wedi rhoi eu henwau ymlaen.

Mae'r buddiannau o wirfoddoli yn niferus ac yn amrywiol i bobl ifanc, ond gallai gynnwys:
• Cyfle i gael hwyl tu allan i amgylchedd addysgiadol/hyfforddiant
• Cyfle i wneud gwahaniaeth i fywyd rhywun
• Cyfle iachus, fel taclo gordewdra drwy chwaraeon
• Cyfleoedd addysgiadol – dysgu drwy wneud fel ategiad i addysg ffurfiol
• Ennill sgiliau neu gymryd rhan mewn hyfforddiant
• Ennill profiad gwaith a gwneud cysylltiadau o fewn proffesiwn
• Cyfleoedd cymwysterau mewn hyfforddiant, dyfarnu, arwain a rheoli tîm
• Mae'n dda i'r CV – yn enwedig ar gyfer Addysg Bellach neu Uwch
• Datblygiad personol a chymdeithasol
• Gallai helpu cynyddu hunan-barch a hunanhyder
• Cyfle i fod yn rhan o dîm
• Cyfarfod pobl newydd o amrywiaeth oedran: yn ffordd dda i gyfarfod ffrindiau newydd
• Rhoi lleoliad i rywun o fewn y gymuned – cyfle i fod yn rhan o weithgareddau cymunedol
• Rhoi teimlad o barch; teimlad o angen a gwerthfawrogiad
• Gall weithio tuag at ennill achrediad, fel Gwirfoddolwyr y Mileniwm neu Wobr Dug Caeredin

Dywedai Nicky Morris, Cydlynydd yn Ponthafren, "Roedd y digwyddiad yn llwyddiant gwych gyda nifer anhygoel o sefydliadau a phobl ifanc yn cymryd rhan. Roedd cefnogaeth wych gan ysgolion lleol, asiantaethau hyfforddi, Coleg Powys a nifer o bobl ifanc o'r gymuned leol oedd wedi dod draw ar ôl gweld cyhoeddusrwydd y digwyddiad. Dan Thomas a finnau drefnodd y diwrnod ar y cyd a hoffwn roi diolch personol i fyfyrwyr blwyddyn gyntaf adran Gofal Iechyd a Chymdeithasol Coleg Powys fu'n helpu trefnu'r digwyddiad ac yn helpu ar y diwrnod, yn ogystal â'n holl wirfoddolwyr. Dwi'n gobeithio bydd y digwyddiad hwn yn cael ei ail-wneud dros y sir ac yn cael ei symud ymlaen gan sefydliadau eraill."

Roedd y digwyddiad yn cael ei ariannu gan Gynllun Grantiau Dan Arweiniad Pobl Ifanc GwirVol.

Gwybodaeth am Gymdeithas Ponthafren

Cafodd Cymdeithas Ponthafren ei sefydlu yn 1992 ac mae'n elusen sydd wedi ennill gwobrau sy'n darparu cefnogaeth, gwybodaeth ac addysg i aelodau'r gymuned sydd wedi'u haffeithio gan faterion iechyd meddwl ac/neu waharddiad neu arwahaniad cymdeithasol. Rydym yn bwriadu lleihau'r tebygrwydd o ysbyteiddio. Mae'r prif Ganolfan yn Drenewydd ond mae Canolfan Ymestyn Allan yn Y Trallwng ac yn cynnig gwasanaeth ymestyn allan i bobl Llanidloes. Ein prif nod ydy darparu canolfan adnoddau cymunedol sydd yn agored i bawb, lle gall unrhyw un ddod draw a theimlo croeso ac wedi ymlacio mewn amgylchedd ddi-farn. Am wybodaeth bellach - www.ponthafren.org.uk.

Statudau iechyd meddwl (ffynhonnell: Y Sefydliad Iechyd Meddwl)

• Mae 1 ymhob 4 person yn cael profiad o broblem iechyd meddwl diagnosadwy o fewn cyfnod o flwyddyn
• Pryder/Iselder cymysg ydy'r broblem iechyd meddwl mwyaf cyffredin ym Mhrydain
• Mae Merched yn fwy tebygol o fod wedi cael triniaeth am broblem iechyd meddwl nag dynion
• Mae tua 20% o blant efo problem iechyd meddwl o fewn cyfnod o flwyddyn
• Mae iselder yn effeithio 1 ymhob 5 o bobl hyˆn
• Mae Prydain efo un o'r graddfeydd uchaf o hunan niwed yn Ewrop
• Hunanladdiad ydy'r achos mwyaf cyffredin o farwolaeth ymysg dynion o dan 35 oed

Anthony yn dod yn berson ifanc cyntaf yng Nghymru i gwblhau Tystysgrif Chwaraeon MV50

Sport Wales — 2012-02-17T00:00:00+00:00

Cyhoeddwyd yr erthygl hon yn wreiddiol ar Sport Wales

Mae myfyriwr 18 oed o Brestatyn wedi dod yn berson ifanc cyntaf yng Nghymru i gael ei gyflwyno gyda'r Dystysgrif Chwaraeon MV50.

Cyflwynwyd tystysgrif i'r myfyriwr o Goleg Rhyl, Anthony Williams, ar ôl cwblhau dros 50 awr o wirfoddoli yng Nghlwb Pêl-droed Prestatyn.

Wedi'i lansio yn 1998, mae Gwirfoddolwyr Y Mileniwm (MV) yn rhan o raglen Prydain eang yn cefnogi pobl ifanc i wneud ymrwymiad i wirfoddoli yn eu cymunedau am 200 awr.

Mae MV yn annog rhai 16 i 25 oed i gynyddu ei sgiliau a'u diddordebau presennol ac i ennill profiadau newydd drwy roi amser i weithgareddau gwirfoddol. Mae ymdrechion yma yn cael ei hadnabod drwy dystysgrifau sydd yn cael ei gwobrwyo ar ôl 50 a 100 awr o wirfoddoli, a Gwobr Rhagoriaeth, wedi'i arwyddo gan Brif Weinidog Llywodraeth Cymru, ar ôl 200 awr.

Dywedodd Gerry Frobisher, Cydlynydd Gwirfoddoli Ieuenctid gyda Chyngor Gwasanaethau Gwirfoddol Sir Ddinbych: "Ar 1 Medi eleni, cafodd Tystysgrif Gwirfoddolwyr y Mileniwm newydd sbon ei lansio yng Nghymru. Mae'r Dystysgrif Chwaraeon MV50 yn cael ei gyflwyno i bobl ifanc sydd yn gwneud gwaith gwirfoddol o fewn amgylchedd chwaraeon, un ai fel hyfforddwr neu fel rhan o wirfoddolwyr y clwb sydd yn helpu ar y giât dro, stondin arlwyo, siop y clwb, marsialu, gwerthu llyfrynnau a chynnal a chadw cyffredinol o gwmpas y clwb."

Mae Anthony hefyd yn gwirfoddoli yng Nghlwb Rygbi Rhyl ac yn siopau elusennol Hosbis Claire House a Shelter Cymru ym Mhrestatyn.

Dywedodd Anthony: "Dwi wrth fy modd yn gwirfoddoli. Mae'n helpu pobl eraill a'r clybiau, a dwi'n gwneud llawer o ffrindiau."

Cyflwynwyd y Dystysgrif Chwaraeon MV50 i Anthony mewn Cyflwyniad Diwrnod Gêm arbennig yng Nghlwb Pêl-droed Tref Prestatyn gan Gadeirydd y Clwb Phil Merrick a Rheolwr y Chwaraewyr Neil Gibson. Hefyd yno i helpu gyda'r cyflwyniad oedd cyn chwaraewr Pêl droed Cymru ac Arsenal, John Hartson.

Dywedodd Carl Sargeant AC, Gweinidog Llywodraeth a Chymunedau Lleol: "Llongyfarchiadau mawr i Anthony am ddod y person ifanc cyntaf erioed yng Nghymru i dderbyn y Dystysgrif Chwaraeon MV50 am ei waith gwirfoddol.

"Mae Llywodraeth Cymru wedi'i ymrwymo i hyrwyddo, annog ac ehangu gwaith gwirfoddol dros Gymru. Mae cyllid targed ar gael i ehangu ein cefnogaeth o raglenni gwirfoddol ieuenctid fel GwirVol a Gwirfoddoli yng Nghymru.

"Pobl ifanc ydy dyfodol gwirfoddoli yn ein cymunedau ac mae Llywodraeth Cymru yn parhau i gael mwy o bobl yn cymryd rhan mewn chwaraeon. Rydym yn credu ei bod hi'n hanfodol i roi grym ac ysbrydoli pobl ifanc yng Nghymru i ddod yn ddelfryd ymddwyn ac yn arweinwyr.

"Efo'r cyfleoedd cywir gallant annog a gwobrwyo eu cyfoed i gymryd rhan mewn chwaraeon a hamdden gorfforol.

"Yn ganolog i'r rhaglen yma mae'r egwyddor fod pobl ifanc yn gyrru cyfle a newid i bobl ifanc eraill.

"Mae MV Chwaraeon yn ffordd wych o adnabod a gwobrwyo'r bobl ifanc ymroddedig yma am wirfoddoli 50 awr mewn chwaraeon ysgol a chymuned."

Paratoi Dathlu y Gemau

DG — 2012-01-31T00:00:00+00:00

Mae’n hawdd iawn bod yn Arweinydd Lleol. Unwaith i chi gofrestru eich cyfeiriad ebost ar y wefan bydd Arweinyddion Lleol yn derbyn newyddion misol am:

Syniadau ac awgrymiadau
Canllawiau cynllunio
Syniadau sut i addurno at themau y Gemau
Posteri at eich defnydd eich hun
Cerdiau i’w danfon at eraill

Medrwch gofrestru ar y wefan: london2012.com/get-involved/local-leaders/

Am fwy o wybodaeth cysylltwch a Gwyn L Williams, Rhaglennydd Creadigol Cymru

gwyn.williams@celfcymru.org.uk

0796 71 61 766

Cymry ifanc yn cefnogi plant Sierra Leone gyda help gan grant GwirVol

2012-01-15T00:00:00+00:00

Mae grant gan fenter gwirfoddoli ymysg pobl ifanc mwyaf blaenllaw Cymru yn helpu i ariannu pobl ifanc o Gaerdydd i deithio i Sierra Leone ym mis Rhagfyr i addysgu plant sy’n byw mewn tlodi.

Mae GwirVol wedi dyfarnu £16,600 i alluogi’r 10 o ddynion a menywod ifanc arwain gweithdai ar sgiliau bywyd, iechyd rhywiol, maetheg a chydraddoldeb rhywiol – yr olaf drwy chwarae pêl-droed – gan roi’r cyfle i blant Freetown ddysgu sgiliau pwysig.

Bydd prosiect Sefydliad SAFE hefyd o fudd i’r bobl ifanc o Gymru, sy’n dod o gymunedau difreintiedig ac na fyddai fel arall wedi cael y cyfle i fod yn rhan o brosiect o’r fath o bosibl, drwy roi cymhelliad, grym, sgiliau a gwybodaeth iddynt.

Mae’r elusen o Gaerdydd yn un o 35 o brosiectau ledled Cymru sydd wedi cael arian o’r rownd ddiweddaraf o grantiau GwirVol. Mae rhai eraill yn cynnwys datblygu tîm o gefnogwyr cyfoed i weithio gyda phobl ifanc sydd â phroblemau camddefnyddio sylweddau a thrawsnewid tri safle diffaith yn ardaloedd chwarae cymunedol a lleoedd agored.

Nod Cynllun Grantiau Gwirfoddoli ymysg Pobl Ifanc GwirVol, a gaiff ei weinyddu gan Gyngor Gweithredu Gwirfoddol Cymru (WCVA), yw cefnogi’r broses o gyflwyno ystod eang o gyfleoedd gwirfoddoli newydd ar gyfer pobl ifanc rhwng 16-25 oed. Ers iddo gael ei lansio ym mis Ebrill 2009, mae’r rhaglen wedi cefnogi mwy na 120 o brosiectau gwirfoddoli ymysg pobl ifanc.

Dyfarniadau Cynllun Grantiau GwirVol Medi 2011

Sefydliad SAFE - £16,600

Cafodd Sefydliad SAFE ei sefydlu yn 2005, ac mae’n darparu Cefnogaeth, Cymorth, Hwyl ac Addysg i gymunedau yn y gwledydd datblygol, ac ar hyn o bryd mae ganddo brosiectau yn Ne India, Ghana, Freetown ac Uganda.

Ar hyn o bryd mae’r bobl ifanc sy’n mynd i Sierra Leone yn cymryd rhan mewn hyfforddiant mewn dinasyddiaeth fyd-eang, sgiliau bywyd, addysg am HIV ac AIDS, maetheg a chydraddoldeb rhywiol.

Caiff y prosiect ei gefnogi gan Sefydliad Craig Bellamy, elusen a sefydlwyd gan y pêl-droediwr i roi cyfle i blant o dan anfantais yn Sierra Leone i gyrraedd eu potensial drwy chwaraeon ac addysg.

Cychwynnodd y bobl ifanc am Freetown ar 4 Rhagfyr. ‘Bydd y grant gan GwirVol yn helpu i dalu am yr hedfan, llety, bwyd a dŵr a theithio mewnol’, meddai Hannah Fitt, arweinydd y Prosiect. ‘Ni fyddai’r prosiect wedi gallu digwydd heb y cymorth hwn, ac rydym yn ddiolchgar iawn i WCVA a GwirVol am gefnogi’r prosiect pwysig hwn.’
Cyswllt: Hannah Fitt – 029 2036 9727; hannah@thesafefoundation.co.uk

Barnardos Cymru - £10,000

Nod Barnardos Cymru yw recriwtio a chefnogi cynddefnyddwyr gwasanaethau anabl fel gwirfoddolwyr yn Sir Benfro.

Caiff pobl ifanc eu recriwtio fel mentoriaid i ddefnyddwyr gwasanaethau presennol, gan gynnig cefnogaeth, cyfeillgarwch a’r cyfle i ddatblygu rhwydweithiau cymdeithasol o fewn eu cymunedau.

Dywedodd y Rheolwr Gwasanaethau Plant, Deidre Connell, sy’n rhedeg y prosiect: ‘Bydd y cyllid yn galluogi Barnardos Cymru i ddatblygu gwasanaeth presennol a arweinir gan wirfoddolwyr drwy gynnwys pobl ifanc anabl mewn ffyrdd creadigol, ymatebol.’

Cyswllt: Deirdre Connell - 01646 687 064; deirdre.connell@barnardos.org.uk

Cymdeithas Tai Clwyd Alyn - £9,200

Caiff arian GwirVol ei ddefnyddio i drawsnewid tri safle diffaith yn Garden City, Sir y Fflint yn ardaloedd chwarae cymunedol a lleoedd agored.

Caiff pobl ifanc lleol eu recriwtio i arwain yn y broses o gynllunio, dylunio a chyflenwi’r prosiect yn ymarferol. Y gobaith yw cynnwys hyd at 30 o’r trigolion lleol mewn ymgynghoriad cymunedol i sicrhau y caiff eu hanghenion penodol eu diwallu, yn ogystal â rhai’r gymuned ehangach.

Y bwriad yw datblygu mentrau i leihau lefelau tipio anghyfreithlon a fandaliaeth sy’n bodoli ar hyn o bryd ar y tri safle, yn ogystal â ffurfio grŵp ‘Cyfeillion’ sy’n pontio’r cenedlaethau i gydlynu a chefnogi’r gwaith cynnal a chadw a chynaliadwyedd hirdymor y safleoedd unwaith y cânt eu cwblhau.

Cyswllt: Louise Blackwell a Neil Moffatt - 01745 536913/ 01745 536828; louise.blackwell@clwydalyn.co.uk a neil.Moffatt@clwydalyn.co.uk

NewLink Wales - £8,988

Mae NewLink Wales - mudiad annibynnol sy’n ymdrin â chamddefnyddio sylweddau ar hyd a lled Cymru – yn defnyddio arian GwirVol i redeg prosiect o’r enw Streetlink, a gaiff ei anelu at ddatblygu tîm o gefnogwyr cyfoed i weithio gyda phobl ifanc sydd naill ai wedi bod yn gamddefnyddwyr sylweddau hamdden neu sydd â phroblemau camddefnyddio sylweddau yn eu teuluoedd.

Caiff hwn ei gyflawni drwy gyfrwng dawnsio stryd, lle bydd y cyfranogwyr yn dysgu dawnsio a datblygu perfformiad yn cynnwys teuluoedd a chymunedau fel dysgu ehangach a chyfranogwyr.

Cyswllt: Daljit Gill – 029 2052 9002; daljit.gill@newlinkwales.org.uk

Neuadd Goffa Trecelyn - £7,258

Neuadd Goffa Trecelyn – Neuadd Goffa a Sefydliad Trecelyn – ei nod yw recriwtio mwy o wirfoddolwyr rhwng 16 a 25 oed o fewn y mudiad, yn arbennig o fewn ei fforwm.

Bydd gan y bobl ifanc y cyfle i roi cynnig ar ystod o dasgau, yn cynnwys helpu i redeg y wefan, datblygu a darparu rhaglenni i blant a phobl ifanc, cynllunio a rheoli digwyddiadau, cynnwys y gymuned ym mhrosiect adfer y neuadd, ymchwilio i hanes y Neuadd Goffa a gofalu a chatalogio ei archif o weithiau llaw a dogfennau.

Dywedodd y gwirfoddolwr Geraint King: ‘Mae’r cyllid a ddarparwyd gan GwirVol wedi’n galluogi i dalu am gostau teithio’r gwirfoddolwyr a rhoi’r offer sydd eu hangen arnynt i fanteisio ar y cyfleoedd gwirfoddoli cyffrous hyn.’

Cyswllt: Geraint King - 01495 243 252; geraint.king@newbridge-memo.co.uk

Siambr Fasnach Canolbarth a Gorllewin Cymru - £9,984

Mudiad dielw yw’r Siambr sydd â’r nod o sicrhau adfywio cymdeithasol ac economaidd mewn cymunedau ledled Gorllewin Cymru a Phowys. Nod y prosiect yw helpu pobl ifanc ar brosiect cwricwlwm amgen y mudiad (FACE), ynghyd ag ysgolion lleol, i fanteisio i’r eithaf ar y cyfleoedd ôl-16 a gynigir iddynt a bod yn llwyddiannus wrth bontio at weithgareddau ar ôl y prosiect.

Bydd yn cyflawni hyn drwy recriwtio a chefnogi tîm o wirfoddolwyr ifanc i weithredu fel mentoriaid i gyfranogwyr presennol i’w cefnogi ar y prosiect a/neu drwy’r cyfnod pontio. Bydd hefyd yn cysylltu ag ysgolion lleol i gynnig cefnogaeth mentora i ddisgyblion sydd angen cefnogaeth i bontio at weithgareddau ar ôl ysgol.

Dywedodd Rheolwr y Prosiect Gerald Davies: ‘Bydd grant GwirVol yn gwneud gwahaniaeth cadarnhaol iawn drwy ein galluogi i benodi a chefnogi cydlynydd gwirfoddolwyr rhan-amser, yn ogystal â darparu hyfforddiant a thalu costau teithio gwirfoddolwyr ifanc.’

Cyswllt: Gerald Davies - 01554 779910; gdavies@mwwc.org.uk.

Mae gan GwirVol y ffrydiau ariannu canlynol:

· Creu Cyfleoedd. Ar gyfer mudiadau sydd am greu prosiectau neu rolau gwirfoddoli newydd i bobl ifanc; neu recriwtio rhagor o bobl ifanc i rolau gwirfoddoli presennol. Gellir gwneud cais am grant gan Creu Cyfleoedd am hyd at uchafswm o £10,000.

· Hyrwyddo. Ar gyfer mudiadau sydd am hyrwyddo manteision neu herio canfyddiadau o wirfoddoli i bobl ifanc. Mae grantiau hyd at uchafswm o £3,000 ar gael.

· Gwirfoddolwyr y Mileniwm. Ar gyfer mudiadau sydd am gydnabod yr ymrwymiad y mae pobl ifanc yn ei roi i wirfoddoli drwy gynnig y wobr rhagoriaeth o 200 awr. Mae grantiau hyd at uchafswm o £10,000 ar gael.

Ochr yn ochr â’r pedair ffrwd uchod ceir grantiau StreetGames GwirVol. Elusen y DU yw StreetGames sydd wedi ymrwymo i gynyddu cyfleoedd ym myd y campau mewn ardaloedd difreintiedig. Cafodd yr elusen ei lansio yn 2007 ac mae wedi bod yn helpu i wneud chwaraeon yn fwy hygyrch i bobl ifanc, waeth beth fo’u hincymau neu amgylchiadau cymdeithasol, drwy gefnogi a sefydlu prosiectau lleol ledled y DU sy’n darparu chwaraeon ar stepen y drws h.y. gweithgareddau a chwaraeon cadarnhaol a ddarperir i bobl ifanc pan maent eu heisiau, ble maent eu heisiau a sut maent eu heisiau. Gall ceisiadau grant StreetGames fod am hyd at uchafswm o £2,000. Nid oes dyddiad cau ar gyfer y grant hwn. I gael rhagor o wybodaeth a manylion am sut i gofrestru eich diddordeb ewch i gwirvol.org/cy/grantiau/streetgames/.

Calendr o ddigwyddiadau

Ceredigion - Catherine Derrick-Huge — 2011-12-07T00:00:00+00:00

Rwy’n rhoi gwybodaeth am bob digwyddiad ar galendr digwyddiadau gwefan CAVO yn gyson. Am ragor o wybodaeth ewch i www.cavo.org.uk yna cliciwch ar ‘Digwyddiadau CAVO’ sydd ar y llaw dde hafan CAVO.

Rhoi Cymru ar y Map

DG — 2011-12-05T00:00:00+00:00

Diwrnod i ddathlu Blwyddyn Wirfoddoli Ewropeaidd 2011

Dydd Llun 5 Rhagfyr 2011 · Neuadd y Ddinas, Caerdydd · 12pm – 4.30pm

Mae Rhoi Cymru ar y Map yn dathlu Blwyddyn Wirfoddoli Ewropeaidd, gan roi llwyfan i waith anhygoel gwirfoddolwyr a mudiadau gwirfoddol Cymru. Bydd siaradwyr arbenigol yn siarad am wirfoddoli yng Nghymru ac Ewrop, tra bydd yr amrywiaeth eang o weithdai’n rhoi cyfle i’r mynychwyr glywed safbwyntiau unigryw’r gwirfoddolwyr eu hunain, a dysgu oddi wrthynt.

Programme

Gwirfoddoli i helpu’ch cymuned a’ch rhagolygon gyrfaol

DG — 2011-12-01T00:00:00+00:00

Mae mwy a mwy o bobl yng Nghymru’n gwerthfawrogi buddiannau gwirfoddoli ac yn cofrestru â chynllun sy’n gwella eu bywydau hwy eu hunain yn ogystal â rhai’r cymunedau maent yn eu cynorthwyo.

Ers ei lansio yn 2009, mae dros 8,000 o bobl ifanc wedi cael eu recriwtio gan GwirVol, partneriaeth sy’n cael ei hariannu gan Lywodraeth Cymru i hybu cyfleoedd gwirfoddoli ar gyfer pobl ifanc 16 i 25 oed.

Mae ymchwil ddiweddar wedi datgelu bod y rhan fwyaf o bobl ifanc yng Nghymru (67% o’r ymatebwyr) yn credu bod gwirfoddoli’n ffordd o helpu’r gymuned, tra mae 46% yn ei weld fel ffordd o gael profiad ac o ddysgu sgiliau newydd.

Dangosodd arolwg o bobl ifanc sy’n cwblhau Gwobr Gwirfoddolwyr y Mileniwm, fod 70% yn nodi’r wobr ar eu CV neu mewn cais am swydd, roedd 38% yn sôn am eu profiad mewn cyfweliad am swydd ac roedd 33% yn nodi’r wobr ar eu ffurflen UCAS. Mae 94% yn gwerthfawrogi eu gwobr a byddai 96% yn argymell y rhaglen i’w ffrindiau. Yn yr hinsawdd economaidd sydd ohoni lle mae diweithdra ymhlith pobl ifanc mor uchel, mae’r wobr yn cael ei gwerthfawrogi’n fawr.

‘Roedd yr ymateb i’n harolygon yn wych ac mae’n dangos bod pobl ifanc yng Nghymru o’r farn bod gwirfoddoli yn broses ddwy ffordd, lle mae hwy a’r gymuned ar eu hennill yn sgil y profiad,’ meddai Leah Doherty, Cydlynydd GwirVol.

Cynhaliwyd y gwaith ymchwil drwy grwpiau ffocws a drefnwyd gan Dynamix, menter hyfforddi gydweithredol gweithwyr o Abertawe yn Eisteddfod yr Urdd. Roedd enwau’r cyfranogwyr yn cael eu rhoi mewn het gyda deg ohonynt yn ennill tocyn anrheg i’w wario yn siopau’r stryd fawr.
Mae’r canlyniadau ar gael mewn cyfres o gyhoeddiadau, gyda gwerthusiad llawn o effaith GwirVol ers ei lansio ar gael ar-lein yn www.gwirvol.org. Mae’r wefan hefyd yn cynnwys hanesion ysbrydoledig gwirfoddolwyr GwirVol, gan gynnwys rhai:

Amy o Gastell-nedd Port Talbot, sy’n gwirfoddoli gyda’r Banc Cyfleoedd Ieuenctid a Phrosiect Ymchwilwyr Ifanc y CVS – lle cafodd hyfforddiant ar hawliau plant a dulliau ymchwil. ‘Roeddwn yn gweld gwirfoddoli fel cyfle i wneud rhywbeth gwerth chweil a gwahanol, rhywbeth a fyddai’n rhoi cyfle i mi feddwl am beth y gallwn ei wneud fel gyrfa,’ meddai.

Mae Nathan o Rondda Cynon Taf yn gwirfoddoli gyda Barnardo’s. Roedd Nathan wedi rhoi cynnig ar gwrs coleg, ond effeithiodd y profiad ar ei hyder ac roedd yn teimlo bod angen iddo wneud rhywbeth gwahanol. ‘Mae gwirfoddoli wedi rhoi hwb i fy hyder ac wedi fy helpu i feddwl yn bositif unwaith eto,’ meddai.

Roedd enillwyr y gystadleuaeth yn cynnwys Stephanie o Donypandy, a ddywedodd ei bod wedi mwynhau dysgu sgiliau newydd, cael cyfle i’w trosglwyddo i bobl eraill a’u ‘gweld hwythau yn ogystal â minnau’n datblygu’ wrth wirfoddoli.

Dywedodd Muzumil o Gasnewydd ei fod yn mwynhau’r cyfle i helpu pobl eraill ac roedd yn meddwl fod gwirfoddoli’n ffordd dda o ddysgu sgiliau newydd, gan ei helpu i gael profiad gwaith. Ac roedd Charlotte o Drimsaran, ger Llanelli, yn teimlo ei bod yn gallu ymfalchïo yn y ffaith ei bod yn ‘gwybod fy mod wedi gwneud gwahaniaeth’.

Cynhaliwyd arolwg arall ymhlith rhai a gafodd grantiau GwirVol er mwyn canfod eu barn am y rhaglenni grant ac i roi cyfle iddynt i ennill £200 ar gyfer eu prosiect gwirfoddoli. Y buddugwyr oedd Black Association of Women Step Out (BAWSO), sy’n cynorthwyo merched duon a lleiafrifoedd ethnig yng Nghaerdydd sy’n profi problemau fel trais yn y cartref ac ymddieithrio o’u cymuned leol.

Mae gwybodaeth am rownd nesaf y grantiau ar gael drwy ffonio GwirVol ar 029 2043 5751, neu e-bostio gwirvol@wcva.org.uk. Cysylltwch â Chydlynydd GwirVol, Leah Doherty am ragor o wybodaeth am y cynllun.

Branch Out

DG — 2011-11-29T00:00:00+00:00

Beth wyt ti'n ei wneud ar ddydd Mawrth 29 Tachwedd? Beth am gael dy ddwylo ychydig yn fudr?

Wythnos nesaf mae'n Wythnos Goed Genedlaethol. I ddathlu, ymunwch â'r tîm Bywyd Gwyllt Gogledd Ddwyrain Cymru mewn sesiwn blasu gwirfoddolwyr: yn cynnwys gweithdai plannu coed, cerdded yn y coedwigoedd, a dysgu am goed brodor lleol adeg yma'r flwyddyn.

10am-2pm
Dydd Mawrth 29 Tachwedd
Gwarchodfa Natur Dyffryn Rhydymwyn

Am wybodaeth bellach neu i gadw lle i chi neu i grŵp os gwelwch yn dda cysylltwch â Bywyd Gwyllt G Dd Cymru ar 01352 742115 neu e-bostiwch volunteer@newwildlife.org.uk

Mae'r digwyddiad am ddim, ond mae cadw lle yn angenrheidiol.

Prosiect Dynamo

Neath Port talbot - Nigel Cram — 2011-11-22T00:00:00+00:00

Oes gennych chi ddiddordeb mewn trefnu cyflwyniad / gweithdy er mwyn ysbrydoli’r bobl ifanc yr ydych yn gweithio gyda nhw (ein cynulleidfa targed yw 16-25 oed)? Nod prosiect Dynamo (sydd yn cael ei ariannu gan Lywodraeth Cymru a Chronfa Datblygu Rhanbarthol Ewrop) yw annog pobl ifanc i godi eu dyheadau a gwireddu eu potensial ac i greu cyfleoedd cyffrous iddynt hwy eu hunain ac eraill. Pobl busnes yw Modelau Rôl sydd wedi cyflawni pethau go arbennig ym myd busnes drwy gredu ynddynt hwy eu hunain a’u syniadau. Mae eu straeon yn ysbrydoledig ac yn berthnasol i nifer o feysydd yn y cwricwlwm cenedlaethol, datblygiad personol a chymdeithasol yn ogystal â gwersi busnes. Cynhelir sesiynau mewn ysgolion, colegau neu brifysgolion neu gall sesiynau ei defnyddio fel rhan o weithgareddau ieuenctid megis clybiau, cyfarfodydd a digwyddiadau. Am fwy o wybodaeth neu i fwcio eich sesiwn am DDIM, cysylltwch â Rhian Evans (e-bost: rhian.evans@menterabusnes.co.uk, ffôn: 01970 636291).

Angen Grŵp Ffocws! (Merthyr Tudful)

2011-10-26T23:00:00+00:00

Ydych chi wedi cael llond bol ar bobl eraill yn penderfynu sut y dylech gael eich gwobrwyo am eich gwaith gwirfoddol??

Rydym yn galw ar bob gwirfoddolwr ifanc i leisio’i farn ar gynllun gwobrwyo newydd Gwirfoddolwyr y Mileniwm – MV50. Rydym am i chi ddweud wrthym a yw’n syniadau yn addas ar gyfer pobl ifanc.

Dydd Iau 27ain Hydref
10am – 2pm yn Theatr Soar, Merthyr Tudful

Caiff lluniaeth ei ddarparu a bydd pob cyfranogwyr yn derbyn tystysgrif a bag bach llawn nwyddau!

I fod yn rhan ohono… cysylltwch â Lucy ar 02920 435 757 neu ljohnson@wcva.org.uk

Angen Grŵp Ffocws! (Wrecsam)

2011-10-25T23:00:00+00:00

Ydych chi wedi cael llond bol ar bobl eraill yn penderfynu sut y dylech gael eich gwobrwyo am eich gwaith gwirfoddol??

Rydym yn galw ar bob gwirfoddolwr ifanc i leisio’i farn ar gynllun gwobrwyo newydd Gwirfoddolwyr y Mileniwm – MV50. Rydym am i chi ddweud wrthym a yw’n syniadau yn addas ar gyfer pobl ifanc.

Dydd Mercher 26ain Hydref
10am – 2pm yng Nghanolfan Gwirfoddol Wrecsam

Caiff lluniaeth ei ddarparu a bydd pob cyfranogwyr yn derbyn tystysgrif a bag bach llawn nwyddau!

I fod yn rhan ohono… cysylltwch â Lucy ar 02920 435 757 neu ljohnson@wcva.org.uk

Y Prif Weinidog yn canmol siarter i helpu i sicrhau ‘lles cyffredin’

DG — 2011-10-18T23:00:00+00:00

Y Prif Weinidog yn canmol siarter i helpu i sicrhau ‘lles cyffredin’

Mae ‘siarter yr ifanc’ a luniwyd gan bobl ifanc o bob cwr o Gymru wedi’i ganmol gan y Prif Weinidog Carwyn Jones am fod ganddo’r potensial i helpu i greu ‘y math o gymunedau rydym am eu meithrin’.

Cafodd y ‘Siarter Gwirfoddoli Ieuenctid’, a luniwyd gan y panel ieuenctid GwirForce ar ôl blwyddyn o ymgynghori gydag unigolion a grwpiau, ei gyflwyno i’r Prif Weinidog mewn cyfarfod yn ei swyddfa yn Nhŷ Hywel.

Mae’r ddogfen yn nodi disgwyliadau’r gwirfoddolwyr ifanc, ac yn galw ar y mudiadau sy’n ymwneud â hwy – a Llywodraeth Cymru – i gydnabod manteision eu cynnwys mewn gweithgareddau.

Mae GwirForce hefyd wedi ymgynghori â phanel o bobl ifanc yng Ngogledd Iwerddon gyda’r gobaith y bydd paneli eraill o’r gwledydd cartref hefyd yn mabwysiadu’r siarter yn yr hirdymor.

Ar ôl y cyfarfod, dywedodd y Prif Weinidog: ‘Roeddwn yn falch i gael y cyfle i gwrdd â’r gwirfoddolwyr a chynrychiolwyr o GwirForce ac i dderbyn eu siarter sy’n hybu ymgysylltiad cryf rhwng busnesau lleol a phobl ifanc.

‘Wrth wneud hyn, y gobaith yw y gellir sicrhau bod y cymunedau rydym yn byw ynddynt yn y math o gymunedau rydym yn gobeithio eu meithrin yng Nghymru; lle mae pobl yn cydweithio er lles cyffredin. Rwy’n deall bod nifer o fudiadau yn awyddus i gyfrannu at gyflawni’r addewidion yn y siarter.’

Cafodd y siarter ei gyflwyno gan Gadeirydd GwirForce, Steve Sellers sy’n 19 mlwydd oed, gweithiwr cymorth GwirVol a Chydlynydd Ansawdd a’r Cwricwlwm yn y mudiad cefnogi pobl ifanc, Rathbone Cymru, Christopher Partridge, Cydlynydd GwirVol Leah Doherty, a sawl aelod o GwirForce – panel o bobl ifanc rhwng 16-25 oed sy’n cynrychioli safbwyntiau gwirfoddolwyr GwirVol.

Cafodd GwirVol ei lansio ym mis Ebrill 2009, ac mae’n bartneriaeth rhwng y trydydd sector, y sector cyhoeddus a’r sector preifat, sy’n cael ei arwain gan safbwyntiau pobl ifanc yng Nghymru. Dyma’r cyswllt cyntaf ar gyfer pobl a mudiadau sy’n chwilio am gyngor a gwybodaeth am wirfoddoli.

Mae 22 o Gynghorwyr Gwirfoddoli Ieuenctid GwirVol rhan amser wedi’u lleoli mewn canolfannau gwirfoddoli ledled Cymru i helpu i ddod o hyd i leoliadau gwirfoddoli, mudiadau i ddatblygu cyfleoedd ar gyfer pobl ifanc i wirfoddoli, a chofrestru ar gyfer Gwobr Gwirfoddolwyr y Mileniwm.

Dywed GwirVol mai nod ei Siarter i Gymru oedd i ‘gynnal, hyrwyddo ac annog gwirfoddoli yng Nghymru mewn modd cyfannol’.

Ychwanegodd Steve Sellers: ‘Mae llawer o bethau gwael am bobl ifanc yn y cyfryngau, ond mae gan wirfoddolwyr ifanc y gallu i greu a datblygu dyfodol yr economi yng Nghymru gyda ffynhonnell ddibynadwy o wybodaeth, dealltwriaeth, sgiliau a phrofiad.

‘Gall cymunedau ledled Cymru wireddu manteision cynaliadwy uniongyrchol a thymor hwy o gyfraniadau a chyfranogiad eu pobl ifanc.’

Dywedodd Graham Benfield OBE, Prif Weithredwr Cyngor Gweithredu Gwirfoddol Cymru (WCVA), partner gweinyddol GwirVol: ‘Mae hon yn enghraifft wych o Gymru ar flaen y gad ym maes gwirfoddoli ieuenctid.

‘Caiff menter GwirVol a’n panel ieuenctid GwirForce eu hariannu gan Uned y Trydydd Sector Llywodraeth Cymru, ac roeddem yn awyddus i ddiolch i’r Prif Weinidog a dangos iddo rywfaint o’r gwaith gwych y mae ef a’r Llywodraeth wedi’i gefnogi’

Dyma'r ffeithiau

Ers 2009 mae mwy na 8,000 o bobl ifanc wedi cael eu recriwtio drwy GwirVol
Caiff tua 2,500 o gyfleoedd eu creu bob blwyddyn, gyda thua 3,500 ar gael i bobl ifanc ar unrhyw adeg benodol
Roedd 29% o bobl ifanc a recriwtiwyd yn 2009/10 a 26% o bobl ifanc a recriwtiwyd yn 2010/11 gan Gynghorwyr Gwirfoddoli Ieuenctid GwiVol yn bobl nad oeddent mewn addysg, cyflogaeth na hyfforddiant
Mae mwy na 14,500 o bobl ifanc wedi rhoi 1,500,000 o oriau o’u hamser i wirfoddoli drwy Wobr Gwirfoddolwyr y Mileniwm
Bydd y bobl ifanc ganlynol yn bresennol yn y cyflwyniad yn y Senedd: Charlotte White, gwirfoddolwr gyda Barnardos Cymru; Sioned Evans, cyn gwirfoddolwr gyda Chyngor Ieuenctid Sir Gaerfyrddin sy’n gweithio i Hafan Cymru ar hyn o bryd, a Natalie Manca, sy’n gwirfoddoli gyda GwirForce ac yn gweithio yn y trydydd sector gyda phobl ifanc nad ydynt mewn addysg na hyfforddiant
WCVA yw corff ymbarél y trydydd sector yng Nghymru, ac mae ei 3,000 a mwy o aelodau yn cynnwys amrywiaeth eang o fudiadau sy'n gweithio ar faterion megis tai, adfywio economaidd, gofal plant, datblygu cymunedol, cludiant, yr amgylchedd ac iechyd

Gwirfoddolwyr Diogelwch Cymunedol y Flwyddyn

DG — 2011-10-10T23:00:00+00:00

Cafwyd grŵp ieuenctid o Ferthyr Tudful ei enwi’n Gwirfoddolwyr Diogelwch Cymunedol y Flwyddyn gan Awdurdod Heddlu De Cymru.

Mae Gwirfoddolwyr Ieuenctid Forsythia GwirVol y 3G’s yn grŵp o bobl ifanc o ardal y Gurnos ym Merthyr Tydfil sy’n cymryd rhan mewn amrywiaeth o weithgareddau gwirfoddoli, yn cynnwys trefnu tripiau, helpu mewn cartrefi preswyl a helpu i ddatblygu campfa gymunedol.
Enillodd y grŵp y wobr am eu hymroddiad tuag at wella’r ardal leol a’u hymrwymiad tuag at helpu pobl yn y gymuned.

Meddai aelod o’r grŵp Daniel Walsh, 18: “Mae hyn yn llwyddiant pwysig bydd yn gwneud gwahaniaeth mawr i beth yr ydym ni’n gwneud. Mae’n deimlad anhygoel i gael ein cydnabod am ein gwaith”

Meddai cyd aelod, Chelsey Barlow, 18: “Rydym mor hapus i gael ennill y wobr hon. Gobeithio, ar ôl clywed am ein llwyddiant, bydd pobl yn dod i ymuno a ni, a helpu’r grŵp i dyfu.”

Meddai Christopher Evans, 25, hefyd yn rhan o’r grŵp: “Hoffwn ni ddiolch i bawb sy’n gwirfoddoli fel rhan o’r grŵp. Mae’r gwaith yr ydym ni’n gwneud yn wir ymdrech tîm. Hoffwn ni hefyd ddiolch i Geraldine Maddison am ein henwebu ni. Mae hi bob amser yn cefnogi’n gwaith ni, a byth yn cael y gydnabyddiaeth mae’n haeddu.”

Meddai Aelod Awdurdod yr Heddlu Lleol, Cynghorydd Jeff Edwards: “Mae’r gwaith mae’r grŵp yma’n wneud yn ffantastig. Mae’n cael effaith positif ar fywydau nifer o bobl. Mae eu hagwedd ‘gallu gwneud’ yn cael eu trosglwyddo i lawer o bobl eraill yn y gymuned. Maen nhw’n glod i’r bobl ifanc i gyd ar draws ardal Merthyr ac yn llysgenhadon ardderchog ac yn ddelfryd ymddwyn i eraill. Mae eu gwaith pwysig yn haeddu cael ei gydnabod, ac rwy’n gyffrous eu bod wedi ennill y wobr hon.”

Not Just A Jobsfair

DG — 2011-09-27T23:00:00+00:00

"Not Just A Jobsfair"

Neuadd y Ddinas, Parc Cathays, Caerdydd

Dydd Mercher, 28 Medi 2011

10am - 3pm

Hyfforddiant ar gyfer y Dyfodol

DG — 2011-09-24T23:00:00+00:00

Canolfan Ysgol Farchogaeth Arbennig Clwyd – Hyfforddiant ar gyfer y Dyfodol

Roedd derbyn cymeradwyaeth o'n cais am Grant "Cyfleoedd" Gwirfoddoli Ieuenctid GwirVol yn wir uchafbwynt mewn blwyddyn oedd wedi bod yn anodd yn ariannol yn 2010. Roedd y grant yn caniatáu i'r Ganolfan symud ymlaen gyda'r cynllun i hyfforddi grŵp o wirfoddolwyr ifanc i ddod yn hyfforddwyr cynorthwyol ac yn gynorthwywyr yn ein Grwpiau Marchogaeth ar gyfer yr Anabl.

Mae'r recriwtiaid wedi dangos brwdfrydedd a gwir awydd dysgu trwy'r rhaglen, ac felly yn gwneud her y prosiectau yn llai o ddigalonni a mwy o lwyddiant. Cafodd y rhai oedd yn cymryd rhan eu cofrestru am gwrs Lefel 1 Tystysgrif Hyfforddi Teyrnas Unedig (UKCC) a hefyd am hyfforddiant Cerdyn Gwyrdd Chymdeithasau Marchogaeth i'r Anabl (RDA).

Mae'r cwrs Lefel 1 UKCC wedi'i anelu at arwain hyfforddwyr amhrofiadol y dyfodol trwy gamau cyntaf y broses hyfforddi. Roedd y cyfranogwyr yn anelu i ddod yn Hyfforddwyr Cynorthwyol UKCC. Roedd pob cyfrannwr yn cael mentor wedi'i glustnodi iddynt ac roeddent yn cael sesiynau cyson gyda'r mentor gan weithio drwy'r portffolio. Mae'r portffolio yn rhan fawr o'r cwrs; mae'n arwain y cyfranogwyr trwy bob cam ac yn cofnodi'r holl ddysgu trwy Gynlluniwr Gweithgareddau, Taflenni Asesu Risg, Taflenni Gwerthuso a Chynlluniau Gweithrediadau'r Dyfodol. Bu'r cyfranogwyr yn mynychu cwrs Cymorth Cyntaf St John a chwrs Amddiffyn Plant yr NSPCC.

Yna roedd rhaid symud i mewn i'r ysgol dan do a chychwynnodd y cyfranogwyr hyfforddi gyda Hyfforddwr Grŵp cymwysedig a drwy wneud y holl beth yn hwyl roedd y gwirfoddolwyr wedi cynyddu hyder yn sydyn iawn ac yn mwynhau dysgu mwy o sgiliau newydd. Roedd cymryd rhan o fewn y Grwpiau RDA yn caniatáu i'r gwirfoddolwyr ifanc gyfarfod pobl newydd a gwneud ffrindiau newydd. Roeddent yn gwneud gwahaniaeth mawr i fywydau cymaint o'n marchogwyr ac yn darganfod synnwyr o gymuned.

Cam diwethaf y Lefel 1 UKCC oedd yr asesiad ffurfiol. Roedd rhaid i'r gwirfoddolwyr ifanc arddangos eu gallu i ymddwyn fel hyfforddwr cynorthwyol am bymtheg munud ar bwnc oedd yn cael ei roi iddynt ac yn gorfod cymryd rhan mewn sesiwn cwestiwn ac ateb gyda'r aseswr annibynnol. Roedd pob un o'r gwirfoddolwyr ifanc yn amlwg yn teimlo'n nerfus am yr asesiad ond yn dangos hyder ac ymwybyddiaeth trwy'r asesiad ac yn ateb y cwestiynau gyda dealltwriaeth glir o'r pynciau.

Gyda'r Hyfforddiant Cerdyn Gwerdd yr RDA roedd y gwirfoddolwyr ifanc yn dysgu sut i arwain ceffyl gydag, a heb, farchogwyr anabl ac i gerdded wrth ochr ceffyl pam roedd marchogwr anabl wedi'i fowntio gan ymddwyn fel cynorthwyydd i'r marchogwr os oeddent angen cysur neu gymorth. Roedd yr hyfforddiant yma hefyd yn codi ymwybyddiaeth o fod o gwmpas y ceffyl a pa fath o ymddygiad sydd yn dderbyniol, a beth sydd ddim, a pa ddillad sydd yn addas ac yn briodol i fod o gwmpas ceffylau a delio gyda'r tywydd. Roedd pob cyfranogwr yn derbyn cofnod o'r hyfforddiant yma wedi'i arwyddo gan Addysgwr Hyfforddiant cymwysedig.

Yn ystod yr holl hyfforddiant roedd pob un o'n gwirfoddolwyr ifanc yn gweithio gyda Grŵp RDA ac roedd yr holl oriau gwirfoddol yn cael eu cofnodi a'i defnyddio fel tystiolaeth tuag at y cymwysterau. Hyd yn hyn mae pymtheg o wirfoddolwyr wedi'u recriwtio ar y cwrs. Mae naw ohonynt rhwng 16 a 25. Oherwydd newid yn swydd Rheolwr Canolfan roeddem wedi gwneud cais am estyniad i gyfnod y grant ac rydym nawr yn rhedeg y cwrs tan fis Mawrth 2012. Rydym yn chwilio i recriwtio mwy ym mis Medi ac rydym yn hyderus bydd yr 11 lle sydd ar ôl i'r rhai 16 i 25 oed yn cael ei lenwi.

Mae'r grant wedi cynhyrchu grŵp o bobl ifanc sydd wedi'i hyfforddi yn dda gyda chymhwyster sydd yn gallu mynd gyda nhw i mewn i wirfoddoli pellach ac i mewn i'r gweithle. Mae'r gwirfoddolwyr ifanc wedi dod yn hyfforddwyr cynorthwyol gyda Grwpiau RDA, trefnwyr grwpiau ac yn helpu gyda marchogaeth a sesiynau llofneidio marchog.

Roedd dau aelod o staff y Ganolfan yn cysgodi'r sesiynau mentora ac wedi dod yn fentoriaid hyfedr fydd yn cael eu defnyddio mewn sesiynau hyfforddi'r dyfodol.

Ar y cyfan mae'r grant wedi bod yn llwyddiant enfawr mewn darparu hyfforddiant gwirfoddolwyr ifanc a staff y ganolfan. Mae wedi gwneud gwahaniaeth mawr i dros 175 o farchogwyr a llofneidwyr ond hefyd mae wedi gwneud gwir wahaniaeth i'r bobl ifanc eu hunain. Yn cymryd y camau cyntaf tuag at y symudiad o addysg i gyflogaeth neu o ddiweithdra i gyflogaeth wrth ddatblygu sgiliau newydd a dangos craffter tuag at waith drwy wirfoddoli.

Noswaith Agored YouthBANK

DG — 2011-09-22T23:00:00+00:00

Fe’ch Gwahoddir i Noswaith Agored YouthBANK
I Bobl Ifanc rhwng 16 a 25 mlwydd oed

Bydd y Noswaith Agored yn digwydd:
Dyddiad: 23ain o Fedi 2011
Amser: 6pm to 8pm
Man Cyfarfod: Clwb Darby and Joan, Stryd Grosvenor, Yr Wyddgrug, CH7 1EJ

Bydd Lluniaeth ar gael!!!

Os ydych am fynychu’r digwyddiad cysylltwch â Jo Lane ar:
Rhif Ffon: 01352 744020
Tecst: 07768725737
E-bost: jo.lane@flvc.org.uk

Sicrhewch eich bod yn cynnwys enw, oedran ac unrhyw ofynion dietegol penodol sydd gennych.

Tueddiadau mewn Gwirfoddoli

DG — 2011-09-13T23:00:00+00:00

Cynhadledd Gwirfoddoli WCVA– Tueddiadau mewn Gwirfoddoli,

14 Medi, Stadiwm y Mileniwm, Caerdydd

Ydych chi’n gyfarwydd â’r tueddiadau diweddaraf mewn gwirfoddoli? Eleni mae Cynhadledd Gwirfoddoli WCVA yn canolbwyntio ar y pwnc hwnnw, gan edrych ar fynegiadau newydd o wirfoddoli sy’n dod i’r amlwg - megis y rheini sy’n cael eu hannog gan lywodraethau, neu eu hyrwyddo gan noddwyr corfforaethol ar y rhyngrwyd. Sut ydym yn cysylltu amrywiaeth ehangach o bobl â gwirfoddoli? Sut ydym yn bodloni gofynion cyfnewidiol gwirfoddolwyr?

Bydd prif siaradwyr o WCVA yn cynnig cipolwg ar dueddiadau presennol a’r dyfodol mewn gwirfoddoli yng Nghymru, tra y bydd cynrychiolwyr o Rock Corp, Orange a Barclays yn siarad am gynlluniau corfforaethol i annog pobl i wirfoddoli. Bydd sesiwn y prynhawn yn cynnwys gweithdai ar bynciau fel profiad gwaith yn y trydydd sector, proffesiynoli gwirfoddoli a gwella arferion.

Darllenwch yn rhaglen lawn nawr, ac archebwch eich lle. Mae hwn yn gyfle i bawb sy’n ymwneud â gwirfoddoli i fod yn hollol gyfarwydd â’r materion diweddaraf ac ystyried ffyrdd newydd o ddenu gwirfoddolwyr. Allwch chi fforddio ei golli?

Gwirfoddoli Yn India

Lucy B — 2011-09-05T23:00:00+00:00

Gan Lucy B

Wedi gadael Coleg Gorseinon, doeddwn i ddim yn sicr iawn beth roeddwn eisiau gwneud ond doeddwn i ddim yn meddwl fod Prifysgol yn gweddu fi! Meddyliais am flwyddyn 'Bwlch' ond gan fy mod i'n ddi-waith, roeddwn yn ei chael yn anodd iawn i gynilo digon o arian i gychwyn. Roeddwn wedi bod yn gwneud ychydig o wirfoddoli yn lleol am dipyn ac roedd y profiad gwirfoddoli yma yn helpu fi i ennill lle ar y Prosiect Platform 2 (Adran Datblygiad Rhyngwladol, Cymorth Cristnogol ac Islamic Relief). Cefais fy newis i ymuno â thîm bychan am brofiad gwirfoddoli anhygoel yn India.

Yr Hydref diwethaf, dim ond mis ar ôl fy mhen-blwydd yn 18 oed, teithiais i Palampur, Himachal Pradesh yng Ngogledd India gyda grŵp o ddeg o bobl ifanc o dros Brydain a gweithiais am 3 mis mewn cymuned fach yn y Himalayas. Er nad oedd y llety yn 5 seren, roedd y tŷ lle roeddem yn aros wedi cael ei adeiladu yn bwrpasol i wirfoddolwyr ac roedd yr olygfa o'r Himalayas yn olwg anhygoel i ddeffro iddo pob bore!

Yn ystod yr amser roeddwn yn Palampur, gweithiais gyda'r gymuned leol i gychwyn Canolfan Gofal Dydd Plant a dysgu Hindi, Bahari (tafodiaith leol) a Saesneg sylfaenol i rai 2-6 oed. Roeddwn hefyd yn dysgu Saesneg i enethod a bechgyn 14-19 oed mewn Clwb Ar Ôl Ysgol yn yr Ysgol Uwchradd leol yn Kandi Drognu,

Pan es i India, es i a bag llawn deunydd celf a chrefft a dangos llawer o chwarae anniben i'r plant! Es a pheli rygbi hefyd a chyflwyno nhw i'n 'gêm genedlaethol'.

Er ein bod yn gweithio'n galed yn ystod yr wythnos, pob yn ail benwythnos roeddem yn cael dau ddiwrnod i ffwrdd i wneud ychydig o deithio. Pan roedd gennym benwythnos i ffwrdd, byddwn yn treulio oriau ar fysys lleol ar ffyrdd tolciog i gyrraedd y trefi cyfagos, yn ymweld â themlau ac yn ceisio chwaraeon anghyffredin fel 'zorbing'.

Fy mhrif hobi ydy ffotograffiaeth ac roedd Platform 2 a Chymorth Cristnogol yn caniatáu i mi gael rhai o'r lluniau wedi'u printio ar gyfer arddangosfa. Ers dychwelyd i Abertawe rwyf wedi bod yn siarad â grwpiau a hefyd wedi gweithio gyda disgyblion yn Ysgol Pentrehafod ar eu Diwrnod Dinasyddiaeth i ddweud wrthynt am wirfoddoli gyda Platform2.

Yn ddiweddar rwyf wedi cael fy newis am le ar 400 DU - Tsiena Cyngor Prydeinig – ymweliad astudiaeth deg diwrnod ym mis Gorffennaf i Tsiena ar gyfer arweinwyr ifanc gyda'r Gynghrair Ieuenctid Tsiena Gyfan (ACYF) a'r Cyngor Prydeinig yn Tsiena. Pwrpas yr ymweliad astudiaeth ydy i ysbrydoli ac ysgogi pobl ifanc i ddatblygu eu hunain fel dinasyddion byd-eang, i ddeall diwylliannau eraill; ac i weithio gydag eraill yn lleol ac yn rhyngwladol ar faterion allweddol sydd yn wynebu'r byd.

Os byddai unrhyw grwpiau Pobl Ifanc yn hoffi i mi ddod i siarad am fy mhrofiadau yn India a Tsiena (ar ôl i mi ddychwelyd) gallent gysylltu gyda fi trwy Golygydd Cenedlaethol CLIC: ryan@cliconline.co.uk.

Cafodd yr erthygl hon ei chyhoeddi yn wreiddiol ar CLIC, y cylchgrawn ar-lein i bobl ifanc yng Nghymru.

Tystysgrif Addysg Uwch Sylfaen yn y Dyniaethau

DG — 2011-08-31T23:00:00+00:00

Mae Tystysgrif Addysg Uwch (AU) Sylfaen Newydd yn y Dyniaethau yr Adran Addysg Barhaus Oedolion (AABO) wedi’i bwriadu ar gyfer pobl sy’n barod i gymryd eu camau cyntaf i AU ac ennill cymhwyster mewn amgylchedd cefnogol a chalonogol. Mae hi wedi’i gynllunio ar gyfer dysgwyr sy’n oedolion (18 mlwydd oed ac yn hŷn) sydd am gael arweiniad pellach i astudiaethau AU.

Caiff y rhaglen ei dysgu ar sail ran-amser dros ddwy flynedd (30 wythnos) ac mae’n ofynnol i fyfyrwyr fynychu dosbarthiadau am un diwrnod yr wythnos.

Mae’r rhaglen yn cynnwys modiwlau gorfodol a dewisol ac yn caniatáu i fyfyrwyr ddatblygu trosolwg o bynciau sy’n ymwneud â’r Dyniaethau – Seicoleg, Cynghori, Hanes, Cymdeithaseg, Lenyddiaeth, Asgiliau Astudio a llawer mwy

Mae’r rhaglen yn dechrau ym mis Medi 2011 ac fe’i haddysgir yn y canolfannau cymunedol canlynol:-

ABERTAWE:

Canolfan Adnoddau Action (Yr ARC) 45 Rhodfa Broughton, Portmead, SA5 5JS

Dydd Mercher 21ain Medi 9.30am-2.30pm

CASTELL-NEDD PORT TALBOT:

Canolfan Ddatblygu NSA, Rhodfa Bevin, Sandfields, SA12 6JW

Dydd Iau 29ain Medi 9.30am-2.30pm

SIR GAERFYRDDIN:

Canolfan Gymunedol Felinfoel, Heol Tanrhodyn. Felinfoel SA15 4LN

Dydd Mercher 28ain Medi 10.00am-2.30pm

SIR BENFRO:

Ysgol Gymunedol Doc Penfro, Bush St, Doc Penfro, SA72 6LF

Dydd Iau 29ain Medi 1.30pm-6.00pm

Mae’r rhaglen AM DDIM i fyfyrwyr cymwys sy’n derbyn buddion drwy brawf moddion.

Os hoffech gael gwybod rhagor am y cwrs, cysylltwch â Paul Dicks.

OS RHOWCH, FE GEWCH!

DG — 2011-08-04T23:00:00+00:00

Heddiw mae GwirVol yn falch o lansio OS RHOWCH, FE GEWCH – canllaw am ddim i adnabod ac achredu gwirfoddoli i bobl ifanc.

Tu mewn byddwch yn darganfod cyngor, tystiolaeth, manylion cyswllt defnyddiol, cyfeiriadur o sefydliadau gwirfoddoli yn eich ardal, a llawer mwy i helpu chi ar y llwybr i ennill cydnabyddiaeth a pharch fel gwirfoddolwr ifanc.

Gallwch ddarllen y llyfryn ar-lein nawr (linc isod). Neu, os ydych chi'n mynd am yr Eisteddfod Genedlaethol, chwiliwch am y wefan GwirVol lle gallwch godi copi yn rhad ac am ddim neu ei ddarllen ar-lein yn y babell a chwlio trwy ein gwefan ar yr un pryd.

Darllenwch OS RHOWCH, FE GEWCH Yma

(Os ych chi'n cael trafferthion gyda'r cyswllt uchod, ceisiwch glicio yma ac yna pwyso'r botwm 'view'.)

Gwobrau Live UnLtd Scaling Up

DG — 2011-08-01T23:00:00+00:00

Mae UnLtd yn falch o gyhoeddi fod rownd 2 o'r Gwobrau Live UnLtd Scaling Up bellach ar agor! Bydd rhaid i ymholiadau cychwynnol gael eu cyflwyno erbyn dydd Gwener 5ed Awst. Os gwelwch yn dda ymwelwch â www.liveunltd.com i gyflwyno eich ymholiad cychwynnol a dweud fod gennych ddiddordeb yn y Gwobrau Scaling Up.

Bydd rhaid i ymgeiswyr fod rhwng 16 a 21 oed pan maen nhw'n gwneud cais.

Argymhellir eich bod yn cysylltu gyda Amanda Everson fel Rheolwr Datblygu Cymru am eich potensial gais a'r proses cyn cyflwyno cais. Gall gysylltu â hi ar amandaeverson@unltd.org.uk neu www.facebook.com/amandaeversonunltd. Mae'r dyddiad cau ar gyfer ceisiadau llawn cymwys ar ddydd Mercher 31 Awst am 5pm.

Mae ffurflen cais lawn a nodiadau arweiniad ynghyd â chyflwyniad sylfaenol i Live UnLtd ar gael isod. Mae'r wobr hon ar gael nid yn unig i gyn enillwyr Gwobrau UnLtd, ond i unrhyw berson ifanc yn y gymuned sydd yn ffitio’r meini prawf. Maent yn wobrau ledled Prydain.

Mae'r lefel gwobr yma am hyd at £10,000! Rydym yn chwilio am yr ymgeiswyr sydd efo'r potensial mwyaf i dyfu, ac sydd wedi arddangos hyn un ai gyda'i Wobr Live/Sport Relief cyntaf neu sydd wedi dod i'n sylw yn annibynnol trwy sgowtio, gair da neu gyfoed.

Os gwelwch yn dda edrychwch ar yr amserlen isod ar gyfer y broses lawn (ar gael mewn Saesneg yn unig mae'n ddrwg gennym!). Os oes gennych unrhyw gwestiynau yna gadewch i Amanda wybod.

Downloads:

About Live UnLtd

Live UnLtd Scaling up Awards: Guidance Notes

Live UnLtd Application Form

LandAid – Cronfa Hyfforddiant, Addysg a Chefnogaeth a Chronfa Prosiectau Cyfalaf

DG — 2011-08-01T23:00:00+00:00

LandAid – Cronfa Hyfforddiant, Addysg a Chefnogaeth a Chronfa Prosiectau Cyfalaf

Mae grantiau rhwng £5,000 a £25,000 ar gael i elusennau a chwmnïau diddordeb cymunedol cofrestredig ym Mhrydain. Mae'r ddwy gronfa ddilynol ar gael:

Cronfa Hyfforddiant Addysg a Chefnogaeth – Mae cyllid ar gael ar gyfer rhaglenni hyfforddiant, addysg neu gefnogaeth sydd wedi'i dargedu tuag at bobl ifanc difreintiedig. Gallai hyn gynnwys rhai sydd ddim mewn addysg, cyflogaeth na hyfforddiant, rhai digartref a'r rhai o gefndir incwm isel. Dylai prosiectau gweithio'n agos gyda phobl ifanc ac arwain at gyflogaeth neu gymwysterau cydnabyddus.

Cronfa Prosiectau Cyfalaf – Mae cyllid ar gael ar gyfer ailwampio, trawsnewid, ymestyniad neu adeilad o'r newydd ar gyfer cyfleusterau pobl ifanc a dan a difreintiedig. Gallai hyn gynnwys hosteli/cynteddau, canolfannau cymunedol neu ieuenctid a llety. Rhoddir blaenoriaeth i brosiectau sydd ag elfen addysgiadol neu ddysgu.

Gall gyflwyno cais unrhyw adeg.

Cliciwch yma am gyswllt i'r canllawiau gwefan/cynllun perthnasol a'r adroddiad GRANTfinder (Ar gael mewn Saesneg yn unig).

Live UnLtd Scaling Up Awards

DG — 2011-07-24T23:00:00+00:00

Bydd rhaid i ymgeiswyr fod rhwng 16 a 21 oed pan maen nhw'n gwneud cais.

Os gwelwch yn dda edrychwch ar yr amserlen isod ar gyfer y broses lawn (ar gael mewn Saesneg yn unig mae'n ddrwg gennym!). Os oes gennych unrhyw gwestiynau yna gadewch i Amanda wybod.

Downloads:

About Live UnLtd

Live UnLtd Scaling up Awards: Guidance Notes

Live UnLtd Application Form

Dyfodol!

DG — 2011-06-15T23:00:00+00:00

Dyfodol! (A fu gynt Fforwm Ieuenctid Cymru ar Ddatblygu Cynaladwy (WYFSD) )

Wedi gweithio gyda phobl ifanc o bob cefndir ledled Cymru am 9 mlynedd, gan weithredu tros ddatblygu cynaladwy wrth eu grymuso a'u haddysgu, daeth yn amser i ni fabwysiadu enw a delwedd newydd!

Yn dal i fod, pobl ifanc fydd yn arwain gwaith Dyfodol, a byddem yn dal i weithio ar Grymuso, Addysgu a Gweithredu gyda phobl ifanc tros Ddatblygu Cynaladwy.

Gan dynnu ar ein profiad o roi pobl ifanc wrth graidd Datblygu Cynaladwy, rydym wedi rhoi cynllun gweithredol cyffrous at ei gilydd ar gyfer y flwyddyn hon, gan gynnwys:

Cynllun pell-gyrhaeddiol lle bydd pobl ifanc yn addysgu eu cyfoedion ynglŷn â newid hinsawdd, a sut allent newid eu bywydau a dylanwadu ar ddewisiadau pobl eraill.
Taith Garbon o Gorris i Gaerdydd, sy'n dangos i bawb fod beicio yn ffordd difyr, iach a chynaladwy o deithio, ac yn ymgyrchu dros gwell adnoddau yng Nghymru i deithio gyda beiciau.
Mongolia! Bydd 8 o bobl ifanc yn dod gyda ni i Mongolia ar drên, er mwyn dysgu am effeithiau newid hinsawdd ym Mongolia, a gweithio gyda grŵp o bobl ifanc Mongolia er mwyn ceisio sicrhau dyfodol cynaladwy i bawb.

Rydym wedi datblygu cynllun hyfforddi trylwyr, gan gynnwys dod â phobl ifanc at ddatblygu cynaladwy; ADCDF/ESDGC; sgiliau hwyluso; cyd-syniad; a mwy.

Os am fwy o fanylion am y prosiectau a'r gwasanaethau hyn, ewch i www.dyfodol.org

Volunteer Recruitment Fair

Wrexham - Lynsey Edwards — 2011-06-03T23:00:00+00:00

AVOW will be holding a Volunteer recruitment Fair on Queens Square, Wrexham on Saturday 4th June 2011 from 10am to 2pm. Over 25 organisations will be in attendace with stalls promoting their oraginsation and services. Why not come along and join the fun!

Os Rhowch, Fe Gewch

2011-06-03T23:00:00+00:00

GwirVol yn Eisteddfod yr Urdd

Drwy gydol yr wythnos bydd GwirVol yn cynnal amrywiaeth o weithgareddau i roi rhagor o wybodaeth i chi am wirfoddoli yng Nghymru a sut y gallwch chi gymryd rhan. Byddwn yn gofyn am eich barn, yn chwarae gemau, cynnal helfa drysor ac yn lansio nifer o brosiectau cyffrous. Galwch draw i'n gweld yn stondinau 27 a 28 i gael yr holl wybodaeth am wirfoddoli ymysg pobl ifanc yng Nghymru.

Dydd Sadwrn 4ydd Mehefin 2011

Caiff Os Rhowch, Fe Gewch ei lansio am 12pm, sef cyhoeddiad i'ch helpu chi gael gwybodaeth am y gwahanol wobrau, cymwysterau a thystysgrifau y gallwch eu hennill drwy wirfoddoli.

Eisteddfod Helfa Drysor

2011-06-02T23:00:00+00:00

GwirVol yn Eisteddfod yr Urdd

Drwy gydol yr wythnos bydd GwirVol yn cynnal amrywiaeth o weithgareddau i roi rhagor o wybodaeth i chi am wirfoddoli yng Nghymru a sut y gallwch chi gymryd rhan. Byddwn yn gofyn am eich barn, yn chwarae gemau, cynnal helfa drysor ac yn lansio nifer o brosiectau cyffrous. Galwch draw i'n gweld yn stondinau 27 a 28 i gael yr holl wybodaeth am wirfoddoli ymysg pobl ifanc yng Nghymru.

Dydd Gwener Mehefin 3ydd 2011

Bydd Hwyl a Sbri gyda GwirForce yn eich helpu i gael gwybodaeth am wirfoddoli yng Nghymru. Caiff helfa drysor drwy'r holl gyfleoedd sydd ar gael yn Eisteddfod yr Urdd ei chynnal am 12pm. Mae gwobrau i'w hennill felly gwnewch yn siwr eich bod yno!

GwirForce Siarter Lansio

2011-06-01T23:00:00+00:00

GwirVol yn Eisteddfod yr Urdd

Drwy gydol yr wythnos bydd GwirVol yn cynnal amrywiaeth o weithgareddau i roi rhagor o wybodaeth i chi am wirfoddoli yng Nghymru a sut y gallwch chi gymryd rhan. Byddwn yn gofyn am eich barn, yn chwarae gemau, cynnal helfa drysor ac yn lansio nifer o brosiectau cyffrous. Galwch draw i'n gweld yn stondinau 27 a 28 i gael yr holl wybodaeth am wirfoddoli ymysg pobl ifanc yng Nghymru.

Dydd Iau Mehefin 2il 2011

Bydd GwirForce yn lansio eu Siarter ar gyfer gwirfoddolwyr ifanc yng Nghymru. Bydd y lansiad yn digwydd am 12pm. Bydd GwirForce wrth y stondin drwy'r dydd i siarad â chi am y siarter a beth mae'n ei olygu i wirfoddoli ymysg pobl ifanc yng Nghymru.

Yn eich barn chi, beth sy'n rhwystro Pobl Ifanc rhag Gwirfoddoli?

2011-05-31T23:00:00+00:00

GwirVol yn Eisteddfod yr Urdd

Dydd Mercher Mehefin 1af 2011

Rhaglen ddogen

Bydd GwirForce, panel ieuenctid Gwirvol, o amgylch y maes yn gofyn:

Yn eich barn chi, beth sy'n rhwystro Pobl Ifanc rhag Gwirfoddoli?
Pa faterion sy'n effeithio arnoch chi fel Person Ifanc?

Bydd y grŵp hefyd yn cyfweld pobl ifanc ar gyfer eu ffilm ddiweddaraf am wirfoddoli ymysg pobl ifanc ac yn chwilio am wirfoddolwyr i fod yn astudiaethau achos.

Bydd cyfnewid UNA wrth law i ddweud y cyfan wrthych am wirfoddoli tramor a sut y gallwch chi gymryd rhan.

Rhaglen BA Dyniaethau

DG — 2011-05-31T23:00:00+00:00

Hoffech chi astudio am radd ran-amser yn eich cymuned?

Mae’r rhaglen BA Dyniaethau’n gynllun rhan-amser ar gyfer oedolion sydd am astudio gradd ond yn methu â gwneud hynny’n llawn amser. Mae’r cwrs yn cael ei addysgu ar gampws Parc Singleton ac mewn canolfannau cymunedol ledled

De-orllewin Cymru.

Abertawe - Townhill, Clydach

Castell-nedd Port Talbot - Castell-nedd, Glyn-nedd, Y Banwen, Port Talbot

Sir Gâr - Llanelli, Brynaman, Llandybie

Sir Benfro - Arberth, Doc Penfro, Hwlffordd, Abergwaun

Mae pob myfyriwr yn dewis dau bwnc sy’n cynnwys: Hanes, Cwnsela, Saesneg, Seicoleg, Cymdeithaseg, Athroniaeth, Ystadegau, Astudiaethau Amgylcheddol a llawer mwy.

Gallwch astudio yn ystod y dydd a chyda’r hwyr

Nid oes angen cymwysterau ffurfiol

Help gyda chostau gofal plant

Nid yw oedran a statws yn rhwystrau

Cymorth sgiliau astudio helaeth

Mae cymorth ariannol a bwrsariaethau ar gael

Gwnewch gais nawr am le ar y rhaglen BA Dyniaethau sy’n dechrau ym mis Medi 2011

Mae’n amser i chi wireddu eich potensial!

Cysylltwch â Janice Brown am ragor o wybodaeth

01792 295499/295935

j.p.brown@abertawe.ac.uk

www.swansea.ac.uk/dace

MV & Sports Wales

2011-05-30T23:00:00+00:00

GwirVol yn Eisteddfod yr Urdd

Drwy gydol yr wythnos bydd GwirVol yn cynnal amrywiaeth o weithgareddau i roi rhagor o wybodaeth i chi am wirfoddoli yng Nghymru a sut y gallwch chi gymryd rhan. Byddwn yn gofyn am eich barn, yn chwarae gemau, cynnal helfa drysor ac yn lansio nifer o brosiectau cyffrous. Galwch draw i'n gweld yn stondinau 27 a 28 i gael yr holl wybodaeth am wirfoddoli ymysg pobl ifanc yng Nghymru.

Dydd Mawrth 31ain Mai 2011

Bydd Gwirfoddolwyr y Mileniwm yn lansio eu Tystysgrif Chwaraeon MV50 ar y cyd â Chwaraeon Cymru a Sports Leaders UK. Mae'r dystysgrif yn cydnabod y cyfraniad pwysig y mae pobl yn ifanc yn ei wneud i wirfoddoli ym myd Chwaraeon.

Cymrud Rhan Mewn Gwyrfoddoli

DG — 2011-05-29T23:00:00+00:00

GwirVol yn Eisteddfod yr Urdd

Dydd Llun 30ain Mai 2011

Beth yw'ch barn chi am wirfoddoli? Hwyl a Sbri gyda GwirVol a Dynamix Ltd. Dewch i ymuno â ni ar gyfer gemau parasiwt, muriau graffiti a llawer mwy. Am 12pm bydd Dynamix yn cynnal Prezi ar gyfer pobl ifanc i ddweud wrthym beth yn union yw'ch barn a sut y gallwn ni eich annog i fod yn rhan o'n gwaith.

GwirVol yn Eisteddfod yr Urdd

DG — 2011-05-29T23:00:00+00:00

Drwy gydol yr wythnos bydd GwirVol yn cynnal amrywiaeth o weithgareddau i roi rhagor o wybodaeth i chi am wirfoddoli yng Nghymru a sut y gallwch chi gymryd rhan. Byddwn yn gofyn am eich barn, yn chwarae gemau, cynnal helfa drysor ac yn lansio nifer o brosiectau cyffrous. Galwch draw i'n gweld yn stondinau 27 a 28 i gael yr holl wybodaeth am wirfoddoli ymysg pobl ifanc yng Nghymru.

Dydd Llun 30ain Mai 2011

Beth yw'ch barn chi am wirfoddoli? Hwyl a Sbri gyda GwirVol a Dynamix Ltd. Dewch i ymuno â ni ar gyfer gemau parasiwt, muriau graffiti a llawer mwy. Am 12pm bydd Dynamix yn cynnal Prezi ar gyfer pobl ifanc i ddweud wrthym beth yn union yw'ch barn a sut y gallwn ni eich annog i fod yn rhan o'n gwaith.

Dydd Mawrth 31ain Mai 2011

Bydd Gwirfoddolwyr y Mileniwm yn lansio eu Tystysgrif Chwaraeon MV50 ar y cyd â Chwaraeon Cymru a Sports Leaders UK. Mae'r dystysgrif yn cydnabod y cyfraniad pwysig y mae pobl yn ifanc yn ei wneud i wirfoddoli ym myd Chwaraeon.

Dydd Mercher Mehefin 1af 2011

Rhaglen ddogen

Bydd GwirForce, panel ieuenctid Gwirvol, o amgylch y maes yn gofyn:

Yn eich barn chi, beth sy'n rhwystro Pobl Ifanc rhag Gwirfoddoli?
Pa faterion sy'n effeithio arnoch chi fel Person Ifanc?

Bydd y grŵp hefyd yn cyfweld pobl ifanc ar gyfer eu ffilm ddiweddaraf am wirfoddoli ymysg pobl ifanc ac yn chwilio am wirfoddolwyr i fod yn astudiaethau achos.

Bydd cyfnewid UNA wrth law i ddweud y cyfan wrthych am wirfoddoli tramor a sut y gallwch chi gymryd rhan.

Dydd Iau Mehefin 2il 2011

Bydd GwirForce yn lansio eu Siarter ar gyfer gwirfoddolwyr ifanc yng Nghymru. Bydd y lansiad yn digwydd am 12pm. Bydd GwirForce wrth y stondin drwy'r dydd i siarad â chi am y siarter a beth mae'n ei olygu i wirfoddoli ymysg pobl ifanc yng Nghymru.

Dydd Gwener Mehefin 3ydd 2011

Bydd Hwyl a Sbri gyda GwirForce yn eich helpu i gael gwybodaeth am wirfoddoli yng Nghymru. Caiff helfa drysor drwy'r holl gyfleoedd sydd ar gael yn Eisteddfod yr Urdd ei chynnal am 12pm. Mae gwobrau i'w hennill felly gwnewch yn siwr eich bod yno!

Dydd Sadwrn 4ydd Mehefin 2011

Caiff Os Rhowch, Fe Gewch ei lansio am 12pm, sef cyhoeddiad i'ch helpu chi gael gwybodaeth am y gwahanol wobrau, cymwysterau a thystysgrifau y gallwch eu hennill drwy wirfoddoli.

Os oes gennych unrhyw ymholiad, yn cynnwys os ydych yn dymuno mynychu unrhyw un o'n gweithgareddau a'n digwyddiadau a bod gennych ofynion penodol e-bostiwch gwirvol@wcva.org.uk neu ffoniwch 029 2043 1763.

Japan Fundraising Event 23.05.11

UNA Exchange — 2011-05-18T23:00:00+00:00

UNA Exchange is organising a special event on Monday 23rd May at the Temple of Peace from 4.30-7.30pm. All proceeds from the event will go to our Japanese partner organisation, NICE, to fund an International Volunteer Project in the areas of Japan affected by the recent earthquake and tsunami. If you can’t make it then don’t worry, you can still make a donation...... We hope that you can join us but if you can’t then you’re welcome to send a small donation to support the cause. If you send it before Monday then we’ll convert it into raffle tickets – you could win £30 of YO!Sushi or Wagamama vouchers! You can send a cheque or cash to UNA Exchange and we’ll put it to the Japanese fund. You can also contribute by Paypal – send the money to info@unaexchange.org (NB we lose about 3.5% from Paypal transactions so other methods are better if possible).

Win A Free International Volunteering Experience

UNA Exchange — 2011-05-17T23:00:00+00:00

Ennill profiad Gwirfoddoli Rhyngwladol am ddim trwy'r Gyfnewid UNA

Enillwch y cyfle i gymryd rhan yn un o brosiectau gwirfoddoli byd eang y Gyfnewid UNA. Mae'r wobr yn cynnwys dewis o gannoedd o brosiectau ar dir mawr Ewrop, ynghyd â theithio ac yswiriant. Mae'r Gyfnewid UNA yn cynnig y cyfle i gymryd rhan mewn prosiect sydd yn cael ei redeg a'i gychwyn yn lleol, i weithio gyda gwirfoddolwyr ar draws y byd a gwneud gwir gyfraniad i'r gymuned leol yna.

Dychmygwch deithio i Roeg am brosiect ail blannu coedwigoedd, wrth archwilio Olympia Hynafol. Neu helpu cynnal gweithgareddau mewn gwersyll Haf i blant a phobl ifanc yn Yr Almaen. Gallwch ddewis mynd am Awstria i helpu adnewyddu rhan o'r parc cyhoeddus enwog yng nghanol Fiena. Neu beth am weithio ar warchodfa natur yng Nghoedwig Tsiec?

Mae'r Gyfnewid UNA yn elusen gofrestredig, ddim yn gweithio am elw ariannol, gyda dros 40 mlynedd o brofiad yn gweithio gyda phartneriaid o gwmpas y byd. Rydym yn cynnig dros 1500 o brosiectau mewn dros 60 gwlad yn cefnogi cymunedau lleol ar brosiectau anghenion amgylcheddol, addysgiadol a chymdeithasol.

I gofrestru, ymwelwch â www.unaexchange.org ac arwyddwch i fyny i'r rhestr bostio Cyfnewid UNA.

Telerau ac Amodau – Mae'r wobr yn cynnwys prosiect, yswiriant a theithio. Teithio ecogyfeillgar i'r prosiect i gael ei drefnu mewn cysylltair â'r UNA. Mae'n rhaid i gofrestrwr fod dros 18 oed. Nid yw'r wobr yn drosglwyddadwy. Bydd rhaid i'r enillydd ddarparu pasport dilys. Mae'r gystadleuaeth yn cau ar Orffennaf 14 a bydd yr enillydd yn cael ei dynnu ar Orffennaf 15 2011. Dewis prosiect yn gorfod cael ei wneud cyn 30 Ebrill 2012. Enillydd i ddarparu erthygl / lluniau / fideo o'r profiad gwirfoddoli i gael ei ddangos ar wefan y Gyfnewid UNA.

GwirVol Yn Mynd Yn Gymdeithasol!

DG — 2011-05-17T23:00:00+00:00

"Gwirfoddoli"

Beth ydych chi'n feddwl wrth glywed y gair yna?

Mae pobl efo syniadau gwahanol iawn o beth yw gwirfoddoli. Mae rhai yn meddwl am gyfleoedd newydd a heriol, mae rhai yn meddwl am waith elusennol a helpu gwella'r byd o'u cwmpas, tra mae eraill yn meddwl "Gwirfoddoli? Beth yw'r pwynt?"

Y grŵp diwethaf yma ydy'r rhai rydym eisiau cael y neges drwodd iddynt: y bobl sydd yn gwrthod y syniad fel un "diflas" – yn dweud pethau fel "dim ond pethau fel codi ysbwriel ydy gwirfoddoli" a "mae gwneud pethau heb gael dy dalu yn wastraff amser." Ein bwriad ydy newid y canfyddiad yma.

Ond i fod yn onest, nid yw un erthygl yn ddigon i ddysgu pobl am yr holl bethau sydd gan wirfoddoli i gynnig. Yn enwedig pan mae cymaint allan yna. Rydym angen mwy o ffyrdd i gyrraedd pobl i ddweud eich straeon ac i helpu pobl gymryd rhan mewn gwirfoddoli.

Dyna pam fod gennym bellach oriel lluniau, oriel fideo, diweddariadau Twitter cyson a thudalen ffan Facebook (cliciwch 'Like' i gael eich diweddaru am newyddion, straeon a digwyddiadau gwirfoddoli).

Wrth gwrs, nid yw'n bosib gwneud hyn ein hunain.

Oes gennych chi stori gwirfoddoli hoffech rannu, un ai fel erthygl neu – os ydych chi'n teimlo'n greadigol – trwy luniau neu fideo? Byddem wrth ein boddau yn cael nhw i'n gwefan i ddangos i bobl sydd yn newydd i wirfoddoli faint o hwyl a buddiol gallai fod. E-bostiwch nhw i gwirvol@gmail.com heddiw os hoffech eu gweld ar y wefan.

Ac os ydych chi'n newydd i wirfoddoli, neu angen ysbrydoliaeth, edrychwch ar y pethau gan GwirForce sydd wedi mynd ar y wefan yn barod!

• Oriel Lluniau
• Oriel Fideo
• Twitter
• Tudalen Ffan Facebook
• Gwirforce

GwirVol: Gwirfoddolwyr Ifanc Yn Cael Eu Talu Gyda Pharch

Mae GwirVol yn bartneriaeth wedi’i ddylunio i helpu pobl ifanc yng Nghymru i gymryd rhan mewn gwirfoddoli.

Gall gwirfoddoli feddwl llawer o bethau gwahanol. Os yw’n treulio ychydig oriau’r wythnos yn magu sgiliau bywyd defnyddiol (ac yn helpu pobl wrth wneud), gwneud cyfnod preswyl neu hyd yn oed teithio dramor, gall GwirVol helpu.

GRANT GWIRVOL 2011-12

Gwynedd - Mirain Roberts — 2011-05-09T23:00:00+00:00

Mae’r Grant Dan Arweiniad Pobl Ifanc - Gwirvol yn cael ei anelu tuag at pobl ifanc rhwng 16 - 25 oed, sydd gyda syniad neu cynllun a fydd yn rhoi budd i'r gymuned lleol.

Gall hyn fod yn brosiect unigryw, o gael grŵp o bobl ifanc yn trefnu cinio Nadolig ar gyfer yr henoed yn lleol, i unigolyn yn trefnu diwrnod o glirio ysbwriel yn ei gymuned lleol.

Mae grantiau hyd at £500 ar gael i ariannu’r prosiectau. Mae pob cynllun angen cydymffurfio gyda’ canllawiau sydd wedi cael eu gosod allan, sef :-

RHAID i'r cynllun gael ei arwain gan bobl ifanc

RHAID i'r cyfle gynnig oleia 2 gyfle gwirfoddoli ar gyfer pobl ifanc 16 i 25 oed

RHAID i'r cynllun fod o fudd i'r gymuned lleol Ar gyfer 2011-12 mae Canolfan Gwirfoddoli Gwynedd wedi derbyn £7,000 o grant i’w rannu i grwpiau ar gyfer creu rhagor o gyfleoedd gwirfoddoli i bobl ifanc yng Ngwynedd.

AMSERLEN.

Pecyn Cais ar gael NAWR Dyddiad Cau

** 20fed o Fai 2011 **

** 30ain o Fedi 2011 **

** 25ain o Dachwedd 2011 **

** 31ain o Ionawr 2012 **

Rhaid gwario’r arian grant erbyn 31ain Mawrth 2012.

Am becyn cais a rhagor o wybodaeth cysylltwch â Mirain Roberts yn Mantell Gwynedd ar (01286) 672626 neu ei e-bostio -mirain@mantellgwynedd.com.

Gwobrau Gwirfoddolwr y Flwyddyn Cymru 2011

Wales Council for Voluntary Action(WCVA) — 2011-04-12T23:00:00+00:00

Gwobrau Gwirfoddolwr y Flwyddyn Cymru 2011, cefnogir gan CCLA Mae’r dyddiad cau ar gyfer pleidleisiau i Wirfoddolwr y Flwyddyn Cymru wedi ei ymestyn tan yr 20 Ebrill. Mae gennych gyfle o hyd i enwebu gwirfoddolwr arbennig! Oes yna unigolyn ysbrydoledig yn eich cymuned? Neu gr ˆwp o bobl sy’n gweithio’n galed i helpu eraill ac sy’n rhoi’n hael o’u hamser i wella bywyd pobl eraill? Os felly, pam na wnewch chi eu henwebu ar gyfer Gwobr Gwirfoddolwr y Flwyddyn Cymru? Dyma’ch cyfle chi I helpu’r pobl hynod yna i gael y wobr y maent yn eu haeddu. Peidiwch ag anwybyddu’r ymdrechion eithriadol hyn. Gallwch: • glicio yma am fersiwn electronig o’r ffurflen enwebu • neu cliciwch yma am PDF i’w argraffu a’i lenwi â llaw. Yna dychwelwch y ffurflen a helpu i wobrwyo gwirfoddolwyr mwyaf haeddiannol Cymru! Y dyddiad cau ar gyfer enwebiadau yw 20 Ebrill.

Defnyddio Eich Talentau

Dan — 2011-04-10T23:00:00+00:00

Vicky Lovett, 22 oed o Gaerffili, yw un o raddedigion diweddaraf Cymru i ddod o hyd i waith diolch i raglen interniaeth trydydd sector WCVA. Ar ôl astudio am radd mewn busnes a marchnata, llwyddwyd i ddod o hyd i gyfle addas i Vicky fel interniad gyda ContinYou Cymru i gydlynu a hyrwyddo amrywiaeth o ddigwyddiadau’r mudiad gan gynnwys eu cynhadledd flynyddol ac ymweliad tramor. Cafodd y lleoliad gyda ContinYou Cymru ei drefnu fel rhan o raglen interniaeth y trydydd sector, sy’n cael ei rheoli gan WCVA ac mae mudiadau ledled Cymru eisoes yn elwa drwy greu cyfleoedd ar gyfer graddedigion newydd.

Dywedodd Ian Bottrill, Cyfarwyddwr Datblygu Cenedlaethol gyda ContinYou Cymru, wrth WCVA fod yr interniaethau’n cynnig pob math o fuddiannau i fudiadau trydydd sector. Meddai: ‘Mae Vicky wedi cynnig syniadau arloesol, ac awgrymiadau a phersbectif newydd rhywun sydd wedi’i hyfforddi mewn marchnata, ac mae hefyd yn gwmni da gyda synnwyr digrifwch gwych. Mae hefyd yn barod i weithio’n galed, mae’n ddibynadwy, yn medru meddwl drosti ei hun ac mae’n cyd-dynnu’n arbennig o dda â thîm amrywiol o bobl.

‘Mae hon yn ffordd dda o alluogi mudiadau i fanteisio ar sgiliau a galluoedd newydd a rhoi cyfle ar yr un pryd i bobl ifanc dalentog i ddefnyddio’u gwybodaeth ac i ennill profiad. Byddwn yn ei argymell heb unrhyw amheuaeth.’ Ers lansio’r rhaglen, mae dros 100 o fudiadau trydydd sector wedi creu cyfleoedd i interniaid, gyda 40 o interniaid wedi’u lleoli’n barod. Gall y rhaglen leoli graddedigion am gyfnodau rhwng pedair wythnos a thri mis yn rhan amser neu’n llawn amser, a chostau teithio yw’r unig gost sy’n rhaid ei thalu.

Meddai Julie Skelton, Cydlynydd y rhaglen: ‘Mae hyn yn wahanol i wirfoddoli gan fod yn rhaid i interniaethau fod yn un darn o waith neu brosiect a all ddod â gwerth gwirioneddol i fudiadau yn ogystal ag ychwanegu rhywbeth penodol at CV yr interniad ar yr un pryd.

Yn ôl yr adborth yr ydym wedi’i gael, mae mudiadau’n hapus iawn bod modd troi syniad yn ganlyniad mor sydyn a rhwydd drwy fod â syniad pendant o’r hyn maent am ei gael drwy’r interniaeth a thrwy benodi’r interniad cywir.

‘Mae’r mudiadau eraill sydd wedi croesawu interniaid yn cynnwys WCVA, RNIB, Plant yng Nghymru, Vision 21, BTCV a Thai Pawb ac mae’r lleoliadau’n gweithio ar ymchwil ym meysydd ddatblygu rhyngwladol, datblygu gwefannau, cynhyrchu ffilmiau ac ymgynghori â’r gymuned. Mae’r lleoliadau'r un mor amrywiol ag anghenion y mudiad.’

Mae graddedigion ag amrywiaeth o sgiliau a diddordebau’n awyddus i fanteisio ar y lleoliadau yn y trydydd sector ac mae’r rhaglen yn cael ei chefnogi a’i hyrwyddo mewn prifysgolion ledled Cymru. Os hoffai’ch mudiad chi drafod y posibilrwydd o greu lleoliad, cysylltwch â Julie Skelton ar 02920 436595 neu e-bostiwch jskelton@wcva.org.uk

Gwirfoddolwr y Flwyddyn

Dan — 2011-03-31T23:00:00+00:00

Mae’r dyddiad cau ar gyfer pleidleisiau i Wirfoddolwr y Flwyddyn Cymru wedi ei ymestyn tan yr 20 Ebrill. Mae gennych gyfle o hyd i enwebu gwirfoddolwr arbennig!

Oes yna unigolyn ysbrydoledig yn eich cymuned? Neu gr ˆwp o bobl sy’n gweithio’n galed i helpu eraill ac sy’n rhoi’n hael o’u hamser i wella bywyd pobl eraill? Os felly, pam na wnewch chi eu henwebu ar gyfer Gwobr Gwirfoddolwr y Flwyddyn Cymru? Dyma’ch cyfle chi I helpu’r pobl hynod yna i gael y wobr y maent yn eu haeddu.

Peidiwch ag anwybyddu’r ymdrechion eithriadol hyn. Gallwch:

• Glicio yma am fersiwn electronig o’r ffurflen enwebu

• Neu cliciwch yma am PDF i’w argraffu a’i lenwi â llaw.

Yna dychwelwch y ffurflen a helpu i wobrwyo gwirfoddolwyr mwyaf haeddiannol Cymru!

Y dyddiad cau ar gyfer enwebiadau yw 20 Ebrill.

Gwirfoddolwyr Y Mileniwm Yn Ymuno GwirVol!

Dan — 2011-03-31T23:00:00+00:00

Heddiw rydym yn falch o gyhoeddi fod Gwirfoddolwyr y Mileniwm wedi dod yn rhan swyddogol o GwirVol, sydd yn golygu mwy o gyfleoedd a gwobrau i bobl ifanc yng Nghymru.

Dysgwch mwy am Gwirfoddolwyr y Mileniwm drwy glicio yma.

Lansiwyd Gwirfoddolwyr y Mileniwm yn 1998, ac mae’n rhan o raglen yn y DU cyfan sy’n cefnogi pobl ifanc i wneud ymrwymiad i wirfoddoli yn eu cymunedau am 200 awr.

Mae Gwirfoddolwyr y Mileniwm yn annog pobl ifanc 16-25 mlwydd oed i adeiladu ar sgiliau a diddordebau presennol ac ennill profiadau newydd drwy roi eu hamser i weithgareddau gwirfoddoli. Caiff eu hymdrechion eu cydnabod drwy dystysgrifau a ddyfernir yn dilyn 50 a 100 awr o wirfoddoli, a Gwobr Rhagoriaeth, a lofnodir gan Brif Weinidog Llywodraeth Cynulliad Cymru, ar ôl 200 awr.

Datblygwyd GwirVol o argymhellion Comisiwn Russel a gyhoeddwyd ym mis Mai 2005, ac mae’n ceisio cynyddu nifer ac amrywiaeth y bobl ifanc sy’n gwirfoddoli yng Nghymru, yn ogystal â nifer a safon y cyfleoedd i wirfoddoli. Caiff y Fenter ei rheoli gan bartneriaeth o fudiadau yng Nghymru ar draws y sector preifat, y sector cyhoeddus a’r sector gwirfoddol.

‘Mae GwirVol wedi gweithio’n agos gyda Gwirfoddolwyr y Mileniwm ers i’r fenter ddechrau yn 2005,’ eglurodd Tim Day, Cadeirydd menter GwirVol a Chyfarwyddwr Gwirfoddoli a Pholisi ar gyfer WCVA. ‘Mae Gwirfoddolwyr y Mileniwm yn rhannu’r un gwerthoedd â GwirVol ac yn cynnig cyfle gwych i bobl ifanc gael cydnabyddiaeth am eu gwaith gwirfoddol.’

‘Mae GwirVol yn cydnabod y gwaith gwych mae Gwirfoddolwyr y Mileniwm yn ei wneud gyda phobl ifanc ledled Cymru ac mae am gefnogi’r rhaglen a’i helpu i barhau.’

Dywedodd David Heald, Cydlynydd Gwirfoddolwyr y Mileniwm: ‘Bydd Gwirfoddolwyr y Mileniwm yn parhau mewn ffordd debyg iawn i fel yr oedd o’r blaen. Bydd y newid mwyaf yn digwydd i’r rhaglen grant, a fydd bellach yn rhedeg ochr yn ochr â grantiau GwirVol a bydd dwy rownd y flwyddyn.

‘Mae’r cyfuniad wedi rhoi’r cyfle i Gwirfoddolwyr y Mileniwm ystyried datblygiadau newydd ar gyfer y wobr ac rydym yn edrych ymlaen at gyhoeddi’r rhain yn y dyfodol agos.’

Ers iddo gael ei lansio yn 1998, mae Gwirfoddolwyr y Mileniwm wedi cefnogi dros 14,500 o bobl ifanc i roi 1,500,000 o oriau o’u hamser i wirfoddoli. Ers i GwirVol ddechrau yn 2005, mae dros 6,000 o bobl ifanc wedi cael eu recriwtio fel gwirfoddolwyr a chaiff tua 2,000 o gyfleoedd gwirfoddoli eu creu pob blwyddyn.

‘Gyda chanlyniadau mor gadarnhaol hyd yn hyn o bob un o’r rhaglenni unigol, rydym wir yn edrych ymlaen at yr hyn y gallwn gyflawni gyda’n gilydd,’ dywedodd Tim Day i gloi.

Dysgwch mwy am Gwirfoddolwyr y Mileniwm drwy glicio yma.

Twestival 2011

Dan — 2011-03-24T00:00:00+00:00

Welsh translation coming soon!

What is Twestival?

Twestival is an annual festival organised completely over Twitter. It happens all across the world and gives people a chance to lend their talents, donate prizes, and come together as a team to support a charity.

This year, Cardiff's chosen charity is Cardiff Foodbank, an amazing charity who help feed people in crisis.

The performers, organisers and those who donated prizes are all unpaid and doing so for charity. And thanks to the power of Twitter, there is no shortage of great stuff on offer. Expect some talented musicians (details below) and some **fantastic** prizes if you enter the raffle - including three pairs of bmibaby flights - all proceeds of which go to charity.

Headline comes in the form of the supersonically talented Lewis Floyd Henry. After spending the past seven years busking around London, the multi-talented Lewis Floyd Henry has just released his debut album, and boy what an album it is. Often compared to Jimi Hendrix due to his appearance, the 31-year-old Londoner not only sings and plays the guitar, but accompanies himself with a tambourine, a tiny foot-operated drum kit and a harmonica. As you can imagine his live show is one not to be missed, so come earlier to ensure a seat.

Support comes in the form of the musically gifted Ned Rundell, and there'll even be DJ's afterwards to keep the floor filled.

All this and more for the measly advance ticket price of £4.

Thursday 24th March 2011

Doors 8pm

£4

Online tickets and raffle tickets: http://uk.amiando.com/Twestival2011_cardiff

Gwirfoddola

Jess P — 2011-03-16T00:00:00+00:00

Gan Jess P

Dwi wedi bod â diddordeb mewn dinasyddiaeth weithredol ers 2006.

Y peth sydd yn gwneud i mi fod eisiau gwirfoddoli ac i helpu pobl ifanc i leisio eu barn ydy’r Confensiwn y Cenhedloedd Unedig ar Hawliau’r Plentyn (CCUHP).

Yn fy nghlwb ieuenctid lleol mae yna dipyn o fyrddau hysbyseb gyda phosteri, taflenni ac yn y blaen sydd i wneud â phobl ifanc. Yn ystod y clwb ieuenctid byddwn yn darllen yr CCUHP ac yn mynd o gwmpas y clwb yn ebychu fy hawliau. Gofynnodd un gweithiwr ieuenctid, Jan, i mi os oeddwn i eisiau ymuno gyda fy nghyngor ieuenctid lleol. Dyna le gychwynnodd o i gyd!

Ymunais â Chyngor Ieuenctid Castell-nedd Port Talbot mis Mawrth diwethaf. Yn ystod y cyfarfodydd rydym yn trafod materion sydd yn effeithio pobl ifanc yn ein hardal ni, ac yna rydym yn dewis tri neu bedwar pwnc i gyflwyno i aelodau’r cabinet.

Mae’r cyngor ieuenctid wedi creu gymaint o gyfleoedd i mi; heb y cyngor ni fyddwn i’n gwneud pethau efo CLIC. Fe es i’r ddau Benwythnos Preswyl Mawr CLIC. Roedd y ddau yn hwyl dros ben ac roedd yn teimlo’n dda fod ein lleisiau yn cael eu clywed.

Fe es i Afan FM, gorsaf radio lleol ni, ychydig o weithiau, yn trafod pynciau yn ymwneud â phobl ifanc. Rhoddodd hyn brofiad i mi yn y cyfryngau ac mae gen i ddiddordeb yn hynny, fel medri di ddweud efo’r erthyglau i gyd rwyf wedi ‘sgwennu.

Dwi wedi gwneud nifer o bethau yn fy nghymuned leol. Ysgrifennais i’m hawdurdod lleol yn gofyn a gallant nhw adeiladu cae criced newydd gan fod yr un sydd yno ddim yn cael ei gadw yn dda iawn ac mae ein cynghorydd lleol wedi mynd a’r mater hwn ymlaen.

Hefyd, ynghyd â eraill rydym ni wedi gwneud cais am gronfa i gael caffi ieuenctid yn ein canolfan cymunedol. Ysgrifennodd Stephanie a finnau i’n cynghorydd lleol yn gwneud cais am beiriant gwerthu yn y canolfan cymunedol lle mae ein clwb ieuenctid wedi’i leoli. Byddai’n elwa ni ac eraill sydd yn defnyddio’r neuadd.

Yn mis Rhagfyr 2009 enillodd ein cyngor ieuenctid wobr yng ngwobrau Phillip Lawrence. Cawsom fynd i Lundain i fynychu’r digwyddiad cyfareddol oedd yn cael ei gyflwyno gan Trevor McDonald.

Ar ôl y digwyddiad, cysylltodd PLAnet (Rhwydwaith Gwobrau Phillip Lawrence) gyda rhai aelodau o’r cyngor ieuenctid i gynrychioli nid yn unig Castell-nedd Port Talbot ond Cymru.

Aeth Ben a finnau i’n preswyl cyntaf efo PLAnet, i Firmingham. Rhoddodd gymaint o annibyniaeth a hyder i ni wrth deithio ein hunain. Nid yn unig hyn ond rydym yn helpu i farchnata’r digwyddiad. Rydym yn mynd i Lundain i farchnata’r gwobrwyon, a hefyd i Nottingham i gynllunio.

Ar ôl popeth dwi wedi’i wneud, dwi wedi derbyn Gwobr Uwch Siryf gan Uwch Siryf Gorllewin Bro Morgannwg, ac roeddwn i yn fodlon ac yn anrhydeddus i’w dderbyn. Cefais fy adnabod hefyd gan fy ysgol a derbyn Gwobr Am Gyfraniad I’r Gymuned Leol.

Dwi wedi gwneud gormod o bethau i sôn amdanynt, ond fe fedraf dy sicrhau ei fod yn hwyl i gyd. Mae gwirfoddoli yn edrych yn dda ar dy CV, nid yw’n unig yn dda i ti ond i’r bobl a’r sefydliadau eraill rwyt ti’n helpu.

Bydda’n rhan o bethau, gwirfoddola!

Cafodd yr erthygl hon ei chyhoeddi yn wreiddiol ar CLIC, y cylchgrawn ar-lein i bobl ifanc yng Nghymru.

Eisiau Mynd I Fongolia?

Dan — 2011-02-01T00:00:00+00:00

Am fynd ar daith i rywle nad yw'r rhan fwyaf o bobl byth am fynd iddo?

Mae Fforwm Ieuenctid Cymru ar Ddatblygu Cynaliadwy (WYFSD) wedi derbyn arian gan gronfa Rhyngwladol GwirVol y WCVA er mwyn mynd â grŵp o bobl ifanc ar drên i Fongolia.

Rydym yn chwilio am bobl ifanc rhwng 16 a 25 mlwydd oed o ardaloedd Abertawe, Aberystwyth/Machynlleth a gogledd Meirionydd/Dwyfor i gymryd rhan yn y prosiect cyffrous hwn.

Bydd y bobl ifanc yn gweithio law yn llaw gydag aelodau ifanc o WYFSD a staff er mwyn rhoi'r prosiect ar waith, gan gynnwys:

Llunio a datblygu perthynas gyda'n partneriaid ym Mongolia
Cynllunio'r daith i Fongolia ac yn ôl
Derbyn hyfforddiant --- mewn addysg cyfoedion, sgiliau hwyluso, a dealltwriaeth o effeithiau newid hinsawdd ym Mongolia
Paratoi'r gwaith fydd yn cael ei wneud ym Mongolia
Ymchwil i ddiwylliant, iaith ac amgylchedd Mongolia
Hyrwyddo'r prosiect yng Nghymru a thu hwnt
Rhannu eu profiadau gyda'u cyfoedion drwy weithdai, creu ffilmiau a dulliau eraill o'u dewis

Bydd y daith i Fongolia tua mis o hyd, gan gynnwys tua 10 diwrnod o deithio bob ffordd, a 10 diwrnod ym Mongolia ym mis Medi 2011.

Bydd costau yn cael eu talu gan WYFSD, ond bydd angen codi rhywfaint o arian, a bydd hyn yn cael ei wneud gyda chymorth gweithwyr ieuenctid.

Rydym yn eich gwahodd i ddod a phobl ifanc gyda chi i'n cyfarfod cychwynnol, a fydd yn cael ei gynnal rhwng 11yb a 3yh ar y 15fed o
Ionawr yng Nghanolfan y Dechnoleg Amgen, ger Machynlleth. Bydd llety ar gael nos Wener os bydd angen. Anelir y prosiect hwn at bobl ifanc o bob cefndir, ac mae'n cynnig cyfle i bobl ifanc nad ydynt mewn addysg, hyfforddiant na gwaith.

Byddwch gystal â gadael i ni wybod cyn gynted â phosib os oes diddordeb gennych. Bydd angen rhoi gwybod erbyn y 7fed o Ionawr os ydych yn bwriadu dod i'r cyfarfod ar y 15fed, gan ddweud faint o bobl fydd yn dod ac os bydd angen llety nos Wener.

Bwriad y prosiect yw cynnwys pobl o bob cefndir, a rhoi cyfleoedd i bobl ifanc nad ydynt mewn addysg, hyfforddiant, na gwaith.

Cysyllta a'r WYFSD yn fuan os oes gen ti ddiddordeb fod yn rhan o'r prosiect!

Mae Gwefan GwirVol Angen Chi!

Dan — 2011-01-14T00:00:00+00:00

Helo bobl,

I’r rhai ohonoch dwi ddim wedi cael y pleser o gyfarfod eto, fy enw i ydy Dan a dwi wedi dechrau gweithio fel Golygydd y We i GwirVol yn ddiweddar. Dwi hefyd yn wirfoddolwr ifanc sydd yn gwneud llawer o deithio, fel dangosir yn y llun gyda koala tegan ar fy mhen:

Mae gennym wasanaeth gwych i wirfoddolwyr ifanc yng Nghymru ond nid ydym yn teimlo fod y wefan yn cyfleu popeth am GwirVol. Ar y funud mae’n iawn fel gwefan wedi’i anelu at sefydliadau, ond nid yw’n apelio at bobl ifanc. Fy swydd i ydy cywiro hyn.

Felly pam fy mod i’n hysgrifennu hwn? Wel, yn rhannol i gyflwyno fy hun, ond hefyd am fod angen eich awgrymiadau chi. Y gynulleidfa targed i’r wefan hwn ych CHI, wedi’r cwbl, felly dwi eisiau i chi ddweud wrthyf beth rydych eisiau newid am y wefan.

Unrhyw syniadau – mawr neu fach – gyrrwch nhw i mi.

Byddaf yn dod i’r Preswylia GwirForce i’r rhai ohonoch sydd yn cymryd rhan (neu hoffech gymryd rhan) ynddynt, ond yn y cyfamser mae croeso i unrhyw un ac rwyf yn annog i chi ychwanegu fi ar Facebook neu i yrru e-bost i gwirvol@gmail.com os hoffech siarad neu roi ychydig o awgrymiadau i mi.

Gobeithio siarad gyda chi i gyd yn fuan

Cofion

- Dan

Os hoffech wybod y diweddaraf am GwirVol a’r cyfleoedd gwirfoddoli rydym yn ei gynnig i bobl ifanc – o deithio dramor i ddiogelu cyfleoedd cyfnod preswyl – cofrestra i’n rhestr bostio isod:

Eisiau Mynd I Fongolia?

Dan — 2011-01-04T00:00:00+00:00

Am fynd ar daith i rywle nad yw'r rhan fwyaf o bobl byth am fynd iddo?

Mae Fforwm Ieuenctid Cymru ar Ddatblygu Cynaliadwy (WYFSD) wedi derbyn arian gan gronfa Rhyngwladol GwirVol y WCVA er mwyn mynd â grŵp o bobl ifanc ar drên i Fongolia.

Rydym yn chwilio am bobl ifanc rhwng 16 a 25 mlwydd oed o ardaloedd Abertawe, Aberystwyth/Machynlleth a gogledd Meirionydd/Dwyfor i gymryd rhan yn y prosiect cyffrous hwn.

Bydd y bobl ifanc yn gweithio law yn llaw gydag aelodau ifanc o WYFSD a staff er mwyn rhoi'r prosiect ar waith, gan gynnwys:

Llunio a datblygu perthynas gyda'n partneriaid ym Mongolia
Cynllunio'r daith i Fongolia ac yn ôl
Derbyn hyfforddiant --- mewn addysg cyfoedion, sgiliau hwyluso, a dealltwriaeth o effeithiau newid hinsawdd ym Mongolia
Paratoi'r gwaith fydd yn cael ei wneud ym Mongolia
Ymchwil i ddiwylliant, iaith ac amgylchedd Mongolia
Hyrwyddo'r prosiect yng Nghymru a thu hwnt
Rhannu eu profiadau gyda'u cyfoedion drwy weithdai, creu ffilmiau a dulliau eraill o'u dewis

Bydd y daith i Fongolia tua mis o hyd, gan gynnwys tua 10 diwrnod o deithio bob ffordd, a 10 diwrnod ym Mongolia ym mis Medi 2011.

Bydd costau yn cael eu talu gan WYFSD, ond bydd angen codi rhywfaint o arian, a bydd hyn yn cael ei wneud gyda chymorth gweithwyr ieuenctid.

Bwriad y prosiect yw cynnwys pobl o bob cefndir, a rhoi cyfleoedd i bobl ifanc nad ydynt mewn addysg, hyfforddiant, na gwaith.

Cysyllta a'r WYFSD yn fuan os oes gen ti ddiddordeb fod yn rhan o'r prosiect!

Mae Anna Bullen ar gael ar 01970 871073 neu 07976918270, neu trwy ebostio anna@wyfsd.org

Mae Gwefan GwirVol Angen Chi!

Dan — 2011-01-03T00:00:00+00:00

Helo bobl,

Unrhyw syniadau – mawr neu fach – gyrrwch nhw i mi.

Gobeithio siarad gyda chi i gyd yn fuan

Cofion

- Dan

Mae’r ymgyrch wedi dechrau i chwilio am Hyrwyddwyr Newid Hinsawdd ar gyfer 2011

Michelle O'Neill — 2010-10-25T23:00:00+00:00

Bydd pob Hyrwyddwr yn llefarydd ar y newid yn yr hinsawdd yng Nghymru. Byddwch yn dangos i bobl yn eich ardal chi, a ledled Cymru, sut y gall pawb leihau eu hôl troed carbon, drwy siarad ag ystod o bobl trwy flogiau rhyngrwyd, eich colofnau newyddion eich hun a chymryd rhan mewn cyfweliadau ar y teledu a’r radio. Byddwch hefyd yn siarad mewn digwyddiadau yn eich ardal leol a ledled Cymru.

Os ydych chi’n 14-18 oed, beth am fod yn Hyrwyddwr Newid Hinsawdd a gwneud gwahaniaeth?

Bydd y gystadleuaeth yn cau ddydd Gwener 19 Tachwedd – ewch i www.cymruoltroedcarbon.gov.uk i gael rhagor o wybodaeth!

Menter Cymunedau a Natur Branching Out

LD — 2010-10-04T23:00:00+00:00

Pobl Ifanc yn rhoi hwb creadigol i'w cymunedau lleol!

Os ewch chi am dro i'ch Gwarchodfa Ymddiriedolaeth Bywyd Gwyllt leol heddiw, efallai cewch chi gipolwg ar 'fywyd gwyllt' na welir fel rheol yng Ngorllewin Cymru; llu o bobl ifanc yn ymwneud â gwaith gydag offer llaw traddodiadol. Mae pobl ifanc wedi bod yn gweithio mewn Gwarchodfeydd yn Llandeilo ac Aberteifi fel rhan o'r Prosiect Branching Out/Egin newydd, menter gan Tir Coed mewn partneriaeth ag Ymddiriedolaeth Bywyd Gwyllt De a Gorllewin Cymru. Mae'r rhaglenni gwirfoddoli, a ddechreuodd ym mis Gorffennaf eleni, yn gyfle i bobl ifanc ddysgu technegau gwaith coed gwyrdd traddodiadol ac adeiladu gyda choed er mwyn eu galluogi i adeiladu strwythurau, megis meinciau, byrddau picnic, cuddfannau i fywyd gwyllt a llochesau gwybodaeth i ymwelwyr ar gyfer y Gwarchodfeydd Natur godidog hyn. Mae'r grwpiau gwirfoddoli wedi bod yn cwrdd bob wythnos i wella eu sgiliau ac maent wedi gwneud dechrau da drwy ddylunio a gwneud eu cadeiriau gwialen eu hunain y byddant yn gallu mynd â nhw adref gyda nhw.

Caiff Branching Out/Egin ei ariannu'n rhannol gan Gronfa Ddatblygu Rhanbarthol Ewrop drwy Lywodraeth Cynulliad Cymru ac mae'n elfen o brosiect Cymunedau a Natur Cyngor Cefn Gwlad Cymru, sy'n gweithio i wella cyfleusterau i ymwelwyr mewn safleoedd naturiol yng Nghymru, gyda'r nod o gynyddu nifer yr ymwelwyr, a fydd maes o law yn cael effaith ar economïau lleol. Mae Tir Coed hefyd yn falch o fod wedi cael cyllid gan yr Ymddiriedolaeth Tudor, Cyngor Cefn Gwlad Cymru, yn ogystal â rhaglenni Gwirfoddolwyr y Mileniwm WCVA a GwirVol.

Mae'r Hyfforddwr Tir Coed, Jamie Miller, sy'n arwain y gwirfoddolwyr yn y ddwy Warchodfa, wedi gweld y ddau grŵp yn cael dechrau rhagorol.

"Nid yn unig y mae'r bobl ifanc yn gweithio i wella eu cymunedau lleol, ond maent hefyd yn ennill gwybodaeth am y sgiliau gwaith coed gwyrdd traddodiadol sydd, er eu bod wedi cael eu defnyddio am gannoedd o flynyddoedd, wedi dirywio dros y blynyddoedd diwethaf. Mae'r Prosiect Branching Out/Egin yn dod â phobl ifanc ynghyd i ddysgu sut mae gweithio gyda chod a chadw'r wybodaeth werthfawr hon yn fyw."

Bydd y Rhaglen Branching Out/Egin yn rhedeg yng Ngwarchodfeydd Corsydd Teifi a Castle Woods am y 6 mis nesaf; penllanw'r ddwy raglen fydd Diwrnodau Agored yn y Gwarchodfeydd, lle gall y gwirfoddolwyr ifanc arddangos eu gwaith i ymwelwyr. Yn Castle Woods, sy'n rhan o Ystad Dinefwr, cafwyd ymateb cadarnhaol iawn gan ymwelwyr â Gwarchodfa'r Ymddiriedolaeth Bywyd Gwyllt, yn ogystal â'r safle Ymddiriedolaeth Genedlaethol cyfagos. Dywedodd Carol Bailey, Gweithiwr Ystad yr Ymddiriedolaeth Genedlaethol,

"Mae Tir Coed wrth eu bodd â'r ymateb ac rwy'n meddwl y dylem ninnau fod hefyd, gan ei bod yn ymddangos bod ein hymwelwyr yn cael pleser mawr o'u gweld nhw yno a'u hagwedd agos atoch chi. Mae ymwelwyr wedi dangos llawer iawn o ddiddordeb yn y gwaith, gyda chynifer â 40 o ymwelwyr bob dydd yn holi, a hyd yn oed yn rhoi cynnig ar ddefnyddio rhai o'r offer llaw. ... rwyf yn ffyddiog bod hyn yn rhywbeth y dylem ei barhau gan ei fod yn amlwg yn fuddiol."

Os carai unrhyw un rhwng 16 a 25 oed gymryd rhan yn Rhaglen Branching Out/Egin, cysylltwch â Becky Hulme yn Tir Coed ar 01570 493224 neu becky-tircoed@fsmail.net. Fel arall, gallwch fynd i www.tircoed.org.uk i gael rhagor o wybodaeth.

Mae cynhadledd cyllido’r trydydd sector 2010

Anneka Roberts — 2010-09-29T23:00:00+00:00

Mae cynhadledd cyllido’r trydydd sector 2010 ar ei ffordd

Venue Cymru, Llandudno, 12 Hydref

Yn yr ‘oes o galedi’, a thoriadau eang mewn wˆp cyllid cyhoeddus eisoes yn brathu, bydd dod o hyd i’r adnoddau y mae eu hangen ar eich mudiad er mwyn iddo gynnal ei waith hanfodol yn fwy o her nag erioed. Gyda hyn mewn golwg, rydym wedi datblygu cynhadledd 2010 - prif ddigwyddiad cyllido Cymru - er mwyn gwella’ch sgiliau a’ch gwybodaeth a chynnig cymysgedd ehangach o gyfleoedd dysgu nag erioed o’r blaen.

Cliciwch yma i weld y rhaglen lawn a chliciwch yma i gael y ffurflen archebu.

Am fwy o wybodaeth am lety yn Llandudno, cysylltwch a eventsadmin@wcva.org.uk.

Chwaraeon Cymru

Anneka Roberts — 2010-09-29T23:00:00+00:00

250,000 O HYFFORDDWYR A GWIRFODDOLWYR WEDI’U DEWIS DROS GYMRU

Mae’n nod gan Chwaraeon Cymru i ddenu 10% o boblogaeth Cymru i ymwneud â hyfforddi chwaraeon a gwirfoddoli mewn chwaraeon erbyn 2016 – gan ddyblu’r nifer presennol o hyfforddwyr a gwirfoddolwyr i fod yn uwch nag erioed – bron i 250,000.

Dylai’r addewid yma alluogi pob unigolyn sy’n cymryd rhan mewn chwaraeon yng Nghymru i gael sylw gan hyfforddwr gyda sgiliau priodol, yn ôl y cynlluniau uchelgeisiol sydd wedi’u datgan gan Chwaraeon Cymru fel rhan o’r ymdrechion parhaus i gael pob plentyn i wirioni ar chwaraeon am oes a chreu cenedl o bencampwyr.

Dim ond rhai yw’r rhain o blith y dyheadau sydd wedi’u hamlinellu mewn Strategaeth Hyfforddi chwe blynedd a gafodd ei lansio gan y Gweinidog Treftadaeth, Alun Ffred Jones AC, yng Nghanolfan Chwaraeon Dŵr Genedlaethol Plas Menai yng Nghaernarfon heddiw.

Strategaeth gymeradwy Llywodraeth Cynulliad Cymru (LlCC) yw canolbwynt yr £1 miliwn ychwanegol o gyllid LlCC sydd wedi’i addo ar gyfer hyfforddi, cyhoeddodd y Gweinidog Treftadaeth. Mae hynny’n mynd â buddsoddiad hyfforddi blynyddol Chwaraeon Cymru i fwy na £5 miliwn.

Y nodau allweddol yn Strategaeth Hyfforddi Chwaraeon Cymru yw:

• 10% o oedolion Cymru’n ymwneud â hyfforddi a gwirfoddoli
• Pob hyfforddwr â chymwysterau priodol
• 100% o’r hyfforddwyr wedi’u hyfforddi i fod yn weithredol
• Pob hyfforddwr yng Nghymru i gael ei werthfawrogi, gyda chyfleoedd i ddatblygu fel mae’n dymuno.

Meddai Cadeirydd Chwaraeon Cymru, Yr Athro Laura McAllister:

“Rydym yn credu y bydd y strategaeth hon yn arwain at sicrhau bod hyfforddwr gyda sgiliau priodol ar gael i roi sylw i bob cyfranogwr mewn chwaraeon sydd eisiau derbyn hyfforddiant.

“Gweledigaeth Chwaraeon Cymru yw uno cenedl sy’n caru’r campau a’n nod yw cynyddu gweithgarwch corfforol a gwella safonau perfformiad. Rydym hefyd eisiau gweld pob plentyn yn gwirioni ar chwaraeon am oes a Chymru’n dod yn genedl o bencampwyr.

“Mae gan hyfforddi rôl allweddol i’w chwarae er mwyn cyflawni hyn, o gefnogi athletwyr elitaidd i ragori ar lwyfan y byd i annog cymunedau lleol i fod yn fwy heini a mwynhau chwaraeon; mae hyfforddwyr yn darparu’r ysbrydoliaeth a’r gefnogaeth ymarferol i sicrhau bod Cymru ar symud.”

Meddai’r Gweinidog Treftadaeth, Alun Ffred Jones,

"Mae hyfforddwyr a gwirfoddolwyr yn gwbl allweddol mewn chwaraeon o bob math. Maent yn gwneud gwahaniaeth mawr a does dim dwywaith ein bod angen rhagor yng Nghymru. Mae’n rhaid i ni gynyddu eu niferoedd a’u cefnogi’n briodol os ydym am fod yn genedl chwaraeon iachach a mwy llwyddiannus.

“Mae’n rhaid i ni sicrhau bod gan ein hyfforddwyr gymwysterau priodol a’u bod yn gallu gweithio gyda phlant yn ogystal ag athletwyr elitaidd; drwy gyfrwng ein dwy iaith genedlaethol ac ym mhob un o’n cymunedau ar hyd a lled Cymru.

"Rwy’n croesawu ac yn cymeradwyo uchelgais a dyheadau Chwaraeon Cymru ar gyfer hyfforddi yng Nghymru. Mae’r strategaeth hon yn darparu cyfeiriad a ffocws clir ar gyfer ein holl ymdrechion i greu system hyfforddi lwyddiannus ac effeithiol."

Mae pump y cant (113,000) o oedolion Cymru’n rhoi eu hamser ar hyn o bryd i hyfforddi neu wirfoddoli mewn chwaraeon. Mae Chwaraeon Cymru wedi rhoi nod iddo’i hun o ddyblu’r ffigwr hwnnw bron i 250,000 a byddai hynny’n cyfateb i 10% o boblogaeth gyfredol Cymru’n cynorthwyo ar y llinell ochr ac wrth ymyl y pwll ar hyd a lled y wlad.

Meddai McAllister:

“Rydym angen mwy o hyfforddwyr a gwirfoddolwyr. Mae pump y cant yn dda ond os ydym am weld pob plentyn yn cymryd rhan mewn chwaraeon, yna dydi hyn ddim digon da.

“Ac nid dim ond y nifer sy’n allweddol chwaith. Mae’n rhaid i ni sicrhau bod yr hyfforddwyr yn cael eu defnyddio yn y mannau iawn a’n bod yn eu cadw yn y system. Yn allweddol, rydym angen cefnogi eu datblygiad parhaus a meithrin diwylliant sy’n cydnabod ac yn gwerthfawrogi gwaith pwysig hyfforddwyr a gwirfoddolwyr mewn chwaraeon.”

Mae’r Strategaeth Chwaraeon yn cefnogi Strategaeth Chwaraeon Elitaidd Chwaraeon Cymru, a lansiwyd fis Mehefin ac sy’n pennu targedau uchelgeisiol ar gyfer ennill medalau yn ystod y chwe blynedd nesaf. Mae hefyd yn cyd-fynd â Creu Cymru Egnïol gan LlCC a Fframwaith Hyfforddi’r DG, sy’n cefnogi’r ymgyrch i ddenu mwy o hyfforddwyr a gwell hyfforddwyr.

Mae Chwaraeon Cymru’n disgwyl llawer o ddiddordeb mewn chwaraeon yn dilyn Gemau Olympaidd Llundain 2012 a Gemau Cymanwlad Glasgow 2014 ac mae’n cymryd camau yn awr i sicrhau bod digon o hyfforddwyr gyda chymwysterau priodol ar gael i fodloni’r galw am gyfranogiad yng Nghymru.

Mae hyfforddwyr a gwirfoddolwyr wedi bod yn ganolbwynt i ymgyrch Tu Ôl i Bob Seren Chwaraeon Cymru, sy’n dathlu’r gwaith caled a’r ymroddiad y mae hyfforddwyr a gwirfoddolwyr ar hyd a lled y wlad yn ei gyfrannu at y byd chwaraeon.

Mewn ymgais i ysbrydoli pobl Cymru i chwarae eu rhan, trodd y ffotograffydd llwyddiannus, Terry Morris, ei sylw at y byd chwaraeon gan dynnu lluniau un ar ddeg o arwyr chwaraeon Cymru ar hyn o bryd gydag un o’u hyfforddwyr mwyaf dylanwadol hyd yma.

Bydd ail ran yr ymgyrch yn canolbwyntio ar recriwtio gwirfoddolwyr a hyfforddwyr, gan annog ac ysbrydoli oedolion ar hyd a lled Cymru i gymryd rhan yn eu timau chwaraeon lleol. Mae Chwaraeon Cymru’n annog pobl i gofrestru i wirfoddoli yn www.tuolibobseren.org.uk.

Bydd yr arddangosfa ffotograffig deithiol yn cael ei harddangos ym Mhlas Menai tan 14 Medi, cyn symud ymlaen i Gampws Siopa Eagles Meadow yn Wrecsam ar 24 a 25 Medi ac yna gorffen yng Nghanolfan Siopa Festival Park, Blaenau Gwent ar 29 a 30 Hydref.

Am wybodaeth bellach, cysylltwch â Simon Grant, Swyddog CC gyda Chwaraeon Cymru ar 029 2033 8366 neu simon.grant@chwaraeoncymru.org.uk

Nodyn i Olygyddion:
Ymhlith y prif gyflawniadau yn y byd hyfforddi hyd yma mae:

• Rhwydwaith o Swyddogion Hyfforddi yn eu lle, yn ymroddedig i gynyddu a gwella safon yr hyfforddi yng Nghymru

• 22 o Gyrff Rheoli Cenedlaethol (CRhC) yng Nghymru wedi gweithredu Tystysgrif Hyfforddi’r DG, gan ddarparu cymhwyster hyfforddi cydnabyddedig a safonol ledled y DG

• 464 o diwtoriaid, aseswyr a dilyswyr wedi’u hyfforddi i gyflwyno addysg i hyfforddwyr

• Mae nifer y cyfleoedd hyfforddi y telir amdanynt wedi cynyddu drwy gyfrwng rhaglenni fel Coach Cymru a 5x60

• Ceir diwylliant cryf o bobl ieuainc yn ennill cymwysterau arwain, gyda 60% o’r holl ysgolion uwchradd yn cyflwyno cymwysterau arweinwyr chwaraeon yn awr i ryw 5,000 o bobl ieuainc bob blwyddyn

• Mae’r Cyrff Rheoli Chwaraeon Cenedlaethol yn hyfforddi cyfartaledd o 9,000 o hyfforddwyr bob blwyddyn

• Mae partneriaeth gyda sports coach UK yn galluogi Cyrff Rheoli Chwaraeon Cenedlaethol Cymru i dderbyn cefnogaeth ychwanegol i ddatblygu hyfforddiant.

Gynghorwyr Gwirfoddoli Ieuenctid Newydd

Powys - Richard Davies — 2010-08-09T23:00:00+00:00

Mae Judith D'Anna a Jean Garner wedi dechrau gwaith o PAVO am Gynghorwyr Gwirfoddoli Ieuenctid Newydd

Holiadur Gwirfoddoli Pobl Ifanc Gwynedd.

Gwynedd - Mirain Roberts — 2010-08-01T23:00:00+00:00

Ar ddiwedd 2009 fe yrrwyd Holiadur Gwirfoddoli Pobl Ifanc Gwynedd i nifer o glybiau, ysgolion a mudiadu ar draws Wynedd i geisio targedu pobl ifanc i roi eu barn ar wirfoddoli.

Fel abwyd i lenwi a dychwelyd yr holiadur roedd cyfle I chi gael rhoi eich enw mewn het; a chael y cyfle i ennill £50.

Enillydd lwcus yr £50 oedd Non Roberts o Drefor!

Fe gafodd Mirain Roberts, ein Swyddog Gwirfoddoli Ymysg Ieuenctid y cyfle i fynd draw i gyflwyno y wobr i Non yng Nghlwb Chware Teg yn Trefor. Daeth 509 o holiaduron i law, a 129 yn nodi ei bod yn awyddus i dderbyn mwy o wybodaeth am wirfoddoli. Roedd cwesiynnau yn yr holiadur am y rhesymau a’r rhwystrau i bobl ifanc wirfoddoli. Fe fydd y wybodaeth yma yn ddefnyddiol iawn ir Swyddog Gwirfoddoli Ymysg Ieuenctid I gael ceisio goresgyn rhwystrau pobl ifanc i fynd ati i wirfoddoli.

Dathliadau Wythnos Gwirfoddolwyr CAVO

Ceredigion - Catherine Derrick-Huge — 2010-07-20T23:00:00+00:00

Dathliadau Wythnos Gwirfoddolwyr CAVO

Mwynhaodd Cymdeithas Mudiadau Gwirfoddol Ceredigion (CAVO) wythnos lwyddiannus braf yn ei stondin yn Eisteddfod yr Urdd Llanerchaeron. Daeth nifer o bobl o wahanol oedran a diddordebau i ddarganfod rhagor amdanom a’r grwpiau gwirfoddol a ymunodd â ni yn ystod yr wythnos.

Dydd Iau 3 Mehefin, cynhaliwyd ein Seremoni Tlws Gwirfoddoli Ieuenctid yn stondin CAVO lle cyflwynodd Elin Jones AC dlysau i nifer o bobl ifanc i gydnabod eu cyfraniad. Derbyniodd Leah Hargreaves a Tim Davies eu Gwobr Rhagoriaeth 200 awr Gwirfoddolwyr y Mileniwm, y wobr uchaf a roddir i berson ifanc dan y cynllun. Terfynwyd y seremoni drwy ddathlu Tlws Cydnabyddiaeth Gwirfoddoli Ceredigion 2010 - Tlws Gwirfoddoli Ieuenctid (Dan 25 oed). Cafodd Becky Davies, sy’n gwirfoddoli i Amgueddfa Ceredigion ei dewis yn enillydd y categori gan banel annibynnol.

Daeth Wythnos Gwirfoddolwyr CAVO i ben gyda Seremoni Tlws Cydnabyddiaeth Gwirfoddoli a gynhaliwyd Dydd Llun 7 Mehefin pan gyflwynwyd tystysgrifau gan Rhodri Jones (CGGC) i wirfoddolwyr am y Tlws Gwirfoddolwyr y Flwyddyn CGGC. Bu Cadeirydd Cyngor Sir Ceredigion, y Cynghorwr Haydn Lewis, mor garedig â chyflwyno 15 tystysgrif i unigolion am eu gwaith gwirfoddoli diflino fel rhan o Dlws Cydnabyddiaeth Gwirfoddoli Ceredigion 2010. Rhoddwyd diolch arbennig i enillwyr y Tlws:

Tlws Gwirfoddoli (Dros 25 oed) Judith Walters - Geidiaid Ceredigion

Tlws Ymddiriedolwr Ian Williams - Grŵp CC Ystwyth

Tlws Mentor Anthony Cokeley - Ymddiriedolaeth y Tywysog

Hoffai CAVO dalu teyrnged i’r miloedd o wirfoddolwyr yng Ngheredigion sy’n cyfrannu cymaint i elusennau ac unigolion o fewn ein cymuned ac i ddiolch iddynt i gyd am eu hymdrechion a’u hamser.

Panel Grantiau

Powys - Deborah Gerrard — 2010-07-20T23:00:00+00:00

Cyfarfu’r Panel Grantiau dan Arweiniad Pobl Ifanc ddydd Iau 15 Mehefin a chymeradwywyd nifer o geisiadau. Yn rownd tri derbyniwyd llawer o geisiadau, gwerth dros £14,000.00. Mae cyfanswm ein cyllideb ychydig o dan £7,000.00, felly nid oedd modd i’r Panel gymeradwyo’r holl geisiadau a dderbyniwyd. Bydd datganiad i’r wasg yn cael ei gyhoeddi’n fuan.

Cynhadledd a Chyfarfod Cyfredinol Blynyddol

Funky Dragon — 2010-07-14T23:00:00+00:00

Mae Draig Ffynci, Cynulliad Plant a Phobl Ifanc Cymru’n cynnal eu Cyfarfod Cyffredinol Blynyddol (CCB) a Chynhadledd Flynyddol yng Nghaerdydd yng Ngorffennaf 2010. Mae Draig Ffynci’n sefydliad sy’n cael ei arwain gan bobl ifanc ac mae’n rhoi cyfle iddyn nhw leisio eu barn ar faterion sy’n effeithio arnyn nhw. Mae’r cyfle i gael gwrandawiad yn hawl sylfaenol dan Erthygl 12 o Gonfensiwn y Cenhedloedd Unedig ar Hawliau’r Plentyn (CCUHP). Mae’r digwyddiad yn agored i unrhyw berson ifanc rhwng 11 a 25 oed sy’n cynrychioli sefydliad pobl ifanc yng Nghymru. Mae’r CCB a’r Gynhadledd Flynyddol yn gyfle i gwrdd â gweinidogion Llywodraeth Cynulliad Cymru a thrafod gyda nhw, yn uniongyrchol, pa faterion sy’n effeithio arnat ti fel person ifanc a chanfod beth maen nhw’n bwriadu gwneud am y peth.

Mae’r Her Fawr

Beverley Mallett — 2010-07-05T23:00:00+00:00

Mae’r Her Fawr wedi lansio!

Mae cystadleuaeth yr Her Fawr bellach ar agor i bobl ifanc 16-25 oed.

Cyfle i ennill siâr o £65 000 ynghyd â chefnogaeth i sefydlu’ch prosiect cymunedol eich hun.

Bydd angen i’ch prosiect ysbrydoli pobl ifanc eraill yn ogystal â chynnwys gwirfoddolwyr, felly ewch ati i feddwl a chymryd rhan nawr!

Ewch i www.bigchallenge.org.uk i gael y manylion llawn, ac i gael y ffurflen gais ar-lein. Os nad yw’n berthnasol i chi, rhowch wybod amdano i rywun a fyddai â diddordeb.

DYCHMYGU, CYNNWYS, YSBRYDOLI
EICH TRO CHI!

Y dyddiad cau yw 6ed Gorffennaf 2010.

Mae’r Her Fawr yn gystadleuaeth sy'n cael ei harwain gan bobl ifanc, ac sy'n cael ei rhedeg gan UnLtd mewn partneriaeth â Changemakers. Noddir y gystadleuaeth gan Vodafone a V. Rydym yn rhan o Live UnLtd www.liveunltd.com, lle gallwch ddod o hyd i ragor o gyfleoedd tebyg ar gyfer pobl ifanc.

GwirVol and StreetGames

Anneka Roberts — 2010-06-30T23:00:00+00:00

Un, Dau, Tri, Ewch!

GwirVol a StreetGames yn cychwyn tymor yr haf drwy lansio grantiau chwaraeon!
Mae GwirVol wedi ymuno â StreetGames i ddarparu mwy o gyfleoedd gwirfoddoli ym maes chwaraeon mewn ardaloedd difreintiedig.

Nod cynllun grantiau newydd GwirVol yw rhoi hwb i’r nifer o bobl ifanc sy'n gwirfoddoli tra'n darparu mwy o gyfleoedd i wirfoddoli ym maes chwaraeon mewn cymunedau difreintiedig. Mae grant GwirVol StreetGames yn targedu gwirfoddolwyr 16-25 oed. Mae’r grantiau’n cynnig cyllid hyd at £2000 i helpu i ddatblygu rhaglenni strwythuredig i ddatblygu chwaraeon. Caiff unrhyw fath o weithgaredd gefnogaeth, o hoci neu bêl-droed i godi hwyl a sglefrio ar iâ! Mae grant GwirVol StreetGames yn cael pwyntiau ychwanegol o ran yr hyn a gynigir, gan nad cyllid yn unig y mae'r cynllun yn ei gynnig. Mae’r grantiau hefyd yn darparu mynediad at hyfforddiant, cefnogaeth a mentora ac maent hefyd yn cynnwys mynediad at wobrau a chymwysterau ar gyfer gwirfoddolwyr. Y gwobrau hyn yw’r Gwobrau Arweinwyr Chwaraeon Cymunedol, a Gwobrau Gwirfoddolwyr y Mileniwm. Nid oes pen draw i’r hyn y gall gwirfoddolwyr ei gyflawni gyda’r cynllun hwn. Mae GwirVol a StreetGames yn gwybod y bydd hyn yn cael effaith gadarnhaol ar gymunedau difreintiedig, gan fod y cynllun yn bwriadu mynd i’r afael â’r trafferthion sy’n bodoli i’r rhai sy’n hoff iawn o chwaraeon gael cyflawni’u potensial llawn yn yr ardaloedd difreintiedig hyn.

Y tîm sy’n cefnogi cynllun grantiau GwirVol Street Games yw’r Co-operative, Llywodraeth Cynulliad Cymru, Arweinwyr Chwaraeon y DU a Gworfoddolwyr y Mileniwm. Cafodd y grant GwirVol StreetGames ei lansio ym mis Mai, yn ystod Gwobrau Gwirfoddolwr Ifanc y Flwyddyn 2010 StreetGames y Co-operative, yn y Senedd, gan Brif Weinidog Cymru Carwyn Jones.

Meddai Leah Doherty, Cydlynydd GwirVol,

‘Mae hon yn bartneriaeth newydd gyffrous sy’n dod â chwaraeon a gwirfoddoli ynghyd. Rydym yn edrych ymlaen at gefnogi prosiectau drwy gyfrwng cyllid, mentora a chymwysterau a gaiff eu dwyn ynghyd gan ein partneriaid – ac rydym yn ysu am gael gweld beth y bydd cymunedau lleol yn ei ddatblygu.’

Meddai Prif Swyddog Gweithredol StreetGames, Jane Ashworth,

‘Mae gennym amryw o brosiectau chwaraeon cymunedol cyffrous ar waith yng Nghymru. Hyd yma, yn sgil y prosiectau hyn mae bron i 100 o wirfoddolwyr ifanc wedi rhoi dros 2,000 o oriau o’u hamser i helpu pobl ifanc i gymryd rhan mewn chwaraeon, gan ennill sgiliau a chymwysterau newydd eu hunain. Bydd y bartneriaeth newydd hon yn helpu i sicrhau y gallwn barhau i gynnig cyfleoedd gwych o'r fath ac ymgysylltu â phobl ifanc drwy gyfrwng chwaraeon.’

Sut i Ymgeisio

I bawb ohonoch sydd a’ch bryd ar fod fel Wayne Rooney, darllenwch sut y gallwch ddangos cerdyn coch i anobaith.

Gellir gwneud cais am grantiau yn awr.

Y dyddiad cau ar gyfer ceisiadau fydd 30ain Gorffennaf 2010. (Ni fydd ceisiadau a dderbynnir ar ôl y dyddiad hwnnw'n cael eu hystyried).

I gael mwy o wybodaeth a ffurflen gais cliciwch yma

IPeidiwch ag oedi. Mae amser yn brin i fachu un o’n grantiau! Rydym yn galw ar bob mudiad cymwys - un, dau, tri, YMGEISIWCH!

Grantiau Gwirfoddoli Ymhlith Pobl Ifanc – GwirVol Grantiau Gwirfoddoli Ymhlith Pobl Ifanc 2010-20

LD — 2010-06-16T23:00:00+00:00

Grantiau Gwirfoddoli Ymhlith Pobl Ifanc – GwirVol Grantiau Gwirfoddoli Ymhlith Pobl Ifanc 2010-2011

Cyfleoedd’ a ‘Hyrwyddo’

All eich mudiad annog mwy o bobl ifanc i wirfoddoli?

Mae Llywodraeth Cynulliad Cymru wedi darparu £420,000 trwy WCVA i gefnogi prosiectau a fydd yn ysgogi newid sylweddol yn nifer y bobl ifanc sy'n gwirfoddoli, ac amrywiaeth gwirfoddolwyr ifanc.

Nod cynllun newydd Grantiau Gwirfoddoli ymhlith Pobl Ifanc – GwirVol, yw cefnogi’r gwaith o ddarparu a hyrwyddo ystod eang o gyfleoedd gwirfoddoli newydd gan fudiadau trydydd sector yng Nghymru, yn enwedig i bobl ifanc dan anfantais. Mae pecynnau ymgeisio ar wahân ar gael ar gyfer grantiau ‘Cyfleoedd’ neu ‘Hyrwyddo’.

Pobl ifanc sy’n cael blaenoriaeth:

Mae’r cynllun grant yn ceisio rhoi blaenoriaeth i gyfleoedd gydag ystod eang o bobl ifanc (16 – 25 oed), ac ar eu cyfer, yn enwedig:

Pobl ifanc o gymunedau difreintiedig: yn benodol o ardaloedd Cymunedau yn Gyntaf a chymunedau pobl Ddu, Asiaidd a Lleiafrifoedd Ethnig
Pobl ifanc a chanddynt anableddau corfforol neu anableddau dysgu
Pobl ifanc rhwng 16 a 18 oed
Pobl ifanc nad ydynt yn derbyn addysg, hyfforddiant neu mewn cyflogaeth

Faint sydd ar gael?

‘Cyfleoedd’: hyd at £10,000 o nawdd prosiect ar gyfer gweithgareddau a fydd yn darparu amrywiaeth eang o brofiadau gwirfoddoli newydd ac arloesol ar gyfer pobl ifanc rhwng 16 a 25 oed – naill ai gyda'ch mudiad eich hun neu gyda mudiad arall.
‘Hyrwyddo’: bydd hyd at £5,000 o nawdd prosiect yn hyrwyddo gwirfoddoli ymhlith pobl ifanc rhwng 16 a 25 oed, ac ar eu cyfer, ee drwy ddigwyddiadau hyrwyddo, gwefannau, arddangosfeydd neu ymweliadau.

Rhaid i chi allu rhoi disgrifiad clir o sut y byddwch yn tynnu sylw pobl ifanc ac yn eu denu; yn enwedig y rheini sydd dan anfantais neu wedi'u heithrio; sut y byddwch yn mesur llwyddiant a sut y byddwch yn gwario’r arian.

Rhaid cwblhau’r holl brosiectau a rhoi cyfrif amdanynt erbyn 31 Mawrth 2012. Rhaid ad-dalu unrhyw nawdd sydd heb ei wario erbyn y dyddiad hwnnw.

Pryd gallwch wneud cais?

Rhaid i bob cais cyflawn ar gyfer y rownd hon, gyda phob dogfen ategol, ddod i law erbyn
16 Mehefin 2010 fan hwyraf. Ni ystyrir ceisiadau hwyr.

Gofynnir i’r ymgeiswyr anfon copi o fersiwn derfynol eich cais dros e-bost at GwirVol@wcva.org.uk os gwelwch yn dda, yn ogystal ag anfon copi caled wedi’i lofnodi, gan y bydd hyn yn ein cynorthwyo i brosesu eich cais cyn gynted ac mor effeithlon â phosibl. Rhaid i Swyddfa WCVA ym Mae Caerdydd dderbyn y copi caled wedi’i lofnodi erbyn 16eg Mehefin 2010.

Caerphilly 'n Wirfoddol Sector Camp Ddyfarniadau 2010

Caerphilly - Beverley Mallett — 2010-06-15T23:00:00+00:00

'n Blwyddiad Yn Gwirfoddoli Camp Ddyfarniadau ydy o achos bod afaeledig acha 'r 16th Mehefin Ty Penallta Chwnsel Bencadlys Ystrad Mynach. Caerphilly. Cawsom lawer enwebiadau eleni a 'r buddugwyr chan pob un category amlygir acha 'r nos. Ewyllysiwn hefyd bod yn anrhegu 'n hr Filflwyddiant Gwirfoddolwyr ag 'n hwy Ddyfarna chan Godidowgrwydd yn ystod 'r hwyr fel dathliad chan 'n hwy acheivement i mewn yn cyrhaeddyd 'n hwy 200 horiau The ddyfarniadau hwyr ydy a iawn 'n anad achlysura atom fel alluoga ni at ddiolch pawb 'r gwirfoddolwyr a anrhega 'n hwy amsera a egni yn cyfrannu at 'r chymdeithas a 'r 'n wirfoddol sector. 'i hefyd enables ni at hyrwydda 'r buddion chan yn gwirfoddoli at 'r aelodau chan 'r Caerphilly Sir Bwrdeistref drwo 'r chyfryngau a drwo 'r Sir Chwnsel Newsletters Unfortunately , dyma mo chyhoedd canlyniad a invitees ydy ond 'n abl at ddilyn.

Seremoni Flynyddol i Wobrwyo Llwyddiant Gwirfoddolwyr

Beverley Mallett — 2010-06-13T23:00:00+00:00

Mae ein Seremoni Flynyddol i Wobrwyo Llwyddiant Gwirfoddolwyr i’w chynnal ar 16eg Mehefin 2010 yn Tŷ Penallta, Pencadlys y Cyngor, Ystrad Mynach, Caerffili.

Rydym wedi cael nifer o enwebiadau eleni, a bydd enillwyr pob categori yn cael eu cyhoeddi ar y noson. Yn ystod y noson, byddwn hefyd yn rhoi Gwobr Rhagoriaeth i Wirfoddolwyr y Mileniwm 200 awr, i ddathlu’r ffaith iddynt lwyddo i gyrraedd y targed o wirfoddoli am 200 awr.

Mae’r seremoni wobrwyo yn achlysur arbennig iawn i ni, gan ei bod yn rhoi cyfle i ni ddiolch i’r holl wirfoddolwyr sy’n rhoi o’u hamser a’u hymdrech i gyfrannu at y gymuned a’r sector gwirfoddol. Mae hefyd yn rhoi cyfle i ni hyrwyddo buddion gwirfoddoli i aelodau Bwrdeistref Sirol Caerffili, drwy’r cyfryngau a drwy gylchlythyrau'r Cyngor Sir.

(Yn anffodus, nid yw’n ddigwyddiad cyhoeddus, a dim ond y rheini sy’n cael eu gwahodd gaiff fynychu.)

Wythnos Gwirfoddolwyr

Beverley Mallett — 2010-06-13T23:00:00+00:00

3ydd Mehefin - Young at Hearts

Aeth Wythnos Gwirfoddolwyr eleni yn dda iawn. Ar ddydd Iau 3ydd Mehefin, aethom i Gaffi Cymunedol lleol ar gyfer pobl dros 50 (Young at Hearts), lle buom yn helpu i weini te, cacennau a phrydau bwyd, a lle buom yn helpu i drefnu systemau'r swyddfa hefyd. Roedd cydlynwyr y mudiad wedi bod mor brysur yn rhedeg y caffi fel nad oeddent wedi cael cyfle i drefnu'r swyddfa mewn modd rhwydd i'w ddefnyddio ar ôl symud i'r adeilad newydd y maent ynddo nawr. Roedd Sian a Mandy, cydlynwyr y caffi cymunedol, mor fodlon â’n gwaith nes iddynt ofyn a allem ni ddychwelyd bob wythnos!

4ydd Mehefin - TARAGGAN

Ar ddydd Gwener 4ydd Mehefin, aethom i TARAGGAN am y diwrnod, sef “Campfa Werdd” cymunedol lleol. Enw’r prosiect, sydd wedi cael ei lansio’n ddiweddar, yw Gerddi Addysgol TARAGGAN (Meithrinfa a Champfa Werdd y Gymdeithas Tenantiaid a Thrigolion), sy’n ceisio rhoi cyfle i bobl o bob rhan o’r gymuned drawsnewid darn o dir. Bydd y rhandir yn rhoi cyfle gwych i bobl dyfu ffrwythau a llysiau, ac yn rhoi adnodd i bobl gyfuno gweithgaredd corfforol â gwella’u hamgylchedd lleol. Gwnaethom wirfoddoli ein hamser wrth baratoi’r tir a phlannu llwyni o amgylch y rhandir er mwyn denu'r llygad, yn ogystal ag atal fandaliaid rhag dod i mewn (maent yn bigog iawn). Roedd yn ddiwrnod poeth, a buom i gyd yn gweithio’n galed ac yn cael hwyl wrth gyflawni’r prosiect. Cawsom ddigon o ddiodydd i dorri'n syched, a chinio bendigedig, fel diolch am ein holl waith caled.

Gwirfoddolwyr Wythnos 2010

Caerphilly - Beverley Mallett — 2010-06-07T23:00:00+00:00

Eleni s Gwirfoddolwyr Wythnos went 'n sylweddol bydew. Acha Difiau 3rd Mehefin , ddilynasom a 'n lleol 50 Chymdeithas Caffe ( 'n Ieuanc am Brydiau whereby chyfnerthasom i maes ag yn gwasanaethu teas , cacennau a blodiau a hefyd cyfnerthedig at organise 'r swydd chyfundrefnau fel 'r coordinators am 'r drefniadaeth wedi bod fel 'n amrygyr yn hidlo 'r caffe a gwnaen mo ca chyfle at organise 'r swydd mewn ddefnyddiwr 'n gyfeillgar ffordd er yn chwimio at 'r 'n grai premises hwy 'n rhedegol feddianna. 'r coordinators chan 'r chymdeithas caffe were fel 'n ddiddig ag 'n egnïon a archan ai allasom adfer acha a 'n wythnosol sail! Acha Dydd Gwener 4th Mehefin , bwriasom 'r ddiwrnod am TARRAGAN , sy a 'n lleol chymdeithas " Gwyrdd Gym ". 'r brosiect a has 'n ddiweddar been launched alwir 'r TARAGGAN 'n Addysgol Erddi ( Ddeiliadon a Drigianwyr Chymdeithas Gwyrdd Gym a Feithrinfa ) a amcanion at alluoga boblogi chan pawb adrannau chan 'r chymdeithas at adena bisyn chan dirio a 'r chyfran safle ewyllysia arlwya ddelfryd achlysur at brifio aeronen a llysiau a arlwya glewder achos boblogi at chyfuna 'n anianyddol gweithgaredd ag yn gwella 'n hwy 'n lleol amgylchedd. Gwirfoddolasom 'n amsera i mewn yn arlwyo 'r dirio a yn plannu shrubs ar hyd 'r amfesur at actia fel an 'n atyniadol focal atalnoda ag 'r adiedig elwa chan yn atal fandaliaid chan yn cofnodi 'r safle ( iawn 'n bigog ). Bu a 'n boeth ddiwrnod a ni pawb gweithiedig 'n anawdd a had cellwair whilst yn cwblhau 'r brosiect a dderbyniedig digon chan yf refreshments a a 'n orwych lunch fel a ddiolch 'ch achos pawb 'n egnïon.

V

Neath Port talbot - Nigel Cram — 2010-06-03T23:00:00+00:00

Ffair Wirfoddoli

Neath Port talbot - Nigel Cram — 2010-06-03T23:00:00+00:00

Mae Cyngor Gwirfoddol Sirol Castell-nedd Port Talbot yn cynnal Ffair Wirfoddoli yng Nghanol Tref Castell-nedd ar ddydd Gwener 4ydd Mehefin o 11am tan 3pm. Bydd y cwmnïau â stondinau yn y digwyddiad yn cynnwys MIND Castell-nedd Port Talbot; Tîm Troseddau Ieuenctid; Barnardo’s; yr Ymddiriedolaeth Genedlaethol; y Gronfa Cyfleoedd Ieuenctid a llawer mwy. Bydd yna wobrau, tîm radio lleol a gweithgareddau megis peintio wynebau a helfa drysor.

Digwyddiad Cyswllt Cyflym ar gyfer Gwirfoddoli

Blaenau Gwent - Sian Sweet — 2010-06-02T23:00:00+00:00

Mae GAVO wedi trefnu ffordd hwyliog o roi gwybod i unrhyw un sydd â diddordeb mewn gwirfoddoli am rai o’r cyfleoedd cyffrous sydd ar gael ym Mlaenau Gwent a thu hwnt.

Cynhelir y digwyddiad ar Fehefin 3ydd 2010 yn Ysgol Gyfun Glyn Ebwy i ddechrau am 11am hyd at 3.30pm gydag egwyl i’r mudiadau rhwng 12.45 a 1.45pm. Cynhelir sesiwn galw heibio arbennig rhwng 4pm a 6pm rhag ofn na allwch fod yno yn ystod y dydd.

Mae bod yn wirfoddolwr yn ffordd wych o roi i’r gymuned a dysgu sgiliau newydd ac yn y rhan fwyaf o achosion ni fydd yn effeithio ar unrhyw gymorth ariannol rydych yn ei hawlio ni waeth am faint o oriau rydych yn gwirfoddoli. Felly, os yw hwn yn swnio fel rhywbeth y byddai gennych ddiddordeb ynddo, pa un a ydych yn chwilio am wirfoddolwyr neu â diddordeb mewn bod yn wirfoddolwr, yna cysylltwch â ni ar (01495) 315626 neu anfonwch e-bost at sinead.evans@gavowales.org.uk amanda.newman@gavowales.org.uk sian.sweet@gavowales.org.uk

Dathliadau Wythnos Gwirfoddolwyr CAVO

Anneka — 2010-06-02T23:00:00+00:00

Dathliadau Wythnos Gwirfoddolwyr CAVO

Dydd Iau 3 Mehefin, cynhaliwyd ein Seremoni Tlws Gwirfoddoli Ieuenctid yn stondin CAVO lle cyflwynodd Elin Jones AC dlysau i nifer o bobl ifanc i gydnabod eu cyfraniad. Derbyniodd Leah Hargreaves a Tim Davies eu Gwobr Rhagoriaeth 200 awr Gwirfoddolwyr y Mileniwm, y wobr uchaf a roddir i berson ifanc dan y cynllun.
Terfynwyd y seremoni drwy ddathlu Tlws Cydnabyddiaeth Gwirfoddoli Ceredigion 2010 - Tlws Gwirfoddoli Ieuenctid (Dan 25 oed). Cafodd Becky Davies, sy’n gwirfoddoli i Amgueddfa Ceredigion ei dewis yn enillydd y categori gan banel annibynnol.

Tlws Gwirfoddoli (Dros 25 oed)
Judith Walters - Geidiaid Ceredigion

Tlws Ymddiriedolwr
Ian Williams - Grŵp CC Ystwyth

Tlws Mentor
Anthony Cokeley - Ymddiriedolaeth y Tywysog

Hoffai CAVO dalu teyrnged i’r miloedd o wirfoddolwyr yng Ngheredigion sy’n cyfrannu cymaint i elusennau ac unigolion o fewn ein cymuned ac i ddiolch iddynt i gyd am eu hymdrechion a’u hamser.

Wythnos Gwirfoddolwyr

LD — 2010-05-31T23:00:00+00:00

Cynhelir wythnos flynyddol y Gwirfoddolwyr am y chweched tro ar hugain rhwng 1af a 7fed Mehefin. Cadwch olwg ar y tudalennau digwyddiadau i gael gwybodaeth am ddigwyddiadau a gweithgareddau sy’n digwydd yn eich ardal chi.

GwirVol a StreetGames yn lansio grantiau chwaraeon

LD — 2010-05-31T23:00:00+00:00

Mae cynllun yng Nghymru sy’n ceisio cynyddu nifer y bobl ifanc sy’n gwirfoddoli wedi ymuno ag elusen sy’n datblygu chwaraeon yn y DU er mwyn helpu i ddarparu mwy o gyfleoedd gwirfoddoli ym myd chwaraeon mewn cymunedau difreintiedig.

Cyngor Gweithredu Gwirfoddol Cymru (WCVA) fydd yn rheoli cynllun grantiau newydd GwirVol StreetGames, ac fe'i cefnogir gan Chwaraeon Cymru a Gwirfoddolwyr y Mileniwm. Cafodd y cynllun ei lansio gan Carwyn Jones, Prif Weinidog Cymru, yn y Senedd ddydd Mercher 26 Mai, yn ystod Gwobrau Gwirfoddolwr Ifanc y Flwyddyn 2010 Menter Gydweithredol StreetGames.

Bwriad y grantiau, sydd werth hyd at £2,000 yr un, yw helpu i ddatblygu rhaglenni chwaraeon strwythuredig mewn cymunedau difreintiedig drwy gynnwys pobl ifanc rhwng 16 a 25 oed fel gwirfoddolwyr.

Yn ogystal â chyllid, bydd y prosiectau hefyd yn cynnig mynediad at hyfforddiant, cefnogaeth a mentora, ynghyd â chymwysterau, gan gynnwys Gwobrau Arweinwyr Chwaraeon Cymunedol a gwobrau cydnabod megis Gwobr Gwirfoddolwyr y Mileniwm.

Bydd y grantiau’n helpu mudiadau i gynnig cyfleoedd sy’n gosod her i bobl ifanc, yn ateb eu dyheadau ac yn ychwanegu gwerth at eu cymunedau. Bydd chwaraeon o bob math yn cael cefnogaeth, o bêl-droed i ddawnsio!

‘Mae hon yn bartneriaeth newydd gyffrous sy’n dod â chwaraeon a gwirfoddoli ynghyd,’ meddai Leah Doherty, Cydlynydd GwirVol. ‘Rydym yn edrych ymlaen at gefnogi prosiectau drwy gyfrwng cyllid, mentora a chymwysterau a gaiff eu dwyn ynghyd gan ein partneriaid, ac yn ysu am gael gweld beth y bydd cymunedau lleol yn ei ddatblygu.’

Yn ôl Jane Ashworth, Prif Weithredwr StreetGames: ‘Mae gennym amryw o brosiectau chwaraeon cymunedol cyffrous ar waith yng Nghymru. Hyd yma, yn sgil y prosiectau hyn mae bron i 100 o wirfoddolwyr ifanc wedi rhoi dros 2,000 o oriau o’u hamser i helpu pobl ifanc i gymryd rhan mewn chwaraeon, gan ennill sgiliau a chymwysterau newydd eu hunain.

‘Bydd y bartneriaeth newydd hon yn helpu i wneud yn siŵr y gallwn barhau i gynnig cyfleoedd gwych o'r fath ac i ymgysylltu â phobl ifanc drwy gyfrwng chwaraeon.’

Pryd y gallaf wneud cais?

Bydd y grantiau ar gael o 30 Mehefin 2010 ymlaen.

Faint sydd ar gael?

Mae hyd at £2,000 o gyllid ar gael i bob prosiect. Rhoddir y grantiau i brosiectau sy’n cynnwys pobl ifanc o gymunedau difreintiedig.

I gael rhagor o wybodaeth ac i gael gwybod sut mae gwneud cais am grantiau GwirVol StreetGames, ewch i www.GwirVol.org neu cysylltwch â Caro Wild yn StreetGames caro.wild@streetgames.org.

Pob math o Wirfoddoli!

Vale of Glamorgan - Rachel Oldman — 2010-05-27T23:00:00+00:00

Pob math o Wirfoddoli!

Wythnos y Gwirfoddolwyr 1 – 7 Mehefin 2010 Mae Wythnos y Gwirfoddolwyr yn ddigwyddiad blynyddol sy’n dathlu’r cyfraniad rhyfeddol a wneir gan filiynau o wirfoddolwyr ym mhob rhan o’r DU. Mae’r Wythnos yn gwneud cyfraniad pwysig i godi proffil y miliynau o wirfoddolwyr sy’n gwneud eu rhan yn rheolaidd i helpu eu cymdeithas, gan ysbrydoli eraill i gymryd rhan hefyd.

Yma yng Nghanolfan Gwirfoddol y Fro, yr ydym yn deall pwysigrwydd y rhan y mae gwirfoddolwyr yn ei chwarae ym mhob agwedd ar fywyd ein cymuned leol, nid yn unig y mae gwirfoddoli o fudd i’r gymuned leol, ond mae o fudd i’r gwirfoddolwr hefyd. Mae Wythnos y Gwirfoddolwyr yn gyfle i ni ddiolch o galon i’r holl wirfoddolwyr ym Mro Morgannwg sy’n rhoi o’u hamser er mwyn achos da. Mae’r gwirfoddolwyr hyn hefyd yn cael profiadau gwerthfawr yn eu gwaith, a all eu helpu i ddilyn yr yrfa o’u dewis, yn ogystal â chael cyfle i gwrdd â phobl newydd, i ddysgu sgiliau newydd, magu hyder a hyd yn oed symud ymlaen i waith cyflogedig. Mae gwirfoddoli’n rhywbeth buddiol dros ben i’r gwirfoddolwyr sy’n cymryd rhan, dyma beth oedd gan rai o wirfoddolwyr y Fro i’w ddweud am eu profiadau;

“Yr wyf wedi bod yn gwirfoddoli ers 20 mis. Yr wyf wedi bod yn gyfrifol am lawer o ddyletswyddau gwahanol fel ffeilio, llungopïo, ateb y ffôn a gwaith ar y gronfa ddata. Yr wyf yn teimlo bod y gwaith wedi fy ngwneud yn fwy hyderus ac wedi gwella fy sgiliau a fy mhrofiad mewn gwaith swyddfa. Yr wyf bellach mewn swydd amser llawn, a gwirfoddoli sydd wedi rhoi’r hyder i mi i gyflawni hyn.” Gwirfoddolwr mewn Swyddfa

“Yr wyf yn fam i dri o blant ac yn gweithio’n llawn amser... yr wyf yn gwirfoddoli mewn maes mae gennyf ddiddordeb mawr ynddo a manteisiais ar y cyfle i wneud rhywbeth na fuaswn yn cael cyfle i’w wneud fel arall. Dim ond ychydig oriau'r wythnos mae’n ei gymryd ac mae’n ddigon hyblyg i’w wneud ochr yn ochr â fy ngalwadau eraill.” Gwirfoddolwr Cymorth Cyntaf

“Yr oedd bod yn ddi-waith yn brofiad diflas iawn, a thrwy wneud gwaith gwirfoddol rwyf yn teimlo bod fy agwedd yn fwy positif a fy mod yn fwy brwd dros bethau. Mae’n braf cael defnyddio fy egni i wneud rhywbeth positif, ac mae hefyd yn rhoi trefn ar fy niwrnod. Mae gweithio i gyflawni’r oriau i ennill tystysgrif Gwirfoddolwr y Mileniwm yn gymhelliad arall. Yr wyf wedi gosod nod i mi fy hun o gyrraedd 200 awr o waith gwirfoddol. Rwyf yn credu y byddai hynny’n rhywbeth gwerth ei roi ar fy CV.” Gwirfoddolwr mewn Siop

“......Rwyf wedi bod yn gwirfoddoli ers tua 6 mis bellach. Rwyf yn mwyhau gwirfoddoli gan ei fod yn gyfle i mi gwrdd â phobl newydd, i ddysgu sgiliau newydd ac mae’n ffordd o wneud rhywbeth positif â fy amser. Gobeithio y bydd y profiad yn help i mi ddod o hyd i waith cyflogedig.”

Gwirfoddolwr sy’n gwneud Gwaith Gweinyddol Pam na fanteisiwch chi ar y cyfle yn ystod Wythnos y Gwirfoddolwyr i holi am y cyfleoedd i wirfoddoli yn eich ardal leol. Yma yng Nghanolfan Gwirfoddol y Fro, mae gennym staff cyfeillgar wrth law a all eich helpu i ddod o hyd i gyfle sy’n addas i chi.

Mae ein swyddfa yn 34 Heol Holton, y Barri ar agor rhwng 10am a 4pm, o ddydd Llun i ddydd Gwener. Os nad yw’n gyfleus i chi ddod i’r Barri, yr ydym yn cynnal sesiynau lleol ledled Bro Morgannwg gan ddod â gwasanaethau’n swyddfa atoch chi – mae’r manylion ar gael ar ein gwefan. Am ragor o wybodaeth ffoniwch Canolfan Gwirfoddol y Fro ar 01446 421782 neu ewch i’n gwefan newydd yn www.vvb.org.uk.

Dathlu Wythnos Gwirfoddolwyr yn Eisteddfod yr Urdd, Ceredigion

Ceredigion - Catherine Derrick-Huge — 2010-05-24T23:00:00+00:00

Mae Wythnos Gwirfoddolwyr yn ddigwyddiad blynyddol sydd yn dathlu’r cyfraniad rhyfeddol mae miliynau o wirfddolwyr yn gwneud ar draws y DU. Mae’r wythnos, sy’n rhedeg o’r 1af-7fed Mehefin, yn chwarae rhan enfawr yn codi proffil miliynau o wirfoddolwyr sydd yn cyfrannu at gymdeithas yn rheolaidd, gan ysbrydoli eraill hefyd i weithredu. Fydd Cymdeithas Mudiadau Gwirfoddol Ceredigion (CAVO) yn dathlu Wythnos Gwirfoddolwyr eleni ar faes Eisteddfod yr Urdd, yn Llanerchaeron rhwng Dydd Llun 31ain Mai a Dydd Sadwrn 5ed Mehefin 2010. Dywedodd Hazel Lloyd Lubran, Prif Weithredwr CAVO “I ni’n edrych ymlaen at wythnos lawn yn cynnig y cyfle i nifer o fudiadau cymunedol a gwirfoddol arddangos ei gwaith ar ein stondin. Fydd Cyngor yr Henoed, Prosiect Dyslecsia Cymru, Estyn Llaw, Canolfan Teuluol Llambed, Ffagl Gobaith, Undeb Credyd CredCer, Cymdeithas Alzheimer’s, Girlguiding Ceredigion, Sgowtiaid Ceredigion a Chanolfan Teulu Jigso i gyd yn ymuno gyda ni ar adegau gwahanol yn ystod yr wythnos - dewch draw i ymweld â ni ar Stondin CAVO.” Fydd Canolfan Gwirfoddoli CAVO hefyd yn cynnal dau ddigwyddiad yn ystod Wythnos Gwirfoddolwyr i anrhydeddu cyfraniad gwirfoddolwyr sydd wedi gwneud cyfraniad arbennig yn eu cymuned ac sydd wedi gwneud gwir wahaniaeth iddyn nhw ag eraill Ngheredigion. Fydd Seremoni Tlws Gwirfoddolwyr Ifanc yn cael ei gynnal ar stondin CAVO yn Eisteddfod yr Urdd ar Ddydd Iau 3ydd Fehefin am 2yp. Fydd enillydd categori Tlws Gwirfoddoli Ieuenctid (Dan 25) yn cael eu cyhoeddi ynghyd a’r gwirfoddolwyr ifanc sydd wedi ennill gwobrau o dan Gynllun Gwirfoddolwyr y Mileniwm. Fydd Seremoni Tlws Cydnabyddiaeth Gwirfoddoli Ceredigion 2010 yn cael ei gynnal ar Ddydd Llun 7fed o Fehefin yn Neuadd Gymunedol Ysgol Gyfun Aberaeron i gydnabod ag i ddathlu’r cyfraniad mae gwirfoddolwyr wedi gwneud yng Ngheredigion a llongyfarch yr enillwyr yn y categorïau canlynol; 1. Tlws Gwirfoddoli (Dros 25) 2. Tlws Mentor (cefnogi cyd-wirfoddolwyr) 3. Tlws Ymddiriedolwr

Ddosbarthiadau meistr tendro

Wales Council for Voluntary Action(WCVA) — 2010-04-19T23:00:00+00:00

Rhowch hwb i’ch siawns o ennill contractau

Mae WCVA, mewn partneriaeth â DHRinterim, yn cynnal cyfres beilot o ddosbarthiadau meistr tendro ledled Cymru. Bydd y gweithdai “skill-builder” ½ diwrnod dwys hyn yn canolbwyntio ar wella sgiliau ymarferol a gwybodaeth mudiadau gwirfoddol a chymunedol yng Nghymru, sy’n gweithio mewn meysydd iechyd a gofal cymdeithasol, neu gweithgarwch economaidd / bod heb waith. Mae’r gweithdai wedi’u hanelu at yr unigolion a’r mudiadau hynny sydd eisoes yn gyfarwydd â thendro, y rhai hynny sydd wedi ymgymryd â lefel o weithgarwch tendro ac sydd wedi gweld angen i gynyddu eu sgiliau a’u gallu.

Bydd ‘Strwythuro ac Ysgrifennu Tendrau Cystadleuol’ yn edrych ar becynnau cymorth a thechnegau i wella’ch siawns o lwyddo gyda’ch tendr.

20 Ebrill 2010, Y Rhyl

21 Ebrill 2010,Caerfyrddin

Bydd ‘Cyflwyniadau Tendrau Cystadleuol’ yn edrych sut ddylid cyflwyno bid effeithiol a chynnig profiad uniongyrchol o fynd ati i ‘werthu’ eich tendr drwy roi bywyd iddo.

5 Mai 2010, Caerfyrddin

6 Mai 2010, Y Rhyl

Am wybodaeth bellach, gwelwch www.sustainablefundingcymru.org.uk/events

Wythnos ar ol i enwebu eich Gwirfoddolwr y Flwyddyn

LD — 2010-04-15T23:00:00+00:00

Yn 2009, cafwyd dros 200 o enwebiadau ar gyfer y pum categori, sydd wedi’u dewis er mwyn adlewyrchu’r amrywiaeth o gyfleoedd gwirfoddoli sydd ar gael yng Nghymru. Yn ogystal â chydnabod unigolion, pobl ifanc (dan 25 oed) a grwpiau, mae'r cynllun hefyd yn gwobrwyo gwirfoddolwyr ac ymddiriedolwyr 'gwyrdd'.

Ceir hyd at dri enillydd ymhob categori, sy’n arwain at 15 enillydd cenedlaethol, a bydd yr enillwyr yn cael eu gwobrau mewn seremoni yng Nghastell Caerdydd ar 10 Mehefin, a bydd pawb a enwebir yn derbyn tystysgrifau clod mewn seremoni leol neu drwy’r post.

I enwebu, ewch i www.wcva.org.uk/voty neu galwch Lein Gymorth WCVA ar 0800 2888 329.

St John Cymru yn dychwelyd i Zambia

LD — 2010-04-11T23:00:00+00:00

St John Cymru yn dychwelyd i Zambia

Mae grŵp o aelodau ifanc Sant Ioan Cymru wedi dychwelyd o Zambia lle y dysgasant sgiliau cymorth cyntaf sy’n achub bywydau i’r nifer uchaf erioed o bobl.

Fe wnaeth y gwirfoddolwyr, rhwng 17 a 22 oed, hedfan i Dde Affrica ar Fawrth 7 gyda phedwar oedolyn oedd yn aelod – wedi’u harfogi â chyfoeth o wybodaeth cymorth cyntaf ac offer gwerth miloedd o bunnoedd.

Dysgasant gymorth cyntaf i bron i 5,000 o bobl ym mhrifddinas Zambia, Lusaka - pedair gwaith yn fwy na’r nifer y dysgasant yn ystod taith y llynedd.

Fe ddysgodd athrawon, plant ysgol a’r heddlu sgiliau a all achub bywyd mewn argyfwng.

Fe ofynnodd yr awdurdodau yn Zambia bod eu heddlu yn dysgu sgiliau cymorth cyntaf a oedd yn canolbwyntio ar beth i’w wneud mewn gwrthdrawiad traffig ffyrdd, a sut i amddiffyn eu hunain tra byddent ar ddyletswydd.

Ymwelsant â 12 ysgol a rhoi mwy na £3,500 o offer cymorth cyntaf i Sant Ioan Zambia a’u helpodd i roi cyfarpar yn eu hunig ambiwlans.

Ar ôl cyrraedd yn y Deyrnas Unedig ddoe (Mawrth 18), fe ddywedodd Caroline Whittaker, arweinydd tîm y grŵp, ei fod yn brofiad gostyngedig a newidiodd ei bywyd.

Dywedodd: “Yr oedd yn brofiad hyfryd, ac mae pob aelod ifanc o Sant Ioan nid yn unig wedi dysgu am hyder, ond hefyd am eu hunain. Yr oedd yn brofiad anhygoel i bob un ohonynt. Yr oedd yr aelodau ifanc yn llysgenhadon ardderchog i Sant Ioan Cymru.”

Dywedodd ei bod yn falch iawn bod y tîm wedi gallu dysgu cymorth cyntaf i’r nifer uchaf o bobl Zambia.

“Fe wnaeth dau o’r unigolion ifanc ddysgu cymorth cyntaf i 680 o bobl mewn un diwrnod, sy’n anhygoel. Gweithiodd pawb yn galed iawn. Bydd y sgiliau’n helpu miloedd o bobl yn Zambia i fod yn hyderus ac yn barod i ymdrin ag argyfwng,” dywedodd Ms Whittaker.

Ni fyddai’r ymweliad wedi bod yn bosib heb roddion hael gan GwirVol, Ymddiriedolaeth Bower ac ymdrechion lleol i godi arian.

Er bod gofal iechyd yn Zambia yn awr am ddim, mae’r galw am y clinigau yn llethol, ac mae gweithwyr proffesiynol yn cael trafferth ymdrin â’r sefyllfa. Mae gan y wlad un meddyg am bob 14,000 o bobl, o’i chymharu ag un i bob 600 yn y Deyrnas Unedig. Mae dau draean o’r boblogaeth yn byw ar lai nag un ddoler fesul diwrnod, ac mae un mewn chwech o blant yn marw cyn eu pen-blwydd yn bump oed.

‘GWIRFODDOLWYR Y MILENIWM’ YN GWEITHIO 200 O ORIAU AR FFERM DENMARK!

LD — 2010-04-11T23:00:00+00:00

‘GWIRFODDOLWYR Y MILENIWM’ YN GWEITHIO 200 O ORIAU AR FFERM DENMARK!

Yn ddiweddar, mae dwy fenyw ifanc leol wedi cyflawni camp a hanner ac wedi cael dyfarniadau rhagoriaeth am eu hymrwymiad parhaus i weithgarwch gwirfoddol yng Nghanolfan Gadwraeth Fferm Denmark, ger Llanbedr Pont Steffan.

Dechreuodd Marion De Klein a Becky Sheldon wirfoddoli gydag Ymddiriedolaeth Shared Earth yn ystod haf 2008. Ymddiriedolaeth Shared Earth sy’n rheoli prosiect cadwraeth unigryw Fferm Denmark, sy’n gwneud gwaith arloesol i adfer bioamrywiaeth yn y tiroedd sy’n cael eu ffermio yng nghefn gwlad Prydain. Mae’r cynllun 'Gwirfoddolwyr y Mileniwm' hwn, sydd wedi galluogi Marion a Becky i wirfoddoli, yn cael ei reoli gan Tir Coed. Mae’r elusen Tir Coed, sydd hefyd wedi'i lleoli ar Fferm Denmark, yn gweithio gyda phobl ifanc sydd wedi ymddieithrio ac o dan anfantais gymdeithasol, gan ddefnyddio coetiroedd Cymru fel adnodd ar gyfer addysg a datblygiad. Llofnodwyd y tystysgrifau gan Rhodri Morgan, Prif Weinidog Cymru, i gofnodi eu llwyddiant am wirfoddoli am 200 o oriau.

Cafodd Marion, 23 oed o Lwyn y groes, amser anodd yn yr ysgol ac mae hi wedi ei chael yn anodd iawn cael gwaith ers hynny. A hithau’n chwilio am ffordd o gyfarfod pobl a dysgu sgiliau newydd, aeth i ymweld â Chymdeithas Mudiadau Gwirfoddol Ceredigion (CAVO), a soniodd wrthi am y diwrnodau cadwraeth i wirfoddolwyr a gynhelid bob mis gan Ymddiriedolaeth Shared Earth. Mae Fferm Denmark wedi galluogi Marion i ffynnu ac erbyn hyn mae hi'n cymryd rhan mewn amrywiaeth eang iawn o weithgareddau yn rheolaidd, gweithgareddau fel: rheoli coetiroedd, crefft coed, garddio, helpu yn y caffi yn ystod Diwrnodau Agored a gwaith cynnal a chadw cyffredinol ar y safle. Dywedodd Marion “Mi fydda i wrth fy modd yn helpu i wneud yn siŵr bod pawb yn gallu cael y gorau o Fferm Denmark, ac yn falch o roi rhywbeth yn ôl i’r amgylchedd.” Dywedodd Kitty Rowe, mam Marion, “Pan fydd Marion yn dod adref o Fferm Denmark mae hi bob amser yn hapusach o lawer a gallaf weld ei hyder yn codi. Mae mwy o bosibiliadau i Marion yn awr. Doedd hi ddim yn gallu ymgeisio am swyddi go iawn o’r blaen, ond mae hi'n gallu gwneud hynny erbyn hyn ac mae hi'n gallu manteisio ar fwy o gyfleoedd."

Mae gan Becky, sydd hefyd yn 23 a bellach yn byw yn Llangybi, lawer o ddiddordeb yn yr amgylchedd ac fe ddaeth i Fferm Denmark pan oedd hi’n ei chael yn anodd dod o hyd i waith yn lleol. Mae hi wedi dal ati i gyfrannu drwy gynorthwyo grwpiau cymunedol i gymryd rhan mewn gweithgareddau amgylcheddol a helpu i baratoi deunyddiau hyrwyddo. Mae Becky yn gweithio eto erbyn hyn ac mae hi’n gobeithio y bydd yr hyfforddiant a’r sgiliau gwerthfawr mae hi wedi'u cael ar Fferm Denmark yn ei galluogi i ddod o hyd i waith yn y dyfodol, a hynny yn yr ardal hon sydd mor agos at ei chalon. Yn ôl Becky, “Mae gwirfoddoli ar Fferm Denmark yn ffordd greadigol iawn o gyfrannu at fy nghymuned ac o gael rhywbeth yn ôl hefyd. Mae wedi fy helpu i gredu fy mod i’n gallu gwneud mwy”.

Ymwelodd Mark Williams (AS) â Fferm Denmark ddydd Gwener 27ain Tachwedd i gael gwybod mwy am waith Ymddiriedolaeth Shared Earth. Yn ystod y daith hon, roedd Mark yn falch o gyflwyno ei thystysgrif i Marion.

Os hoffai unrhyw un gael rhagor o wybodaeth am Ymddiriedolaeth Shared Earth a Fferm Denmark, cysylltwch â: info@shared-earth-trust.org.uk / 01570 493358.

Neud e i Gaerdydd

Cardiff - Ana Escurin — 2010-03-30T23:00:00+00:00

Rhowch ac mi gewch. Gwirforddolwch. www.gwirfoddolicymru.net

North/South Preparation

UNA Exchange — 2010-03-27T00:00:00+00:00

Diwrnod paratoi ar gyfer y sawl sydd â diddordeb mewn gwirfoddoli mewn gwlad ddatblygol.

Grant Dan Arweiniad Pobl Ifanc – Gwirvol 2010-11

Gwynedd - Mirain Roberts — 2010-03-22T00:00:00+00:00

Ar gyfer 2010-11 mae Canolfan gwirfoddoli Gwynedd wedi derbyn £8,500 o grant i’w rannu i grwpiau ar gyfer creu rhagor o gyfleoedd gwirfoddoli i bobl ifanc yng Ngwynedd.

AMSERLEN. Pecyn Cais ar gael NAWR Dyddiad Cau

4 ROWND YN YSTOD 2010-11 ** 21ain o Fai 2010 ** ** 1af o Hydref 2010 ** ** 30ain o Dachwedd 2010 ** ** 31ain o Ionawr 2011 **

Hysbysu ymgeiswyr llwyddiannus o fewn pythefnos ir dyddiad cau.

Rhaid gwario’r arian grant erbyn 31ain Mawrth 2011. Am becyn cais a rhagor o wybodaeth cysylltwch â Mirain Roberts yn Mantell Gwynedd ar (01286) 672626 neu ei e-bostio -mirain@mantellgwynedd.com.

Cannoedd o wirfoddolwyr wedi’u henwebu ar gyfer gwobrau yng Nghymru

LD — 2010-03-16T00:00:00+00:00

Mae disgwyl i gannoedd o wirfoddolwyr sy’n gweithio mewn cymunedau ledled Cymru gael eu henwebu ar gyfer gwobrau mewn cynllun cenedlaethol arbennig.

Bydd oedolion, pobl ifanc a grwpiau sy’n rhoi oriau o’u hamser rhydd i helpu pobl eraill yn cael cydnabyddiaeth yng Ngwobrau Gwirfoddolwr y Flwyddyn 2010 a gynhelir gan Gyngor Gweithredu Gwirfoddol Cymru (WCVA) ac a gefnogir gan CCLA Investment Management Ltd.
Ers i’r cynllun gwobrau gychwyn yn 2004, mae nifer yr enwebiadau wedi cynyddu bob blwyddyn. Yn 2009, cafwyd dros 200 o enwebiadau ar gyfer y pum categori, sydd wedi’u dewis er mwyn adlewyrchu’r amrywiaeth o gyfleoedd gwirfoddoli sydd ar gael yng Nghymru.

Yn ogystal â chydnabod unigolion, pobl ifanc (dan 25 oed) a grwpiau, mae'r cynllun hefyd yn gwobrwyo gwirfoddolwyr ac ymddiriedolwyr 'gwyrdd'.

Ceir hyd at dri enillydd ymhob categori, sy’n arwain at 15 enillydd cenedlaethol, a bydd yr enillwyr yn cael eu gwobrau mewn seremoni yng Nghaerdydd fis Mehefin, a bydd pawb a enwebir yn derbyn tystysgrifau clod mewn seremoni leol neu drwy’r post.

Yn aml, gall gwirfoddoli fod y cam cyntaf tuag at gael swydd foddhaus. Un o enillwyr gwobr Gwirfoddolwr y Flwyddyn pobl ifanc y llynedd oedd Kirsty Jones, merch 21 mlwydd oed a gafodd ei henwebu am roi ei hamser i helpu yng Nghanolfan Iechyd a Lles Ystalyfera yn Abertawe.
Ers hynny, mae Kirsty wedi cael ei chyflogi fel aelod cyflogedig o'r staff gan y ganolfan, ar ôl profi gwahaniaethu gan gyflogwyr posibl eraill am fod ganddi Glefyd Esgyrn Brau a'i bod yn defnyddio cadair olwyn.

Mae Kirsty wedi torri ei hesgyrn gannoedd o weithiau, wedi cael sawl llawdriniaeth, ac mae mewn poen drwy'r amser. Er hynny, llwyddodd i gyflawni amryw o dasgau yn y ganolfan cyn cael ei phenodi'n Weithiwr ar gyfer Pobl Hŷn.

‘Mae gwirfoddoli wedi rhoi bywyd cymdeithasol i mi, mwy o annibyniaeth i mi ac - yn anad dim - mae wedi rhoi hunanhyder i mi,’ meddai. ‘Ond cael fy nghyflogi gan y Ganolfan Iechyd a Lles yw’r hyn rwy’n ymfalchïo fwyaf ynddo. Byddaf yn ddiolchgar am hyn am byth. Mae gwirfoddoli wedi newid fy mywyd.’

CCLA Investment Management Ltd, cefnogwr newydd y gwobrau ar gyfer 2010, yw’r corff rheoli buddsoddiadau arbenigol mwyaf yn y DU ar gyfer elusennau, mudiadau ffydd ac awdurdodau lleol.

Dywedodd Rheolwr Datblygu’r Farchnad, Mark Davies: ‘Mae yna gân sy’n sôn am weld ac am gwrdd ag angylion sy’n cuddio y tu ôl i bobl gyffredin sy’n byw bywydau cyffredin - disgrifiad gwych o wirfoddolwr! Mae’n bleser gan CCLA gefnogi’r gwobrau hyn er mwyn yr angylion sydd yn ein mysg.’

Gellir cael manylion am Wobrau Gwirfoddolwr y Flwyddyn 2010, gan gynnwys ffurflenni enwebu, gan Lein Gymorth WCVA ar 0800 2888 329 - neu drwy e-bostio help@wcva.org.uk.
Hefyd, gellir llwytho ffurflenni enwebu i lawr oddi ar y wefan, www.wcva.org.uk/voty Y dyddiad cau ar gyfer derbyn enwebiadau yw 23 Ebrill 2010.

Cronfeydd Newid yn yr Hinsawdd Amgylchedd Cymru – Dyddiad Cau Newydd!

LD — 2010-03-16T00:00:00+00:00

Fel canlyniad o dderbyn mwy o arian gan Lywodraeth Cynulliad Cymru, mae'r dyddiad cau ar gyfer ceisiadau am grantiau bychain (hyd at £1,000) wedi cael ei ymestyn.

Mae grantiau hyd at £1,000 ar gael i helpu grwpiau i NAILL AI cymryd camau cyntaf i weithredu dros newid yn yr hinsawdd NEU i helpu eraill i ddysgu mwy am y pwnc neu i gymryd camau ymarferol yn y maes hwn.

Gallwch gael mwy o fanylion a ffurflen gais drwy ffonio 029 2043 1766 neu ddanfon neges e-bost at info@environment-wales.org

Mae'n rhaid i ni dderbyn ceisiadau erbyn 5yh, 25 Mawrth 2010. Derbynnir ceisiadau electronig ar yr amod y bydd copiau caled a'r holl wybodaeth cefnogol yn cael eu derbyn erbyn Dydd Llun 29 Mawrth 2010.

Cynllun Grant Gwirfoddoli Rhyngwladol ymhlith Pobl Ifanc – GwirVol 2010-2011

LD — 2010-03-01T00:00:00+00:00

Cynllun Grant Gwirfoddoli Rhyngwladol ymhlith Pobl Ifanc – GwirVol 2010-2011

Bydd Grant Gwirfoddoli Rhyngwladol ymhlith Pobl Ifanc – GwirVol yn cefnogi cyfleoedd i bobl ifanc o gymunedau difreintiedig a chymunedau lleiafrifoedd ethnig wirfoddoli ar lefel ryngwladol.

Mae cynllun Grantiau Gwirfoddoli Rhyngwladol ymhlith Pobl Ifanc – GwirVol yn anelu at roi blaenoriaeth i ddarparu cyfleoedd yn uniongyrchol gydag ystod eang o bobl ifanc (16 - 25 oed), ac ar eu cyfer, ac yn croesawu’n arbennig geisiadau gan fudiadau sy’n gweithio â’r canlynol:

Pobl ifanc o gymunedau difreintiedig: yn benodol o ardaloedd Cymunedau yn Gyntaf a chymunedau Du, Asiaidd a Lleiafrifoedd Ethnig
Pobl ifanc a chanddynt anableddau corfforol neu anableddau dysgu
Pobl ifanc rhwng 16 a 18 oed
Pobl ifanc nad ydynt mewn addysg, gwaith na hyfforddiant (NEETS)

Bydd y cynllun yn rhoi hyd at £30,000 o gyllid prosiect am flwyddyn ar gyfer rhaglen weithgareddau strwythuredig a fydd yn cynnig profiadau gwirfoddoli rhyngwladol o safon i bobl ifanc rhwng 16 a 25 oed. Bydd cynllun Grantiau Gwirfoddoli Rhyngwladol Ymhlith Pobl Ifanc GwirVol yn cyfrannu hyd at 80% o gyfanswm costau'r prosiect.

Rhaid i gynigion ar gyfer prosiectau ddangos sut y bydd mudiadau’n mynd ati i ddarparu profiadau gwirfoddoli newydd o safon uchel, a sut y byddant yn tynnu sylw ac yn denu pobl ifanc, ac yn cefnogi’r bobl ifanc hynny, yn enwedig y rheini sydd dan anfantais neu wedi’u heithrio.

Bydd prosiectau llwyddiannus yn cael effaith gadarnhaol ar unigolion, ar grwpiau neu ar y gymuned ehangach drwy wirfoddoli ymhlith pobl ifanc.

Y dyddiad cau ar gyfer pob cais fydd 16 Mehefin 2010. Ni fydd ceisiadau a dderbynnir ar ôl y dyddiad hwnnw'n cael eu hystyried.

Student Volunteers Week - Volunteering & Summer Work Fair

Wrexham - Lynsey Edwards — 2010-02-25T00:00:00+00:00

AVOW and the Glyndwr Job Shop will be holding a Volunteering & Summer Work Fair at the Student Guild at Glyndwr. Come along and meet different organisationas and companies and see what you can do!!

Gwahoddiad i Dendro ar gyfer Gwefeistr GwirVol

LD — 2010-02-19T00:00:00+00:00

Mae menter GwirVol yn gwahodd mudiadau i dendro ar gyfer rheoli a datblygu cynnwys Gwefan GwirVol www.gwirvol.org yn barhaus.

Partneriaeth rhwng y trydydd sector a'r sectorau cyhoeddus a phreifat yw GwirVol, a barn a safbwyntiau pobl ifanc yng Nghymru fydd yn ei harwain. Sefydlwyd y Bartneriaeth i weithredu argymhellion Comisiwn Russell. Lluniwyd yr argymhellion hyn i ddarparu fframwaith ar gyfer sicrhau newid sylweddol yn niferoedd ac amrywiaeth gwirfoddolwyr ifanc ac i roi mwy o gyfleoedd gwirfoddoli iddynt a’r rheini o ansawdd gwell.

Gwefan GwirVol yw man gwybodaeth canolog menter GwirVol. Mae’n darparu gwybodaeth a chyngor i fudiadau sydd am ddatblygu cyfleoedd gwirfoddoli ar gyfer pobl ifanc, yn ogystal â man rhyngweithiol lle gall pobl ifanc fod yn rhan o bethau a chael dweud eu dweud.

Gellir cael rhagor o wybodaeth, arweiniad a ffurflen gais o www.gwirvol.org neu www.Sell2Wales.com.

Os oes gan ymgeiswyr unrhyw gwestiynau ynghylch y tendr, mae’n rhaid eu cyflwyno ar bapur i’r cyfeiriad uchod neu dros e-bost at gwirvol@wcva.org.uk erbyn dydd Iau 17eg Mawrth 2010. Y dyddiad olaf y bydd cwestiynau ac atebion yn cael eu cyhoeddi fydd dydd Llun 22ain Mawrth 2010.

Gerdded Gyfeillgarwch Gancr y Fron

Workers in Student Community Volunteering (WiSCV) — 2010-02-13T00:00:00+00:00

Cynhelir taith gerdded gyfeillgarwch i godi arian ac ymwybyddiaeth o Gancr y Fron fel rhan o fis Ffit ac Iach Canolfan Chwaraeon Aberystwyth ar ddydd Sadwrn 13eg Chwefror am 11yb. Mi fydd yn gyfle i gwrdd aelodau eraill o’r gymuned leol, yn ogystal â staff a myfyrwyr y Brifysgol. Mae ffurflenni noddi ar gael i’w casglu o’r Ganolfan Chwaraeon. Mi fydd y daith gerdded yn mynd trwy gerddi ac ar lwybrau’r campws, ac efallai y bydd darnau mwdlyd felly cofiwch wisgo sgidiau addas - a rhywbeth PINC!!

Cronfa Grant Oes y Dwl

Wales Council for Voluntary Action(WCVA) — 2010-02-08T00:00:00+00:00

Mae Llywodraeth Cynulliad Cymru ar y cyd â Chyngor Gweithredu Gwirfoddol Cymru yn cynnig cyfle i fudiadau cymunedol a mudiadau’r trydydd sector ddangos y ffilm – Oes y Dwl. Datblygwyd y ffilm hon gan grŵp bach o wneuthurwyr ffilm sy’n credu y dylai pawb glywed yr hyn a fydd yn digwydd i’n hinsawdd os na wnawn ni ymateb ar fyrder i'r argyfwng newid yn yr hinsawdd. Mae rhagor o wybodaeth am y ffilm ar gael yn www.ageofstupid.com.

Newid yn yr hinsawdd yw un o'r heriau mwyaf y mae’r byd yn ei wynebu. Mae Llywodraeth Cynulliad Cymru a Chyngor Gweithredu Gwirfoddol Cymru yn ymroddedig i chwarae eu rhan i ymateb i’r her ac i sicrhau bod Cymru’n arwain y ffordd o ran mynd i’r afael â’r hyn sy’n achosi newid yn yr hinsawdd a chanlyniadau hynny. Rydym yn cynnig £250 i bob grŵp er mwyn iddynt drefnu dangos y ffilm. Mae’r arian hwn ar gael i dalu am logi lleoliad cymunedol, lluniaeth ysgafn a thrwydded ffilm ar gyfer ei dangos yn gyhoeddus (gofyniad cyfreithiol). Drwy ddangos y ffilm, rydym yn gobeithio y bydd yn atgyfnerthu'r negeseuon allweddol ynghylch newid yn yr hinsawdd, yn annog trafodaeth ac yn ysbrydoli grwpiau i newid ac i weithredu. Os oes gennych ddiddordeb yn y cyfle hwn, yna anfonwch am becyn ymgeisio sydd ar gael drwy ffonio Desg Gymorth WCVA ar 0800 2888 329 neu drwy anfon e-bost at policy@wcva.org.uk.

Ychydig o arian sydd ac fe’i rhoddir ar sail y cyntaf i’r felin. Rhaid cynnal pob digwyddiad cyn diwedd mis Mawrth 2010.

Prosiectau’r Gaeaf yng Nghymru

UNA Exchange — 2010-02-01T00:00:00+00:00

Os ydych dros 18 oed ac yn hoffi’r syniad o wirfoddoli ochr yn ochr â phobl o wledydd eraill am benwythnos neu bythefnos (ac os nad yw ychydig o fwd yn eich poeni!) yna codwch y ffôn neu ewch i’n gwefan.

Gwefan ar ei newydd wedd i gynllun gwirfoddoli i ieuenctid

LD — 2010-01-26T00:00:00+00:00

Bydd GwirVol, y cynllun ar gyfer gwirfoddolwyr ifanc, fe lansiodd y wefan ar ei newydd wedd, www.gwirvol.org, ddydd Mercher, 27 Ionawr. Bwriedir y wefan newydd ar gyfer gwirfoddolwyr rhwng 16 a 25 oed a’r grwpiau sy’n eu cynnwys – a’r rheini sy’n bwriadu gwneud hynny yn y dyfodol.

Mae’r wefan yn llawn o nodweddion newydd cyffrous, o gystadlaethau a phleidleisiau ar-lein (rydym ni eisiau gwybod beth yw barn ein gwirfoddolwyr) i gwestiynau cyffredin, adnoddau a phecynnau i wneud cais am grant – yn ogystal ag awgrymiadau ar sut i ymgeisio. Cewch hefyd ddarllen am brofiadau go iawn ein gwirfoddolwyr, megis Lisa Ward sy’n 16 mlwydd oed, a fu’n gwirfoddoli yn y Sw Fynydd Gymreig. Bu mor llwyddiannus fel ei bod yn awr yn Geidwad Sw dan Hyfforddiant. Gallwch hefyd chwilio am leoliad yn eich ardal, a chael yr holl newyddion diweddaraf am waith gwirfoddol i ieuenctid ynghyd â’r holl fanylion am ddigwyddiadau a gynhelir ar draws Cymru.

Cewch hefyd ddysgu rhagor am ein panel i wirfoddolwyr ifanc, GwirForce, sy’n recriwtio ar draws Cymru. Mae GwirForce yn gofyn i’w haelodau gefnogi’r cynllun drwy roi’u safbwyntiau ar wirfoddoli a lledaenu’r gair ymysg eu cyfoedion.

Uchafbwynt arall yw’r cyfle i ddod i gysylltiad â’n Cynghorwyr i Wirfoddolwyr Ifanc, sydd wedi’u lleoli ar draws Cymru. Mae’u tudalennau proffiliau’n llawn dop o wybodaeth ddefnyddiol, a gallwch gysylltu â nhw am gefnogaeth a chyngor. Mae’r Cynghorwyr hyn hefyd ar gael am gyngor ar hybu cyfleoedd i wirfoddoli yn eich grŵp chi, neu gallwch sgwrsio am leoliadau lleol neu gael gwybodaeth bellach am grantiau a buddion.

Mae gan ein partneriaid broffiliau hefyd, gan ganiatáu i chi ddysgu rhagor amdanynt a pham eu bod yn cefnogi’r cynllun pwysig hwn. Yn eu plith mae Llywodraeth Cynulliad Cymru, Heddlu Gogledd Cymru – sy’n cynnal rhaglen gadetiaid i bobl ifanc 16-18 oed – a Draig Ffynci, sefydliad sydd â’r nod o roi i bobl ifanc y cyfle i leisio’u barn ar faterion sy’n effeithio arnynt.
Bydd GwirVol yn diweddaru’r wefan yn barhaus i roi rhagor o gefnogaeth, cyngor, gwybodaeth a hwyl i unrhyw un sydd â diddordeb mewn gwaith gwirfoddol i ieuenctid.

Os hoffech chi fod yn rhan o’r cynllun, os hoffech anfon eich newyddion atom neu hyrwyddo digwyddiad, ymwelwch â www.GwirVol.org Gallwch hefyd ein dilyn ar twitter www.twitter.co.uk/gwirvol ac ymuno â’n grŵp facebook www.facebook.com.

Grantiau Gwirfoddoli Ieuenctid GwirVol yn helpu pobl ifanc i wirfoddoli

LD — 2010-01-25T00:00:00+00:00

Cafodd cynllun cenedlaethol sydd â’r nod o gynyddu nifer y bobl ifanc sy’n cymryd rhan mewn gweithgareddau gwirfoddol yng Nghymru ei lansio ym mis Ebrill 2009. Bu cynllun Grantiau Gwirfoddoli Ieuenctid GwirVol, sy’n cael ei weinyddu gan WCVA, yn boblogaidd dros ben yn y rownd gyntaf, a ddaeth i ben ym Mehefin 2009, gyda mwy o geisiadau wedi’u derbyn nag o grantiau oedd ar gael.

Mae Llywodraeth y Cynulliad wedi cyfrannu £405,000 i annog pobl ifanc i fanteisio ar gyfleoedd gwirfoddoli yng Nghymru, Nod y cynllun yw arwain at newid sylfaenol mewn gwirfoddoli gan bobl ifanc yng Nghymru drwy waith ac arweiniad pobl ifanc.

Diben y grant yw cynorthwyo mudiadau i ddarparu cyfleoedd a fydd yn herio pobl ifanc, yn ateb eu dyheadau ac yn ychwanegu gwerth at eu cymunedau.

Faint oedd ar gael?

‘Rhyngwladol’ : cyllid prosiect hyd at £30,000 i annog cyfleoedd gwirfoddoli rhyngwladol i bobl ifanc nad ydynt yn gwirfoddoli fel arfer. Roedd y cynllun yn cefnogi prosiectau blwyddyn o hyd gan gyfrannu hyd at £30,000, i gynnig rhaglen strwythuredig o weithgareddau a fyddai’n cynnig profiadau gwirfoddoli rhyngwladol o safon uchel i hyd at 30 o bobl ifanc 16-25 oed. Yr oedd Grantiau Rhyngwladol Gwirfoddoli Ieuenctid GwirVol yn cynnig hyd at 80% o gyfanswm costau’r prosiect.
‘Cyfleoedd’: cyllid prosiect hyd at £10,000 ar gyfer gweithgareddau i ddarparu amrywiaeth eang o brofiadau gwirfoddoli newydd ac arloesol i bobl ifanc 16-25 oed, un ai gyda’u grŵp eu hunain neu fudiad arall.
‘Hyrwyddo’: cyllid prosiect hyd at £5,000 i hyrwyddo gwirfoddoli i ac ar gyfer pobl ifanc 16-25 oed – drwy ddigwyddiadau, gwefannau, arddangosfeydd neu ymweliadau hyrwyddo, er enghraifft.

Daeth yr ail rownd i ben ar 1 Rhagfyr 2009. Disgwylir i’r rownd nesaf agor ym mis Mawrth 2010 gyda’r dyddiad cau ganol Mehefin 2010.

Mae gwybodaeth am rownd nesaf grantiau Gwirfoddoli Ieuenctid GwirVol ar gael oddi wrth Pri Patel, Trefnydd GwirVol, ar 029 2043 1763, neu drwy e-bostio gwirvol@wcva.org.uk

Gwobrau Gwirfoddoli Ieuenctid GwirVol

Mae’r prosiectau llwyddiannus yn amrywio o e-fentora i fanciau bwyd.

Ymddiriedolaeth Ddatblygu’r 3G

Cafodd prosiect 3G Youthvols ei lansio’n ddiweddar. Nod y prosiect yw cynnig cyfleoedd i bobl ifanc i wirfoddoli yn eu cymunedau lleol. Bydd yn helpu i godi proffil pobl ifanc, helpu i leddfu ofnau troseddu a galluogi gwahanol genedlaethau i gydweithio ac i ddod i adnabod ei gilydd yn well.

Bydd grŵp craidd o wyth o bobl ifanc, dros 16 oed, yn helpu i gynllunio, trefnu a rhedeg digwyddiadau rhagflas yn eu cymunedau. Bydd y rhain yn cynnwys:

Glanhau / casglu sbwriel yn y gymuned
Dau Brosiect Gerddi cymunedol
Digwyddiadau cymdeithasol ar gyfer y gymuned ehangach
Gwaith ieuenctid sesiynol drwy grwpiau darpariaeth ieuenctid lleol

Bydd y grŵp craidd yn cael ei weld fel ‘delfrydau ymddwyn’ ymhlith eu cymheiriaid a byddant yn derbyn cefnogaeth a chymorth pobl ifanc eraill wrth wneud eu gwaith gwirfoddol ‘cymunedol’.

Bydd y bobl ifanc yn cael gwybodaeth a phrofiad o waith ieuenctid a chymunedol. Hefyd, bydd y grŵp craidd yn dilyn rhaglen ddysgu a fydd yn rhoi sgiliau trosglwyddadwy iddynt, gan gyfoethogi eu gwaith gwirfoddol a’u gwneud yn fwy cyflogadwy.

Ar ddiwedd y prosiect, bydd aelodau’r grŵp craidd wedi derbyn:

Hyfforddiant cymorth cyntaf
Hyfforddiant sgiliau sylfaenol
Hyfforddiant hylendid bwyd
Hyfforddiant cynllunio prosiectau ac asesu risg
Hyfforddiant yn y cyfryngau
Ac, yn bwysicaf oll, profiad o wirfoddoli!

Cysylltwch â: Carol Adams 01685 384 428, carol.3gs@googlemail.com

Ymddiriedolaeth Trussell

Bydd ein prosiect GwirVol yn lleoli pobl ifanc gyda’r nifer cynyddol o brosiectau banciau bwyd yng Nghymru,. Mae banciau bwyd yn derbyn rhoddion o fwyd sych a thun gan y cyhoedd sydd wedyn yn cael ei ddosbarthu i rai sy’n profi argyfwng tymor byr drwy dalebau bwyd. Trwy gyfwng GwirVol byddwn yn creu 26 o gyfleoedd sy’n addas ar gyfer pobl ifanc a disgwyliwn weld 40 o wirfoddolwyr ifanc yn ystod 2009 – 2010. Bydd GwirVol yn galluogi banciau bwyd i ymgysylltu’n effeithiol â grwpiau lleiafrifol, a gobeithiwn gynnig 50% o’n cyfleoedd i bobl ag anawsterau dysgu, pobl ifanc anabl 16-18 oed neu rai o gefndir lleiafrif ethnig. Bydd pobl ifanc yn cael eu hannog i ymgymryd â rôl flaenllaw yn y prosiect a datblygu syniadau a fyddai’n denu eu cymheiriaid i wirfoddoli, gan gynnwys cynhyrchu DVD a llenyddiaeth i hyrwyddo’r prosiect, a thrwy ddigwyddiadau mewn colegau, prifysgolion ac ysgolion. Bydd goruchwylwyr banciau bwyd yng Nghymru’n cael eu hyfforddi i sicrhau bod pobl ifanc yn cyfrannu’n effeithiol ac yn cael eu mentora yn eu rolau. Yr ydym yn hyderus y bydd y prosiect yn cyflawni gwell cydlyniant cymunedol a bydd yn helpu’r rhwydwaith banciau bwyd i fwydo miloedd o deuluoedd mewn argyfwng yn ystod y flwyddyn nesaf.

Cysylltwch ag: Adrian Curtis, Swyddog Datblygu Rhanbarthol (Cymru), 01495 352223; adrian@festivalchurch.co.uk

Curobwlio

Lansiodd Curobwlio, prif elusen atal bwlio’r DU, ei waith yng Nghymru’n swyddogol yng Nghaerdydd fis Hydref 2009 gyda chymorth noddwr Beatbullying, y dioddefwr bwlio a chyn bencampwr bocsio’r byd, Joe Calzaghe.

Bydd Curobwlio Cymru – www.beatbullying.org/wales - yn rhoi pwyslais ar addysg cymheiriaid i gymheiriaid, gan ddefnyddio strategaethau a ddyfeisiwyd ar gyfer pobl ifanc gan bobl ifanc, gyda gweithdai’n canolbwyntio ar chwaraeon (BBSports), cerddoriaeth (BBTunes) a chyfryngau digidol (CyberMentors), i alluogi pobl ifanc i arwain eu hymgyrchoedd eu hunain. Mae SeibrFentoriaid yn wirfoddolwyr ifanc sydd wedi’u hyfforddi gan Gurobwlio i fod yn fentoriaid cymheiriaid mewn ysgolion neu golegau. Gallant gynnig cymorth wyneb yn wyneb neu ar-lein yn www.cybermentors.org.uk, gan helpu i gadw’u cymheiriaid yn ddiogel pan maent yn defnyddio safleoedd rhwydweithio cymdeithasol, ffôn symudol a gwasanaethau neges testun. Mae’r safle eisoes wedi derbyn 200,000 o ymweliadau gan bobl ifanc sydd angen cymorth a chefnogaeth. Mae Gwirvol wedi darparu cyllid i alluogi 100 o bobl ifanc 16-18 oed i gael eu hyfforddi fel SeibrFentoriaid mewn colegau yng Nghaerdydd, Casnewydd a Chaerffili, gan roi cyfle cyffrous iddynt i wirfoddoli a rhoi cymorth i eraill.

Cysylltwch â: Rebecca Davies 02920 461 652; rebecca.davies@beatbullying.org

BulliesOut

Ein cynllun ar gyfer defnyddio’r arian a gawsom gan GwirVol yn ddiweddar yw recriwtio a hyfforddi wyth o bobl ifanc i fod yn Gydlynwyr Mentora Cymheiriaid i ni. Ar ôl iddynt gael eu hyfforddi, byddant yn cynorthwyo i redeg ein rhaglen Peer2Peer lwyddiannus gyda detholiad o fyfyrwyr mewn ysgolion uwchradd ledled Cymru.

Mae ein rhaglen Peer2Peer yn annog y mentorai a’r mentor i ddatblygu sgiliau personol a chymdeithasol megis gwrando gweithredol a sgiliau cyfathrebu, hybu hunan barch, dysgu i drafod â’i gilydd a chydag oedolion mewn meysydd gwrthdaro, a dysgu sut i ofyn am gymorth a chefnogaeth. Mae’n gyfle i blant a phobl ifanc i brofi rolau a chyfrifoldebau gwahanol ac i ddysgu arweinyddiaeth effeithiol a sgiliau gweithio fel tîm. Mae llawer o gynlluniau mentora ysgolion yn methu o ganlyniad i ddiffyg cefnogaeth ac anogaeth i’r myfyrwyr sy’n mentora. Bydd y Cydlynwyr Mentoriaid yn sicrhau bod y cynlluniau’n effeithiol, yn gynaliadwy a llwyddiannus a byddant yn darparu cymorth parhaus gwerthfawr i fentoriaid myfyrwyr ysgolion ar-lein ac all-lein.

Bydd y Cydlynwyr Mentoriaid yn cael eu hannog i gynnig unrhyw syniadau sydd ganddynt a fyddai o fudd i’r rhaglen. Trwy gydol yr hyfforddiant bydd y mentoriaid cymheiriaid yn cael cyfle i gynllunio ac i sefydlu eu cynllun eu hunain. Bydd hyn yn rhoi perchnogaeth iddynt dros eu cynllun a bydd yn eu galluogi i amlinellu eu nodau.

Cysylltwch â: Linda James 029 2056 8947; ljames@bulliesout.com www.bulliesout.com

Ash Cymru

ASH Cymru yw’r unig fudiad gwirfoddol yng Nghymru sydd â’r un nod yn unig, sef mynd i’r afael ag afiechyd a achosir gan ddefnydd o dybaco yn y wlad. Bydd yr arian a gawsom gan GwirVol yn cael ei ddefnyddio i hysbysebu a hyrwyddo’n cyfleoedd gwirfoddoli newydd ar gyfer pobl ifanc, i wneud yn siŵr bod pob person ifanc yn cael cyfle i gymryd rhan. Yr enw ar y prosiect yw ‘Hybu Iechyd Cymheiriaid’ a bydd yn annog pobl ifanc 16-25 oed, beth bynnag fo’u statws ysmygu, i ymuno â’n mudiad bach ond rhagweithiol i helpu i ddarparu gwybodaeth ddefnyddiol a chywir am ddefnydd o dybaco mewn meysydd fel ymyriadau byr, Monitro CO, gweithdai cymheiriaid ac effeithiau ysmygu ar iechyd, a’r hyn y mae nwyddau tybaco’n ei gynnwys. Bydd y gwirfoddolwyr ifanc hyn wedyn yn gallu darparu gweithgareddau tebyg yn eu cymunedau, boed hynny mewn clybiau ieuenctid, clybiau chwaraeon neu ganolfannau cymunedol. Bydd gwirfoddolwyr ifanc hefyd yn gallu defnyddio gwasanaethau eraill drwy ASH Cymru, a fydd yn eu hannog, os ydynt yn ysmygu, i bennu dyddiad i roi’r gorau iddi.

Hefyd, fel rhan o’r prosiect Hybu Iechyd Cymheiriaid, byddwn yn annog ein gwirfoddolwyr ifanc i fynychu digwyddiadau cymunedol, digwyddiadau cenedlaethol a chynadleddau gyda ni i raeadru gwybodaeth am effeithiau niweidiol tybaco ymhlith pobl ifanc a’r sawl sy’n gweithio â phobl ifanc.

“Fel person ifanc yr wyf yn poeni bod cymaint o fy ffrindiau’n mynd yn gaeth i dybaco. Mae’n hwb mawr i gwrdd â rhywun fel Helen sydd wedi cyflawni cymaint yn y byd chwaraeon. Mae’n ysbrydoliaeth i ferched ifanc fel fi ac yr wyf mor falch ei bod yn cefnogi’n hymgyrch.”

Cysylltwch â: Laura Rich, Cydlynydd Gwirfoddolwyr Ifanc, 029 20 641 101, laura@ashwales.co.uk

Heddlu Gogledd Cymru a’r Ymddiriedolaeth Gymunedol

Mae gan Heddlu Gogledd Cymru dros 100 o bobl ifanc sy’n gwirfoddoli fel Cadetiaid yr Heddlu. Pan fyddant yn 16 oed, bydd y Cadetiaid yn cychwyn ar raglen dwy flynedd sy’n hyfforddi pobl ifanc i fod yn ddinasyddion gweithredol a phositif drwy bartneriaeth â chymunedau lleol, tra maent yn eu tro’n cael cipolwg gwerthfawr ar yrfa yn yr heddlu yn ogystal â dysgu sgiliau a phersbectif cymdeithasol unigryw.

Mae’r Cadetiaid yn cael eu hannog i gynnig eu syniadau eu hunain ar gyfer prosiectau sy’n cael eu goruchwylio gan arweinwyr y Cadetiaid. Yn ystod y rhaglen beilot bu’r Cadetiaid yn cymryd rhan mewn nifer o brosiectau gan gynnwys paentio clybiau ieuenctid, adfer gerddi ysgolion, gosod cloeon diogelwch yng nghartrefi pobl agored i niwed, gwneud mân dasgau a garddio i bobl hŷn, prosiectau amgylcheddol, casglu sbwriel a glanhau pyllau dŵr.

“Gydag arian GwirVol yr ydym yn bwriadu prynu deunydd hyrwyddo fel pabell y gallwn ei defnyddio mewn digwyddiadau cyhoeddus i ddenu pobl ifanc ac i roi syniad iddynt beth yn union y mae bod yn Gadet Gwirfoddol yn ei olygu. Bydd yr arian hefyd yn ein galluogi i gynllunio a dylunio tudalen ar gyfer pobl ifanc ar wefan Heddlu Gogledd Cymru. Bydd y Cadetiaid yn gweithio â thîm y wefan i greu rhan o wefan ar gyfer pobl ifanc sy’n dymuno gwirfoddoli gyda Heddlu Gogledd Cymru.”

Cysylltwch â: David Evans, Rheolwr y Prosiect, 01745 588 516, david.v.evans@nthwales.pnn.police.uk

Cyfnewid UNA

Sefydlwyd Cyfnewid UNA, y Mudiad Cenedlaethol Gwirfoddol i Bobl Ifanc, ym 1973 a daeth yn Elusen Gofrestredig ym 1989. Gan weithio mewn partneriaeth ag amrywiaeth eang o grwpiau ledled Cymru, yr ydym yn cydlynu gwirfoddoli rhyngwladol er budd pobl ifanc a datblygu cymunedol. Yr ydym yn defnyddio gwirfoddoli fel y cyfrwng i hyrwyddo a hybu ymwybyddiaeth rhwng diwylliannau a gwerthfawrogiad o amrywiaeth diwylliannol.

Mae gweithgareddau Cyfnewid UNA yn dod â phobl ifanc o wahanol wledydd at ei gilydd i wirfoddoli eu hamser a’u hegni mewn ffordd unigryw. Mae gwaith gwerthfawr ac o safon uchel yn cael ei wneud tra mae cyfoeth amrywiaeth eu cefndir yn ychwanegu elfen ddiwylliannol holl bwysig at y broses. Mae Cyfnewid UNA yn rhedeg ac yn rheoli amrywiaeth o raglenni sy’n cefnogi gwirfoddoli rhyngwladol tymor hir a byr am gyfnodau rhwng 2 ddiwrnod a 12 mis, ar gyfer prosiectau grŵp a lleoliadau unigol. Mae’r gwaith prosiect yn cael ei gefnogi a’i ategu gan raglen addysgiadol i sicrhau ac i gyfoethogi’r cyfleoedd dysgu.

Bu prosiect peilot a fu’n rhedeg yn ystod 2007 yn llwyddiannus pan fu 34 o bobl ifanc yn cymryd rhan mewn rhaglen hyfforddi strwythuredig.

Diben y prosiect hwn yw annog pobl ifanc 16-25 oed o ‘gefndiroedd difreintiedig’ i gymryd rhan yn y rhaglenni.

Cysylltwch â: Sheila Smith, Cyfarwyddwr 02920 223 088, sheilasmith@unaexchange.org

Sant Ioan Cymru

Mae Sant Ioan Cymru’n elusen genedlaethol a hi yw prif elusen cymorth cyntaf Cymru. Gyda 4,515 o wirfoddolwyr (mae 60% ohonynt yn bobl ifanc) mae Sant Ioan Cymru’n darparu cymorth cyntaf a gofal yn y gymuned i filoedd o bobl bob blwyddyn ym mhob rhan o'r wlad - o rai mewn cymunedau difreintiedig i bobl yn y cannoedd o ddigwyddiadau lle’r ydym yn bresennol bob blwyddyn.

Derbyniodd Sant Ioan arian gan Gomisiwn Russell yn 2007, ac aeth â 12 o wirfoddolwyr ifanc i Zambia i hwyluso amrywiaeth gynhwysfawr o weithgareddau cymorth cyntaf ac ieuenctid gyda Sant Ioan Zambia. Bu 12 o wirfoddolwyr ifanc yn cymryd rhan a buont yn gweithio mewn pum ysgol ac ym Mhencadlys Sant Ioan Zambia ochr yn ochr ag aelodau’r wlad, a chyflawnwyd rhaglen uchelgeisiol o hyfforddiant cymorth cyntaf a chymorth byw sylfaenol i oddeutu 1,200 o bobl ifanc a’r cyhoedd.

Mae’r prosiect hwn yn ychwanegiad pellach at y prosiect peilot. Hoffai Sant Ioan Cymru anfon gwirfoddolwyr gwahanol i Luaska, Zambia, i gynnig hyfforddiant mewn saith ysgol – gan gynnwys 100 o athrawon a hyd at 500 o ddisgyblion ysgol – mewn cymorth cyntaf hanfodol er mwyn paratoi’r gwirfoddolwyr ifanc ar gyfer eu hymweliad â Zambia.

Mae Sant Ioan hefyd yn gobeithio datblygu ei hyfforddiant gyda 30 o’r hyfforddwyr yn Zambia a gymerodd ran yn y prosiect blaenorol ac mae’n gobeithio dysgu 500 o aelodau’r cyhoedd mewn cyrsiau cymorth cyntaf sylfaenol.

Bydd hyfforddwyr Ambiwlans Sant Ioan yng Nghymru’n datblygu sgiliau hyfforddi eu hyfforddwyr ymhellach, a thrwy hynny yn gwella ansawdd yr hyfforddiant i hyfforddwyr yr ydym yn ei ddarparu i wirfoddolwyr eraill yng Nghymru.

Cysylltwch ag: Andrew Mitchel, Cydlynydd Gwirfoddolwyr, 07838 604 813

LLongyfachiadau Tim!

Ceredigion - Catherine Derrick-Huge — 2010-01-25T00:00:00+00:00

Hoffwn longyfarch ein gwirfoddolwr ifanc diweddaraf o Aberystwyth sydd wedi cwblhau ei 200 awr o dan Gynllun Gwirfoddolwyr y Mileniwm; Tim Davies.

Stori Tim…

“Bûm yn gwirfoddoli ym Mar Coffi Oasis yng Nghanolfan Methodistaidd St. Paul, Aberystwyth am 2 flynedd. Fe wnes fwynhau yno’n fawr iawn er ei bod yn dawel iawn weithiau ac nid oedd digon o waith i’w wneud. Fi oedd yn gwneud y te, y coffi a’r brechdanau i’r cwsmeriaid. Gorffennais wirfoddoli yno ym mis Gorffennaf 2009. Yn ogystal â Chanolfan Methodistaidd St Paul, ymunais â’r tîm garddio yn Llanerchaeron ger Aberaeron. Rwy’n edrych ymlaen at fynd yn ôl yno pan fydd y tywydd yn cynhesu oherwydd fy mod yn cael problemau gyda fy nghymalau yn y gaeaf. Ym mis Mawrth 2009 dechreuais wirfoddoli gyda Radio Bronglais. Fy rôl yno yw gwirio cannoedd o CDau sydd wedi’u rhoddi i’r orsaf i wneud yn siŵr nad ydynt wedi eu niweidio neu’n anaddas ar gyfer eu darlledu. Rwy’n mwynhau’r gwaith hwn yn fawr iawn. Ryw hefyd yn aelod gweithgar iawn o bwyllgor Radio Bronglais ac yn mynychu cyfarfodydd yn rheolaidd.” Llongyfarchiadau oddi wrth dîm CAVO i gyd.

Gwirfoddoli Dramor

UNA Exchange — 2010-01-22T00:00:00+00:00

Bydd dros 1,500 o raglenni gwirfoddoli newydd ar gyfer 2010 ar gael ar wefan UNA Exchange o ganol Chwefror ymlaen; digonedd o gyfleoedd cyffrous mewn dros 50 o wledydd ledled y byd, felly bydd rhywbeth ar gael at ddant pawb. www.unaexchange.org

Wythnos Gwirfoddoli gan Fyfyrwyr

Workers in Student Community Volunteering (WiSCV) — 2010-01-20T00:00:00+00:00

Mi fydd Myfyrwyr Dim Prob sy’n Gwirfoddoli yn nodi Wythnos Gwirfoddoli gan Fyfyrwyr ar 22ain Chwefror trwy amlygu’r gwaith mae gwirfoddolwyr wedi gwneud i helpu’r gymuned leol, yr amgylchedd a chyfrannu i iechyd meddwl myfyrwyr. Cynhelir prosiectau amrywiol trwy gydol yr wythnos: Dydd Llun 22ain Chwefror – Stondin Masnach Deg Dydd Mawrth 23ain Chwefror – Her 200 Awr Myfyrwyr y Mileniwm Dydd Mercher 24ain Chwefror – Clwb Bwyd Come Dine With Me Dydd Iau 25ain Chwefror – Co-op bwyd Dydd Gwener 26ain Chwefror – Glanhau Traeth Am fwy o fanylion, neu os hoffech gymryd rhan, gyrrwch e-bost i dimprob@aber.ac.uk.

Cylchlythyr Draig Ffynci

Funky Dragon — 2010-01-20T00:00:00+00:00

Mae’r Ddraig Ffynci yn anfon taflen newyddion i’n holl aelodau drwy e-bost ar ddechrau bob mis. Mae’r daflen newyddion yn llawn o wybodaeth am yr hyn yr ydym yn ei wneud ar hyn o bryd, ymgyrchoedd yr ydym yn eu cefnogi, materion sy’n wynebu pobl ifanc, a llawer o wybodaeth am y Ddraig Ffynci. Os hoffech ychwanegu eich enw at ein rhestr bostio er mwyn derbyn y daflen newyddion, e-bostiwch tam@fynkydragon.org

Holiadur Gwirfoddoli Pobl Ifanc Gwynedd

Gwynedd - Mirain Roberts — 2010-01-15T00:00:00+00:00

Y dyddiad cau ar gyfer cyflwyno’r holiadur oedd yr 8fed o Ionawr 2010. Mae dros 500 wedi cael eu cyflwyno i mewn. Fe fydd mwy o wybodaeth yn cael ei rannu yn fuan.

Taith Gerdded Cyfeillgarwch i Gancr y Fron

Workers in Student Community Volunteering (WiSCV) — 2009-02-13T00:00:00+00:00

Gerdded Gyfeillgarwch Gancr y Fron

Workers in Student Community Volunteering (WiSCV) — 2009-02-13T00:00:00+00:00